راشد احمد

السلام علیکم
وزارت پانی وبجلی کا دعوٰٰی ہے کہ دسمبر تک لوڈشیڈنگ ختم ہوجائے گی۔ اس کے لئے حکومت نے کرائے پر پلانٹ حاصل کئے ہیں جو مستقل حل نہیں ہے۔ پانچ سال بعد یہ پلانٹ کمپنیاں واپس لے جائیں گی یعنی پانچ سال بعد لوڈشیڈنگ پھر شروع۔ ان کرائے کے بجلی گھروں کی لاگت ڈیرھ سو ارب روپے ہے۔ حکومت اور وزارت خزانہ بنکوں پر دباؤ ڈال رہی ہے کہ وہ اس کے لئے کرائے کے بجلی گھر لانیوالوں کو قرضے دے جبکہ کچھ بنکوں نے ایسا کرنے سے انکار کردیا ہے اور کچھ بنک کنفیوژن کا شکار ہیں کہ اگر وہ قرضہ دے دیتے ہیں تو واپس کیسے ملے گا؟

یہ پلانٹ چائنہ سے درآمد کئے جارہے ہیں۔ ان پلانٹس کے بارے میں مشہور ہے کہ یہ پلانٹس 70 ہزار سے دو لاکھ گھنٹوں تک چلے ہوئے ہیں یعنی ان پلانٹس کی مدت ختم ہوچکی ہے۔ یہاں ایک بات اور مشہور ہے کہ ان پلانٹس کے مالکان آصف علی زرداری، شوکت عزیز اور پرویز مشرف کے قریبی دوست ہیں۔ جن میں اقبال زیڈ احمد مشہور ہیں جو مشرف دور میں ایک پٹرول مافیا کے طور پر اور موجودہ حکومت میں ایل پی جی مافیا ہیں۔ اس کے علاوہ کراچی کے سیٹھ انور مجید اور علی محمود احمد شامل ہیں۔ان پلانٹس کے آنے پر یہ خدشہ بھی‌ظاہر کیا جارہا ہے کہ بجلی مزید مہنگی ہوجائے گی۔

ان پلانٹس کی تعداد 20 کے قریب ہے۔ اس کی تفصیل پیپکو کے اس اشتہار میں دیکھیں۔
لنک

__________________
حکمران کے محبوب ہونے اور فرعون بننے میں رویے کا فرق ہے۔

shafresha

یہ اشتہار تو میں نے بھی دیکھا ہے بھائی مگر اس بات کی کیا "سورس" ہے کے یہ پلانٹ "استعمال شدہ"‌ اور چائنا سے درآمد ہو رہے ہیں؟

راشد احمد

کافی دنوں سے مختلف ٹی وی پروگرامز میں تفصیلی تذکرہ ہوچکا ہے۔ اس کے متعلق مسلم لیگ ن، مسلم لیگ ق اور دیگر جماعتوں نے بھی پیپلزپارٹی کے اراکین کے سامنے برملا اظہار کیا ہے۔ کل آج کامران خان کے ساتھ پروگرام میں راجہ پرویز اشرف سے بھی اس کے متعلق پوچھا جاچکا ہے لیکن وہ آئیں بائیں شائیں کرکے اس سے نکلنے کی کوشش کررہے ہیں۔ یہاں تک کہ کچھ ٹی وی اینکرز جب ایسے سوالات پوچھتے ہیں تو کوئی جواب نہ ہونے کی وجہ سے پی پی کے اراکین غصے میں‌آجاتے ہیں۔

کے ای ایس ای جو مشرف دور میں پرائیویٹائز کردی گئی تھی۔ اس کے بارے میں بھی یہ سکینڈل ہے کہ بعد میں زرداری دور میں یہ کمپنی یواے ای کے ابراج گروپ کو بیچ دی گئی جس کا تعلق آصف زرداری سے ہے۔ اس سلسلے میں ایم کیوایم کے اراکین نے بھی دبے دبے الفاظ میں بات کی ہے کہ اس کمپنی کو آصف زرداری کے رشتہ دار چلا رہے ہیں۔

wajee

ارے یہ سب چور ہے صرف عوام کو دھوکا اور اپنا بھرا

رضی

شاہد بھائی اس خبر کو میں نے کہیں پڑھا تو نہیں البتہ آج سے تقریباً آٹھ یا نو مہنے پہلے ایک بہت ہی معزز شخص کی زبانی سنا تھا اور شاید انہوں نے چائنا کی بجائے جرمنی کا بتایا تھا اور ایک بات کا اور اضافہ کرتا چلوں طاہر چوہدری صاحب نے یہ بھی بتایا تھا کہ اس کمپنی سے معاہدہ کرنے کے انہوں نے ایڈوانس 90 کروڑ لیئے ہیں جو صرف زرداری کی جیب میں جائیں گے

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

منتظمین

سرورق پر اپلائی کریں اور سحر جی سے درخواست ہے کہ فورا لگا دیں۔

والسلام

shafresha

چلیں جی رضی اور راشد کی باتوں کے بعد تو نااُمیدی تو اور بڑھ گئی ہے۔
اللہ کرے کے یہ پلانٹس ہماری "اسٹیل مل" کی طرح (وہ بھی پرانی اور استعمال شدہ تھی) کارکردگی رکھا سکیں۔

