فیصل ناصر

پاکستان ایک خوش نصیب ملک ہے ساری دنیا اس کی فکر کرتی ہے ۔ جب جمہوریت نہیں ہوتی دنیا کوشش کرتی ہے جمہوریت قائم ہوجائے۔ اور جب نہیں ہوتی تو جنرلوں کو بلا بلا کر پوچھا جاتا "یہ کیا ہورہا ہے "
امریکہ تو عسکریت پسندوں کو ٹھکانے لگانے کیلئے بنوں تک آ کر میزائل مار دیتا ہے۔( دشمن اس پر احتجاج بھی کرتے ہیں لیکن اس کی پرواہ نہیں کرنی چاہئے ) آخر دوست جو ٹھیرا
صدر امریکہ تو کئی بار کراچی کا نام بھی لے چکے ہیں کسی دن ہوسکتا ہے وہاں بھی دوچار میزائل آگریں۔
پاکستان کے مقدر بے حد اچھے ہیں کہ اس کے ہر معاملے کو دوسرے دلچسپی سے دیکھتے ہیں ہر وقت مدد کیلئے تیار رہتے ہیں پچھلے دنوں معاشی بحران تھا فوراً کتنے ہی ملک جمع ہوگئے اور اپنے آپ کو پاکستان کے دوستوں کا نام دیا ان سے کچھ ملا تو نہیں لیکن دوستی زیادہ اہم ہوتی ہے وہ فائدے کیلئے نہیں کی جاتی۔
امریکہ نے ہر دور ہر زمانے ہر حال میں پاکستان کی مدد کی ہے ۔ البتہ انڈیا حملہ کرے تو امریکی بحری بیڑوں ایندھن ختم ہوجاتا
پاکستان میں عوام کی حکومت ہو یا فوج برسراقتدار ہو امریکہ اپنی محبت وشفقت اور تعاون کا ہاتھ الگ نہیں کرتا( قبائیلیوں کو مارنے میں ) ۔ہم نے بہت سی ایسی گاڑیاں بھی دیکھی ہیں جن پر امریکہ کا ہاتھ پاکستانی ہاتھ سے مصافحہ کرتا نظر آتا تھا جو اس بات کا ثبوت ہے کہ دوستی پکی ہے۔ ( یہ اسٹیکر بھی امریکہ میں ہی چَھپتے ہیں )
پاکستان میں سب سے زیادہ امریکہ پسند کیا جاتا ہے کیونکہ سکول کے بچوں کو چھوٹی کلاسوں میں امریکن دودھ مفت پلایا جاتا ہے( اور لنچ میں امریکی برانڈ کے برگر جو ماں باپ دلاتے ہیں ) کالج میں وہ تعلیم کے علاوہ امریکہ کی یونیورسٹیوں کے پتے adaress تلاش کرتے رہتے ہیں تاکہ داخلہ حاصل کرسکیں
عام آدمی صبح سے شام تک امریکی سفارتخانے کے چکر لگاتا رہتا ہے کسی بہانے ایک بار ویزا لگ جائے پھر وہ ہوں گے اور امریکہ
دروغ بر گردن راوی جعلی ویزا بھی پندرہ بیس لاکھ روپے کا بازار میں ملتا ہے
عوام کی ایک بڑی تعداد امریکہ جانے کی خواہشمند ہے۔اور ویزا لاٹری بند ہونے کے باوجود دھڑادھڑ فارم بھر کر بھیجے جاتے ہیں شاید غلطی سے ہی نام آجائے
سنا ہے امریکہ کے جھنڈے پر جو پچاس ستارے ہیں ان کی چمک دمک پاکستانیوں کو اسی طرف زیادہ کھینچتی ہے۔ انسان نے ہمیشہ چاند تاروں کی تمنا کی ہے ۔
پاکستان میں امریکی ڈالر کی بڑی قدرومنزلت ہے یہاں یہ سب سے زیادہ سرچڑھایا جاتا ہے شاید اسکی وجہ یہ ہو کہ امریکی ڈالر پر لکھا ہے ”ہم اللہ پر یقین رکھتے ہیں“۔
پاکستان میں امریکہ کی ساختہ اشیاءکی بڑی مانگ ہے کچھ شہروں میں تو باقاعدہ امریکہ کے نام سے سامان بنایا جاتا ہے اس پر صرف یہ فرق ہوتا ہے کہ ”امریکہ جیسا“ لکھا ہوتا ہے پھر بھی اس کی بہت قدرومنزلت ہے۔
امریکہ کو پاکستان کی جتنی فکر لاحق رہتی ہے اتنی تو یہاں کے محب وطن رہنماؤں کو بھی نہیں اس لئے امریکی عہدیدار باقاعدہ دورہ کرکے تسلی دیتے ہیں ”بے فکر رہیں ہم آپ کے ساتھ ہیں“، کچھ دشمن اسکو امریکی مداخلت کا نام بھی دیتے ہیں
پاکستان سے امریکی دوستی کی اہمیت کا اس سے اندازہ لگایا جاسکتا ہے کہ پچھلے سال جب امریکی انتخابات ہوئے تو صدارتی امیدواروں نے اپنی تقاریر میں سب سے زیادہ پاکستان ہی کا ذکر زیادہ کیا۔
جب معاشی بحران ہو اتو پاکستان کے صدر نے امریکہ سے سو ارب ڈالر مانگے جس کے جواب میں امریکہ نے فوراً آئی ایم ایف کو ہدایت کی ”رقم مہیا کردی جائے“ اور انہوں نے پاکستان کی درخواست سے پہلے ہی اربوں ڈالر کا قرضہ منظور کرلیا پاکستان کے وزیراعظم نے اس قرض کے حاصل کرنے پر اپنے ملک کو خوش نصیب قرار دیا (یہ حقیقت ہے کہ ادھار بھی مقدر سے ملتا ہے۔)
پاکستان کے ایٹم بم کی حفاظت کی امریکا کواتنی فکر ہے کہ کئی مرتبہ پیشکش کی ہے اسے اٹھا کر ہم اپنے ہاں ہی لے جاتے ہیں اور اسکے خالق کو بھی
پاکستانی بھی امریکہ سے شدید محبت کرتے ہے جس کا اظہار تقریباً ہرہفتے ہوتا ہے جب امن اور امان بگڑے، روزگار کم ہو تو لوگ چند گھنٹے انتظار کرتے ہیں امریکہ مدد کرے گا جب ایسا نہیں ہوتا تو وہ غصہ کرنے لگتے ہیں مخالف نعرے لگانے لگتے ہیں امریکی صدر کے پتلے اور جھنڈے جلانے لگتے ہیں یہ بھی محبت کے اظہار کا ذریعہ ہیں۔ انسان اسی سے لڑتا ہے جس سے دوستی ہوتی ہے اسی سے ناراض ہوتا ہے جس سے توقع ہوتی ہے


