فیصل ناصر

پاکستان اور امریکہ کے درمیان اعلیٰ سطحی رابطوں کے بعد دونوں ملکوں کے درمیان ویزوں کے اجراء کا معاملہ طے ہو گیا ہے جس کے فوراً بعد امریکہ میں پاکستانی سفارتخانے نے امریکی مسلح افواج کے چار سو ارکان کو ایک سال کے ملٹی پل ویزے جاری کر دیے ہیں۔
یہ بات اسلام آباد میں دفتر خارجہ کے ایک افسر نے نام ظاہر نے کرنے کی شرط پر بتائی کیونکہ وہ سرکاری طور پر یہ معلومات میڈیا کو جاری کرنے کے مجاز نہیں ہیں۔
پاکستان اور امریکہ کے درمیان سرکاری افراد کو ویزے جاری کرنے کا معاملہ تنازعے کی صورت اختیار کر گیا تھا جب پاکستان نے امریکی سیکوریٹی کمپنی بلیک واٹر کی پاکستان میں موجودگی کی خبروں کے بعد امریکی سرکاری عہدیداروں کو ویزوں کے اجرا کی رفتار سست کر دی تھی۔
جواباً امریکہ نے بھی پاکستانی سفارتی عملے اور بعض دیگر افسران کو کئی ماہ گزر جانے کے باوجود ویزے جاری نہیں کیے۔
یہ تنازعہ پاکستانی وزیر خارجہ شاہ محمود قریشی کی امریکی عہدیداروں رچرڈ ہالبروک اور وزیر خارجہ ہیلری کلنٹن کے ساتھ حالیہ ملاقاتوں کے بعد حل ہوا ہے۔
پاکستانی دفتر خارجہ کے ذرائع کے مطابق چار سو امریکی فوجیوں کے ویزوں کے جواب میں امریکی سفارتخانے نے اب تک صرف چار پاکستانی سفارتکاروں کو ویزے جاری کیے ہیں۔

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

عبداللہ آدم

آگے آگے دیکھیے ہوتا ہے کیا۔۔۔۔۔۔۔۔۔۔۔۔۔۔۔۔۔۔۔