Zullu230

مسٹر رائٹ! اس شعر کا قافیہ تو آپ نے کھا ہی لیا ہے!

محمدعدنان

تو بھائی اپ اس کو مکمل کردیں تاکہ میں اس کو ڈیزائن کروں

خرم شہزاد خرم

اثر کرتا نہیں شکوہ شکایت بھی پرانی ہے
مجھے احساس ہے اس کی یہ عادت بھی پرانی ہے

کوئی رستہ نہیں اس بن جو مجھ کو زندگی دے دے
بہت ہی دور ہے منزل مسافت بھی پرانی ہے

اسے دیکھے بنا آنکھیں برستی ہیں نہ ہنستی ہیں
جدائی بھی نہیں کٹتی اذیت بھی پرانی ہے

یہ تنہا چاند راتوں میں تمہاری یاد کا آنا
یہی تیر محبت ہے محبت بھی پرانی ہے

تری یادیں تری باتیں تری ہر چیز سے جاناں
مجھے بے حد عقیدت ہے عقیدت بھی پرانی ہے

تمہی آنکھوں میں ہو میرے تمہیں دل میں بسایا ہے
تمہی کو چاہتے ہیں اور چاہت بھی پرانی ہے

ترے بن سانس کانٹے اور دھرکن درد کی دستک
گزرتی ہی نہیں خرم قیامت بھی پرانی ہے

خرم شہزد خرم

جناب یہ میں نے اپنی غزل اپنے سیکشن میں‌بھی ارسال کی تھی اب یہاں بھی ارسال کر رہا ہوں‌اس کو بھی مصوری کے رنگ میں رنگ دے شکریہ

__________________

محمدعدنان

انشااللہ بہت جلد آپ کی ڈیزائننگ آپ کو مل جائے گی

محمدعدنان

خرم بھائی یہ لیں جناب ڈیزائن کردی ہے آپ کی غزل

Attached Images

 

خرم شہزاد خرم

بہت خوب عدنان بھائی بہت خوب دل خوش ہوگیا ہے
بہت خوب میں جلد ہے ایک اور غزل ارسال کروں گا اب آپ کی خیر نہیں ہے ہا ہا ہا

محمدعدنان

خرم بھائی کوئی مسلہ نہیں ہے انشاللہ
آپ فرمائیشیں کر کر کے تھک جائو گے لیکن ۔۔۔۔۔۔۔۔۔

م۔م۔مغل

برادرِ محترم
آداب۔
آپ کو ایک زحمت دینی ہے۔۔
اور وہ یہ کہ ۔۔ ہمارے عہد کے ایک انتہائی کہنہ مشق و بزرگ شاعر ہیں جناب
لیاقت علی عاصم۔۔۔ میں چاہتا ہوں کہ آپ مجھے انکی یہ غزل ڈیزائن کر دیں۔
م۔م۔مغل

غزل یہ ہے۔

سخن ہائے دل و جاں مرگئے کیا
کہو کچھ تو کہو ، ہاں مرگئے کیا
یہ کیا آٹھوں پہر چُپ سی لگی ہے
وہ کچھ کہنے کے ارماں مر گئے کیا
یہ خاموشی تو اب رونے لگی ہے
وہ آنے والے طوفاں مر گئے کیا
جیئے جاتے ہیں ہم اک دوسرے بِن
ہمارے عہد و پیماں مرگئے کیا
یہ دل کیوں سینہ کوبی کر رہا ہے
یہ تم مجھ میں مری جاں مرگئے کیا
اسیرانِ خمِ زلفِ زمانہ
پریشاں تھے پریشاں مرگئے کیا
جو دن دھمال کرتے آرہے تھے
وہ دن رستے میں رقصاں مرگئے کیا
کوئی تو دار سامانی کو آتا
گرانی میں سب ارزاں مرگئے کیا
میں ایسا کون زندہ ہوں کہ پوچھوں
کراچی کے غزل خواں مرگئے کیا
لیاقت علی عاصم

محمدعدنان

انشااللہ جناب بہت جلد ڈیزائننگ آپ کو مل جائے گی

محمدعدنان

جناب یہ رہی اپ کی ڈیزائننگ

خرم شہزاد خرم

بہت خوب جناب بہت خوب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔

خرم شہزاد خرم

عدنان بھائی اس کو بھی کچھ نظر کرم عطا فرمائے


تیرے لیے خیالِ چمن گفتگو خواب
پھیلی ہے داستان یہی کوبکو خواب

ظاہر بھی ایک جیسا ہے باطن بھی ایک سا
میرے لیے تو ہو گیا ہے سچ میں تُو خواب

اب تو کسی بھی بات پہ ہوتا نہیں یقین
آنکھوں میں بس رہے ہیں مرے چار سُو خواب

آنکھوں میں جی رہی ہے حقیقت کی روشنی
قائم ہے میرے دل میں کوئی آرزُو خواب

آبِ حیات کس کو ملا ہے یہاں میاں
اس دشتِ کربلا میں ہے آب جُو خواب

خرم شہزاد خرم

عادل

ناظم صاحب ؁اس کو ڈیزائن کرنا ہے کیا؟

محمدعدنان

جی جی عادل بھائی بالکل اس کو ڈیزائن کرنا ہے سرکار
اب آپ بھی زرا اپنا کمال دکھائیے ناں
کیونکہ آپ کی پہلی پوسٹ نے ہی ہم کو آپ کا دیوانہ بنا دیا ہے

__________________

عادل

چلے کوشش کرتے ہیں یہ آپ کو آج ہی مل جائے۔۔۔۔