Zullu230

الیکشن کا موسم بہاراب اپنے جوبن پر ہے۔ ہر گلی، محلے، ٹائون، دیہاتوں اور شہروں میں ہلچل مچی ہوئی ہے۔ گہما گہمی ہے اور دن رات ایک ہوگئے ہیں۔ تمام طبقہ فکر کے لوگ سیاست پر بحث و مباحثہ کرتے نظر آتے ہیں۔ سب کچھ اپنی جگہ ٹھیک ہے لیکن آج صُبح میں آفس آ رہا تو سڑکوں پر جا بجا سرخ پھولوں کی پتیاں بکھری ہوئی دیکھیں۔ یہ وہ پھول اور پتیاں ہیں جو سیاسی لیڈروں کے گلوں کی زینت بنتی ہیں اور پھر سڑک پر گرا دی جاتی ہیں لیکن گر کر وہ گلوں کی زینت نہیں بنتیں بلکہ جوتوں تلے روندی جاتی ہیں۔ ہم کیسے لوگ ہیں کہ جس پھول کو اپنے گلے کی زینت بنانا پسند کرتے ہیں اُسے تھوڑی دیر کےلئے سنبھال کر بھی نہیں رکھ سکتے۔ اور پائوں تلے مسل دیتے ہیں۔ میر تقی میر نے ایک شعر کہا تھا:-

نازکی اُس کے لب کی کیا کہیے
پنکھڑی اِک گلاب کی سی ہے

اگر آج میر تقی میر زندہ ہوتے تو سڑکوں پر جا بجا بکھرے اور پائوں تلے مسلے ہوئےپھولوں اور پتیوں کو دیکھ کر خون کے آنسو روتے اور اپنے شعر کو بار بار پڑھتے ۔

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

منتظمین

بھائی اپ پھولوں کی بات کرتے ہیں یہاں‌پر تو یوم آزادی کے بعد قومی پرچم کے سڑکوں‌پر انبار کے انبار لگے ہوتے ہیں اور لوگوں کو اس کی کوئی پروا نہیں‌ہوتی ہے تو پھر پھولوں‌ کی طرف کس کا دھیان جائے گا۔۔۔
ہم بحثیت قوم لاپرواہ واقع ہوئے ہیں۔


والسلام

__________________
تم سپاہی نہیں ہو پیشہ ور قاتلو!

نوائے سحر

منتظمین صاحب بہت خوبصورت بات کی آپ نے
عزیر

عروج

پرچم کی بے حرمتی دیکھ کر مَیرا مَنّ بھی روتا ھے مگر مَیں اٹھا کر سنبھال لیتی ھوں ۔

mama_shalla

i do agree with you...
پامالی کا احساس بہت دکھ دیتا ہے خواہ پھولوں کی ہو پرچم کی یا انسان کے دل کی ۔ ۔
ان چیزوں کے چِھن جانے کے بعد قدر ہوئی تو کیا فائدہ !

Zullu230

ہمارے ملک میں تو ماشاءِاللہ پامالی ایک ایسا دلچسپ مشغلہ ہے جیسے:

آئین و قانون کی پامالی بلکہ کالے بوٹوں تلے روند ڈالنا
میرٹ کی پامالی
حقوق کی پامالی
دوسروں کی غیرت اور عزت کی پامالی
غرضیکہ جہاں جس کا بس چلتا ہے پامالی سے لطف اندوز ہوئے بغیر نہیں رہ سکتا۔

mama_shalla

احترامِ آدمیت ہی تھا جو ملٰئکہ سر بسجود ہوئے تھے ۔
وہ نہیں رہا تو کچھ بھی نہیں رہا ۔
دور مت جائیے۔ اپنے آپ سے ، اپنی ذات سے سوال کر لیجئیے ، کیا ہم اپنے ماتحتوں کا محض انسان ہونے کے ناتے کسی درجہ احترام کرتے ہیں ؟