چیتا چالباز

زندگی سے ڈرتے ہو؟
زندگی تو تم بھی ہو
زندگی تو ہم بھی ہیں

آدمی سے ڈرتے ہو؟
آدمی تو تم بھی ہو
آدمی تو ہم بھی ہیں

آدمی زباں بھی ہے
آدمی بیاں بھی ہے
اس سے تم نہیں ڈرتے

حرف اور معانی کا رشتہ ہے آہوں سے
آدمی ہے وابستہ
آدمی کے دامن سے زندگی ہے وابستہ
اس سے تم نہیں ڈرتے

ان کہی سے ڈرتے ہو؟
جو ابھی نہیں آئی
اس گھڑی سے ڈرتے ہو؟

پہلے بھی گزرے ہیں
دور نارسائی کے بےریا خدائی کے
پھر بھی یہ سمجھتے ہو ہیچ آرزو مندی
یہ شبھ زباں بندی
ہے راہ خداوندی
تم مگر یہ کیا جانو
لب گر نہیں ہلتے
ہاتھ جگ اٹھاتے ہیں
ہاتھ جگ اٹھاتے ہیں، راہ کا نشاں بن کر
نور کی زباں بن کر
ہاتھ بول اٹھتے ہیں صبح کی اذاں بن کر

روشنی سے ڈرتے ہو؟
روشنی تو تم بھی ہو
روشنی تو ہم بھی ہیں

شہر کی فصیلوں پر
دیوی کا جو سایہ تھا پاک ہو گیا آخر
رات کا لبادہ بھی چاک ہو گیا آخر
خاک ہو گیا آخر
اژدھام انساں سے فرد کی نوا آئی
ذات کی سدا آئی
راہ شوق میں جیسے
راہ رو کا خوں لپکے
اک نیا جنوں لپکے

آدمی چھلک اٹھے
آدمی ہنسے دیکھو
شہر پھر بسے دیکھو
تم ابھی سے ڈرتے ہو؟

محمد الیاس

دیوی کس کے کہنے پہ
جوہری کھپاتی تھی
اک قدیر کی قدرت
لے کے جا تھماتی تھی
دیوی جا چکی اب تو
فیصدی سے ڈرتے ہو
فی صدی تو تم بھی ہو
بے بسی سے ڈرتے ہو

اک خدا ہے عالم کا
اس سے تم نہیں ڈرتے
کام اک پیمبر کا (ص)
تم کبھی نہیں کرتے
تیرا وقت آئے گا
کیوں ابھی سے ڈرتے ہو

آدمی ہنسے دیکھو
آدم بسے دیکھو
تم سبھی سے ڈرتے ہو۔

عبدالقدوس

نون میم راشد صاحب کی یہ شاعری واقعی کمال کی ہے

چیتا چالباز

الیاس صاحب آپ بھی اچھی شاعری کر لیتے ہیں

کچھ فرمایا ہو تو پیش کیجیئے

محمد الیاس

شکریہ جناب سعود ناصر صاحب۔ اس شاعروں کی بیٹھک میں میری شاعری کے شوشے بھی ہیں جو پچھلے صفحوں پر ہیں۔ آپ ساتھی قلم پر کچھ غزلیں ملاحظہ کر سکتے ہیں۔ ان کے بارے میں اپنی آراء بھی چھوڑئے گا۔ شکریہ