بشکریہ ---------------------------------------------------- تدوین و اضافہ
قمر علی عباسی ----------------------------------------------- ۔ فیصل ناصر

ام غزل

کیا کہوں ۔۔۔۔، کچھ کہہ نہیں‌پا رہی ہوں۔
بہرحال ، بہت ہی فکرانگیز تحریر ہے۔
شکریہ۔

منتظمین

جلد ہی اسکو بھی سرورق کی زینت بنا دیا جائے گا۔ کچھ املاء کی غلطیاں درست کر لیں۔

فیصل ناصر

بہت شکریہ سرورق پر ڈالنے کا

چیتا چالباز

اچھی کامیڈی ہے .

ضرغام

ھوٰے تم دوست جس کے دشمن اس کا آسماں کیوں ھو۔۔۔۔۔۔۔۔۔۔!AMERICA

فیصل ناصر

لیکن یہاں تو آسماں دشمن بناہوا ہے ڈرون کے ذریعے

رضی

دوست جو ہوا ہمارا اور ہم بھی اتنے بڑے دل کے مالک ہیں کہ دوستوں کو ناراض کرنا تو ہماری فطرت میں ہی نہیں ہے۔خیر ہے 15 16 لاکھ لوگ بے گھر ہو گئے تو کیا ہے وہ اپنے ہیں مگر دوست کو ناراض بھی تو نہیں کر سکتے۔اور پھر ایسا دوست کہ ہر موقع پر ہماری مدد کرتا ہے ہمیں آئی ایم ایف سے قرضے دلوا دیتا ہے ۔

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

muhammad asif virani

اسلام علیکم بھائوں اور بہنوں مجھے بھی لکھنے دا شوق ہے کون کریگا رھنُمائ

رضی

بھائی صاحب شوق ہے تو شروع ہو جاؤ ۔

muhammad asif virani

کھاں لکھوں کیا جھاں مراسلہ لکھتے ھیں وھی شروع ہوجاؤں یا کوئ الگ صفح ھے دیکھو یار ھنسنا مت مجھ پر کوی ماں کے پیٹ سے تھوڑی سیکھکر آتا ھے پھر مثلاً blogوغیرہ پر سے لکھوں plz help me & donot mind i m new

منتظمین

آصف بھائی اگر تو اپ اسی موضوع کے متعلق کچھ لکھنا چاہ رہے ہیں‌تو یہاں پر ہی لکھنا شروع کر دیں۔ اگر اپکا ارادہ کچھ دوسرے موضوعات پر لکھنا ہے تو پھر الگ سے موضوع شروع کر لیں۔ یہاں سب ایک دوسرے سے محبت کرنے والے اور مدد کرنے والے ہیں۔
ویسے اپ شعبہ تدریس میں جا کر مزید معلومات حاصل کر سکتے ہیں۔
والسلام

__________________
تم سپاہی نہیں ہو پیشہ ور قاتلو!

رضی

آصف میں آپ اپنے موضوع کے متعلقہ فارم پر جائیں اور وہاں نیا موضوع شروع کر لیں اور اگر آپ کسی موجودہ موضوع پر لکھنا چاہیں تو اسی تھریڈ میں لکھیں۔

حضرت بنگش

بھائی امریکیوں کو ھم کیا کہ سکتے ھے وھی ھی تو جو ہمارے بد بخت وہ سوری منہ سے غلطی سے سچ نکل گیا کمبخت وہ نو صرف بد بختوں کے بینک accounts کی بلنس بڑھا رھے ھے بد کو پڑاجائے نہ

فیصل ناصر

شکریہ بنگش بھائی
کیسے ہیں ؟
کافی عرصہ کے بعد چکر لگایا
اتنی لمبی غیر حاضری پر جرمانہ بھی ہوسکتا ہے