شاہ جی 90

دوستو آج کل معجزوں کی توقع عبث ہے لیکن جب میرے سامنے ایک معجزہ آیا تو میں نے سوچا کہ کیوں نہ اسے آپ سب لوگوں کے سامنے پیش کیا جائے تا کہ آپ خود انصاف کر سکیں کہ میرا کہنا کتنا صحیح ہے ۔ یہ تھریڈ جناب پیر و مرشد استاد عالی مرتبت جناب محمود الحق صاحب کے فن شاعری کو خراج عقیدت پیش کرنے کے لیے ہے ۔ آپ زرا نمونہ کلام دیکھیں اور فیصلہ کریں کہ کیا واقعی ہمارے مرشد پاک اقبال صاحب سے آگے مقام رکھتے ہیں یا نہیں


نوٹ مذکورہ بالا کلام پیر و مرشد کا تازہ ترین کلام ہے ، انشااللہ جلد ہی مزید کلام کے ساتھہ حاضر ہوں گا ۔ آپ میں سے جو اپنے کلام کو بغرض تنقید پیش کرنا چاہے یہاں دے سکتا ہے کیونکہ اچھی اور مثبت تنقید سے انسان بہت کچھ سیکھتا ہے بس ایک بات کا خیال رہے کہ بعض اوقات انا سیکھنے کے عمل میں رکاوٹ بن جاتی ہے ، اس لیے جب آپ اپنا کلام یہاں پیش کریں تو ہر قسم کی تنقید کی توقع کے ساتھہ پیش کریں ، لیکن جیسا کہ غالب نے کہا ہے کہ کام اچھا ہے وہی جس کا معال اچھا ہے آپ انشااللہ دیکھیں گے کہ اس تھریڈ سے آپ کو بہت نفع ہو گا دنیاوی بھی اور اخروی بھی، تو دوستو ، بھائیو اور بہنو محمود بھائی اور آپ کے درمیان زیادہ رکاوٹ نہیں بنوں گا ، اللہ حافظ

محمدخلیل

بہت اچھے شاعر ہیں بھائی۔
لیکن جو بات اقبال مین ہے وہ جزبہ اور جدت ۔۔۔معزرت کے ساتھ وہ کہیں اور نہیں ملتی

__________________
جب تک میری انفریکشن ختم نہیں ہوگی میں فورم میں نہیں آونگا۔

شاہ جی 90

خلیل بھائی ابھی آپ نے پیر و مرشد کا باقی کلام دیکھا کہاں ہے مجھے کچھہ اور چیزیں بھیجنے دیں پھر رائے دیجئیے گا

شاہ جی 90

پاک نیٹ پر ایک عجیب جنگ چھڑی ہے ۔ ایک تھریڈ بنائی جا رہی ہے کہ خواتین کا داخلہ منع ہے
دوسری ’’ مردوں کا داخلہ منع ہے‘‘
کوئی ان سے پوچھے کہ مردے بھلا بول سکتے ہیں کہ ’’مردوں کا داخلہ منع ہے ‘‘ اور ہمارے پیر و مرشد محمود الحق صاحب مدذللہ عالی فرماتے ہیں کہ اتنی اچھی ویب سائٹ اور کوئی نہیں دیکھی جہاں باپردہ روم ہوں ۔ ۔ ۔ ۔ ۔ ۔ ۔ ۔ ۔ ۔ تو بھائیو اور بہنو بات یہ ہے کہ اس تھریڈ پر male اور female دونوں آ سکتے ہیں نہیں آ سکتے تو صرف وہ جو تالی بجائے بغیر بات نہیں کر سکتے ۔ آئیے اور اس نئی پیار محبت والی تھریڈ کو جوائن کر لیجئیے ۔ استاد محترم کی شاعری مزہ نہ دے تو پیسے واپس۔ کیا خیال ہے۔ ہیں جی ۔ ۔ ۔ ۔ ۔ ۔۔ ۔ ۔ ۔ ۔۔ ۔ ۔ ۔ ۔۔ ۔ ۔ ۔ ۔ ۔ آہو

مرزا محمد فاروق

مجھے شاہ جی مزہ نہیں آیا پیسے واپس کرو جی ۔۔۔۔۔۔۔۔۔آہو

فیصل ناصر

تھریڈ کو متعلقہ سیکشن شاعروں کا تعارف میں منتقل کردیا ہے

wajee

مجھے بھی مزہ نہیں آیا شاہ جی میرے بھی پیسے واپس کریں

تانیہ رحمان ستارہ

شاہ جی آپ نے بہت اچھی شاعری یہاں شیئر کی لیکن اس بات کا فیصلہ کون کرئے گا کہ کون زیادہ اچھا شاعر ہے میرا خیال ہے ۔ کہ دونوں ہی بہت اچھے شعرا ہیں

