طاھر

السلام علیکم،

کل کے اخبار میں ایک خبر نے مجھے دلگرفتہ کر دیا۔ جی ہاں یہ خبر سپریم کورٹ کے ایک نادر شاہی کیس اور اسکے فیصلے کے بارے میں تھی۔ خبر کچھ یوں‌تھی کہ

"سپریم کورٹ نے ملک بھر میں خوجہ سراؤں کی رجسٹریشن کا حکم دے دیا"

اس خبر کو پڑھ کر مجھے اتنا غصہ اور دکھ محسوس ہوا کہ جس کا اندازہ نہیں کیا جاسکتا۔

یہ وہی سپریم کورٹ اور وہی افتخار چوہدری ہے جس کا ساتھ عوام نے صرف اس بناء پر دیا کہ شاید یہ شخص ملک میں انصاف کا بول بالا کرسکے۔

کیا خواجہ سراؤں کی رجسٹریشن اتنا اہم معاملہ تھا کہ سپریم کورٹ کو ایک خصوصی کورٹ آرڈر ایشو کرنا پڑا؟

کیا ملک کے دوسرے مسائل جیسا کہ گمشدہ افراد کا مسئلہ جس پر کہا گیا کہ اس کی وجہ سے افتخار چوہدری کو ہٹایا گیا، اور دوسے بہت اہم نوعیت کے کیس حل کرلیا گئے ہیں؟

کیا ایسا تو نہیں کہ تمام سیاستدانوں کی طرح اس دفعہ عدالت عظمی نے بھی عوام کی معصومیت سے فائدہ اٹھایا اور صرف ایک شخص کی سیٹ کی خاطر عوام کے ساتھ گمراہ کن مہم کھیلی گئی؟

کیا ایک ڈیل کے تحت انہیں اس بات کا پابند کر دیا گیا ہے کہ کچھ معاملات پر یہ خاموش رہیں گے؟

کیا سپریم کورٹ آف پاکستان جیسے ادارے کی ذمہ داری میں اب صرف ایسے ہی کام رکھ دیئے گئے ہیں جس میں مصروف رہ کر عوام کو حقیقی انصاف کی فراہمی کا وعدہ صرف وعدہ ہی رہ جائے گا؟

نہ جانے یہ کھیل کب تک ہوتا رہے گا؟

والسلام

طاہر

Attached Thumbnails

 

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

منتظمین

سر ورق پر پیش کری‫‫ں -

wajee

دھاک کے تین پتے ظاہر ہو رہیں ہیں ۔

رضی

بھائی جی عدلیہ آزاد نہیں ھوئی افتخار چوہدری آزاد ہوا ہے اور پھر صدارت کی آفر بھی تو تھی تحریک کو سرگرم رکھنے کے لیئے بس اللہ اس قوم پر رحم کرے۔

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

طاھر

السلام علیکم،

اگر یہ بات صحیح ہے تو ہمارا وہ "آزادمیڈیا" کدھر گیا، جس نے "انصاف کی بحالی"‌کی تحریک چلائی تھی؟

کہاں گئے وہ سارے نام نہاد فلاسفر اور قوم کے ٹھیکیدار جو اس وقت اپنا الو سیدھا کر رہے تھے؟

اور کہاں ہیں ہمارے وہ عوام جنہوں نے بڑی قربانیاں دیں پولیس کے ڈنڈے کھائے اور افتخار چوہدری کو پتا نہیں انصاف کا کیا کیا بنا کر پیش کرتے رہے؟

اس قوم کا بس ایک علاج - انقلاب !

والسلام

طاہر

سحر

انقلاب کون لائے گا ۔
یہی عوام نے ہی تو لانا ہے ۔ پہلے یہ بے وقوف بننا تو بند کرے ۔

فیصل ناصر

میں تو عرصہ سے یہی کہہ رہا ہوں جناب
عوام کی اتنی بڑی تحریک ہائی جیک کرلی گئی

shafresha

میرے خیال میں‌خواجہ سراؤں کے ساتھ روا رکھے سلوک کی تلافی کا وقت آگیا ہے۔
دیگر سینکڑوں مسائل کی طرح یہ بھی ایک اہم انسانی مسئلہ ہے۔
میں چیف جسٹس صاحب کے فیصلے کی تائید کرتا ہوں۔

راشد احمد

خواجہ سرا بھی ہماری طرح انسان ہیں۔ ان کو بھی وہی حق ملنا چاہئے جو عام شہریوں کو ملتے ہیں۔ انہیں تعلیم، روزگار، بنیادی انسانی حقوق ملنے چاہئے۔ یہ بیچارے شادی بیاہوں میں گاکر، ناچ کر گزر بسر کرتے ہیں۔ ہم لوگ انہیں ایک وکھری مخلوق سمجھتے ہیں۔ میرا خیال ہے کہ ایسا نہیں ہوناچاہئے۔ جس گھر میں خواجہ سرا پیدا ہوں گھر والے اس بچے کو رکھنے کو تیار نہیں ہوتے اور سیدھا کسی گرو کے پاس بھیج دیتے ہیں اور وہ بڑے ہوکر ناچ گاکر، لوگ کی مضحکہ خیز باتیں سن کر گزارا کرتے ہیں۔


جو کام حکومت کو کرنے چاہئیں وہ سپریم کورٹ کو کرنے پڑ رہے ہیں۔ کیا سپریم کورٹ نے پورے ملک کا ٹھیکہ لیا ہوا ہے؟ حکومت نے کچھ نہیں کرنا

__________________
حکمران کے محبوب ہونے اور فرعون بننے میں رویے کا فرق ہے۔

راشد احمد

طاہر بھائی سپریم کورٹ اور ماتحت عدالتوں نے دو ہفتوں میں تیس ہزار کے قریب کیس نبٹائے ہیں۔میں‌خبر تلاش کرکے شئیر کرتا ہوں۔ ہم جلدباز قوم ہیں۔ ہم سمجھتے ہیں کہ آج عدلیہ آزاد ہوئی تو چند دنوں میں سب کچھ ٹھیک ہوجائے گا۔ ایسا کبھی نہیں ہوتا کچھ وقت لگے گا۔ ہمارا عدالتی نظام بھی الاماشاء اللہ بہت فرسودہ ہے۔ پہلے اسے تبدیل کرنا پڑ رہا ہے پھر باقی چیزیں ہوں گی۔

عدلیہ کو متحرک کرنے اور اچھی کارکردگی کے لئے ضروری ہے کہ عوام، حکومت، وکلاء، ججز اور بیوروکریسی بھی تعاون کرے۔ حکومت کا فرض ہے کہ وہ ججز کی تعداد زیادہ کرے۔

جہاں تک گمشدہ افراد اور این آر او کا معاملہ ہے تو یہ میری سمجھ سے بالاتر ہے کہ سپریم کورٹ‌نے ابھی تک اس پر ایکشن کیوں نہیں لیا