saadi

کہیں پر زمیں خون سے تر بتر ہے
کہیں آسماں بھی لہو رو رہا ہے

چلو سو رہیں اوڑھ کر ہم بھی مٹی
کہ دنیا میں جینا سزا ہورہا ہے

قیامت کے آثار تو جا بجا ہیں
جہاں محو غفلت ابھی سورہا ہے

عقائد ، قواعد کی بے اعتدالی
فسوں کیسا جگ میں بپا ہورہا ہے

غلامی کی قبروں میں خاموش مردے
ہوس جاگتی ہے بدن سو رہا ہے

مفادات کے مدفنوں میں مقید
ہر اک ہر طرف نفرتیں بورہا ہے

میں سرگشتہ بیکس، میں بےبس، میں بےحس
زمانے میں میرا بھرم کھورہا ہے

دکھا کر حقیقت کا آئینہ سعدی
فرائض سے اپنے بری ہو رہا ہے

خرم شہزاد خرم

بہت اچھی غزل جناب بہت خوب کیا یہ آپ نے خوس لکھی ہے بہت اچھی غزل ہے

saadi

بہت بہت شکریہ اس پذیرائی کا----
جی محترم یہ میری اپنی کاوش ہے۔۔