شاہ جی 90

لے لو جی واپس ہمیں کیا ، لیکن غور کرو اور شاعری کے بنیادی اصولوں کو سامنے رکھہ کر غور کرو تو مزا آئے گا

شاہ جی 90

ارے بھائی ٹھہرو تو تھوڑا غور تو کرو میرے بھائی

Ajmal Anjum

محترم جناب شاہ جی ۔۔۔۔۔ السلام ُ علیکم
ہر سعادت مند شاگرد کا فرض ِ اولیں احترامِ استاد ہوتا ہے اور یہ فرض آپ نے یقیناً نبھایا ہے ۔۔۔۔ رب کریم آپ کو اس کا اجر عطا فرمائیں ( آمیں) ۔۔۔۔ لیکن اس جوشِ احترام میں آپ کچھ زیادہ ہی دُور نکل گئے ہیں ۔۔۔۔ اقبال علیہ رحمہ سے نابغہ روزگار لوگ صدیوں میں کہیں پیدا ہوتے ہیں اور ان جیسے آفاقی شاعر کے کلام سے موازنہ ۔۔۔۔ ہم بصد ادب اتنا ہی عرض کریں گے کہ
ع دامن کو ذرا دیکھ ، ذرا بندِ قبا دیکھ
" پاک نیٹ " جیسے معتبر اور وقیع فورم پر اس طرح کا کوئی دعویٰ پیش کرنے سے پہلے اس کا باریک بینی سے جائزہ لیا جانا بہت ضروری ہے ۔۔۔۔ اور اگر بُرا نہ مانیں تو ہم آپ کو یہ مشورہ ضرور دیں گے کہ آپ اردو شاعری کا مطالعہ لازماً کریں تاکہ آپ کو شاعری کے اجزائے ترکیبی سے تفصیلی شناسائی کا موقع مل سکے ۔۔۔۔ اللہ کریم آپ کے ذوق و شوق کو جلا بخشیں ( آمین)

فیصل ناصر

شاہ جی 90

ہا ہا ہا ، بھائی مجھے حیرت ہو رہی ہے کہ مجھہ سے آج کوئی کہ رہا ہے کہ میں اردو شاعری کا مطالعہ کر لوں ، میں جماعت چہارم میں تھا تو پہلا ناول ایسا بھی ہوتا ہے پڑھا ، 8th کلاس تک مجھے شاعری کا شوق نہ تھا لیکن اسی جماعت کا امتحان دینے کے بعد جن دنوں فارغ تھا شاعری پڑھنی شروع کی اور میر سے لے کر غالب ، اور مومن تک سبھی کو پڑھ ڈالا ۔ غالب میرے پسندیدہ شعرا میں سے ہیں ، اور پھر فیض جن کا کلام مجھے حفظ ہو گیا وہ اچھے ہی اتنے لگے ، اس کے بعد پروین شاکر ، نوشی گیلانی ، فرحت عباس شاہ اور وصی شاہ کا کلام بھی پڑھنے کا اتفاق ہوا ، یہ سب آپ کو بتانے کا ایک مقصد ہے اور وہ یہ کہ میں نے سوچ سمجھہ کر یہ تھریڈ شروع کیا ہے ، میں انتظار میں تھا کہ کوئی تو ایسا بندہ ہو گا جو شاعری کو سمجھتا ہو اور تیکنیکی بحث کر سکتا ہو ،
میرے استاد کا کلام دیکھیں
لہؤ مسلمان کی اس قدر ارزانِی پہلے تو نہ تھی
دین میں دی جاتی تعلیم نادانِی پہلے تو نہ تھی
خدا کے سامنے سر تو نہتے پہ تلوار نہ اُٹھتی
اسلام سرگزشتہ میں ایسی مسلمانی پہلے تو نہ تھی
اپنے ہاتھوں کو اپنا سر ہی درکار رہ گیا
قلب قوم میں ایسی ہوس فراوانی پہلے تو نہ تھی
ہاتھوں کی بنے زنجیر اب اس قوم کی پکا ر ہے
غفلت صبح میں ڈوبی قوم سلطانی پہلے تو نہ تھی
قلب ترازو میں پلڑا عشق اللہ و رسولۖ کیا ہوا
چاہ طلب دنیا کا بھاری پلڑا انسانِی پہلے تو نہ تھی
’’ ہوس فراوانی‘‘ قلب ترازو‘‘ وغیرہ تراکیب کسی اور کلام میں کہاں

Ajmal Anjum

محترم جناب شاہ جی ۔۔۔۔۔ السلام ُ علیکم
ہمیں بہت خوشی ہے کہ آپ نے ہمیں جواب سے نوازا ۔۔۔ اور مزید خوشی اس بات کی ہے کہ آپ نے جواب عین ہماری توقع کے مطابق دیا ۔۔۔۔۔
جناب ہم نے کب یہ کہنے کی گستاخی کی ہے آپ نے شاعری نہیں پڑھی ہے
ساحر لدھیانوی کا ایک مصرع ہے کہ
ع ۔۔۔۔

آپ کہتے ہیں تو پھر ٹھیک ہی کہتے ہوں گے

جناب ہم نے تو یہ استدعا کی تھی ، اور آپ نے اسے دوہرایا بھی ہے کہ " شاعری کا مطالعہ فرمائیں " کیونکہ مطالعہ سے علم حاصل ہوتا ہے ، علم میں پختگی اور گہرائی و گیرائی آتی ہے ۔۔۔۔۔ اور مطالعہ کے بغیر اتنا بڑا دعویٰ کرنا ایسے ہی ہے کہ جیسے ہم " قرآنی قاعدہ " پڑھ کر فتویٰ جاری کرنے بیٹھ جائیں
ایسے ہی کسی موقع پر ترجمانِ حقیقت اور محرم ِ رازِ دروں ، حضرت علامہ اقبال کا ارشاد ِ گرامی ہے کہ

نالہ ہے بلبل ِ شوریدہ تیرا خام ابھی
اپنے سینے میں اسے اور ذرا تھام ابھی

چلیں ۔۔۔۔۔ اسی جگہ ، ایک موضوع ہے " شاعری سیکھیئے " ، اسے کھول کر " بحر " اور " وزن " کے بارے میں تھوڑا مطالعہ فرما لیں
اللہ کریم ہم سب کے علم میں اضافہ فرمائیں ۔۔۔۔۔ آمین
آپ کا ارشاد " قلب ترازو " کے ضمن میں بالکل درست ہے ، یہ ترکیب اردو ، فارسی ، عربی کسی بھی زبان میں نہیں پائی جاتی کیونکہ ترکیب کے لئے دونوں الفاظ کا ایک ہی زبان سے ہونا لازم ہے

شاہ جی 90

بھائی میرا اسلوب سمجھنے کی کوشش کریں ۔ مثلاً میرا بیٹا میرے ساتھہ روزانہ ریسلنگ کرتا ہے میرے بیڈ پر اور اس کی عمر صرف پانچ سال ہے ۔ اب میں روزانہ اسے کہتا ہوں کہ واہ آج تو میرا بیٹا جان سینا سے بھی اچھا کھیل رہا ہے ، یہ تعریف اس کو بہلانے کے لیے ہوتی ہے نہ کہ ایک سنجیدہ Statement یا پھر ہمارے کالج میں ایک صاحب تک بندی کیا کرتے تھے ہم نے ان کا نام شاعر مشرق کی نسبت سے کہ یہ قابل صد احترام علامہ محمد اقبال رحمہ کا خطاب تھا شاعر شمال و جنوب رکھہ دیا تھا ۔ مجھے اتنا زیادہ انتظار تھا کہ کوئی تو شاعری کو سمجھنے والا یہاں آئے جو محمود الحق کی شاعری کو سمجھہ سکے ، لیکن یہاں تو بغیر سمجھے تعریف و توصیف کی جا رہی تھی ، میری جناب سے استدعا ہے کہ بجائے اقبال رحمہ سے تشبیہہ دینے کی وجہ سے جذباتی ہونے کے ایک جامع سا تبصرہ ان کی شاعری پر کر دیں جن کے نام سے یہ تھریڈ کھولا گیا ہے ، یعنی پیر و مرشد استاد گرامی محمود الحق صاحب رحمہ تا کہ ہماری محنت کا کچھہ صلہ ہمیں مل سکے، اللہ آپ کو بہت سی خوشیاں عطا فرمائے ۔ میں شدت سے آپ کے جواب کا منتظر رہوں گا ۔
آپ کا بھائی، معظم