راشد احمد

شاہد بھائی
بات ناامیدی کی نہیں۔اچھی قیادت کی کمی کی ہے۔
اگر حکومت کی نیت درست ہوتو بہت سے ذرائع سے بجلی پیدا ہوسکتی ہے

شمسی توانائی سے بجلی پیدا ہوسکتی ہے۔

نہروں میں موٹریں لگاکر بجلی پیداہوسکتی ہے۔

ہوائی چکیوں سے بجلی پیداہوسکتی ہے۔ کیا کراچی، گوادر میں سمندر کنارے یہ پلانٹ لگاکر بجلی پیدا نہیں ہوسکتی۔

نئے ڈیم بناکر بجلی پیداہوسکتی ہے۔اگر آج کالاباغ ڈیم بناہوتا تو پاکستان بجلی میں‌خودکفیل ہوجاتا۔ اگر حکومت چھوٹے چھوٹے ڈیم بھی بنالے تو نہ صرف بجلی حاصل ہوسکتی ہے بلکہ پانی بھی ذخیرہ ہوسکتا ہے۔

سب سے بڑھ کر کوڑے سے بجلی پیداہوسکتی ہے۔ لاہور کا کوڑا کرکٹ لاہور میں بجلی کی کمی پوری کرنے کے لئے کافی ہے۔ کراچی کے کوڑے سے کراچی کی بجلی پوری ہوسکتی ہے۔ اسی طرح اسلام آباد میں درختوں کے گرے ہوئے سوکھے پتے اکٹھے کرکے اور راولپنڈی، اسلام آباد کا کوڑا اکٹھا کرکے دونوں شہروں کی بجلی پوری ہوسکتی ہے۔

پاکستان میں سینکڑوں شوگر مل ہیں۔ ان شوگر ملوں کے پاس ضرورت سے زیادہ بجلی ہے۔ ایک شوگر مل کے پاس 10 میگاواٹ سے 80 میگاواٹ تک بجلی فالتو ہے اور ان شوگر ملوں نے حکومت کو پیشکش بھی کی تھی لیکن حکومت نے کان نہیں دھرے۔ اب خود اندازہ لگائیں کہ پاکستان 1000 سے 2000 میگاواٹ بجلی ان شوگر ملوں سے پوری کرسکتا ہے۔

کوئلے سے بجلی پیدا ہوسکتی ہے۔ تھر، چکوال، خوشاب کا کوئلہ استعمال کرکے بجلی بنائی جاسکتی ہے۔

تھرمل پاور پلانٹ کی بجلی بہت مہنگی ہے۔ اگر حکومت ڈیموں، نہروں، کوڑے کرکٹ، ہوائی چکیوں اور شمسی توانائی سے بجلی بنائے تو یہ 1 سے دو روپے فی یونٹ تک عوام کو دی جائے تو حکومت کو کوئی نقصان نہیں۔

سابقہ اور موجودہ حکومت نے بجلی پیدا کرنے کے نئے ذرائع پر عمل نہ کرکے بہت بڑا جرم کیا ہے۔ حکومتیں تھرمل پر اس لئے زور دیتی ہیں تاکہ کرپٹ افراد اپنی کمیشن کھری کرسکیں۔

arifkarim

جو مرضی پلانٹ خرید لیں۔ جب تک خود نہیں‌ بنائیں گے، غیر قوموں کے غلام ہی رہیں گے!

شاہ جی 90

پیٹرول ، بجلی ، گیس ، یہ تینوں زرائع آمدن بنے ہوے ہیں حکمرانوں کے لئیے ، اور اپنوں کو نوازا اور اپنی جیبوں کو بھرا جا رہا ہے ، ایک طوائف اپنے کوٹھے پر ناچ کر پیسے کماتی ہے اور وہ بری کہلاتی ہے لیکن میں سمجھتا ہوں کہ وہ لوگوں کو لوٹنے میں کچھہ محنت تو کرتی ہے یہ کرپٹ لوگ تو اس طوائف سے بھی برے ہیں جو زبردستی غریب عوام کا خون چوس رہے ہیں

تفسیر حیدر

حکمرانوں کی لوٹ مار تو شاید ابھی مستقبل قریب میں ختم نہیں ہو سکتی لیکن چلو ان پلانٹس کے آنے سے پروڈکشن پراسس شروع ہو جائے گا اور شاید اگلے پانچ سالوں میں ہم تھوڑے سنھبل جائیں۔
اللہ پاکستان پر اپنی رحمت فرمائے۔

شاہ جی 90

ان پلانٹس کے آنے سے پاکستان ایک اور جنجال میں تو پھنس سکتا ہے بہتری کی امید کوئی نہیں کی جا سکتی

راشد احمد

ابھی تو حکومت کے خلاف احتجاج زیادہ نہیں لیکن ان پلانٹس کے آنے سے زیادہ سنگین احتجاج ہوں گے جب بجلی مزید مہنگی ہوگی اور دوسرا اووربلنگ۔
اس بات کی ضمانت بھی کوئی نہیں دے سکتا کہ یہ ٹھیک کام کریں گے

حسن مغل

لیکن میں تو کچھ اور ہی پڑھ چکا ہوں۔

کمپیوٹنگ فورم • موضوع دیکھیے - متاثرین لوڈ شیڈنگ

مسافر

تو پھر سب مل کر بولو
لاکھ لعنت اے ایناں زارداریاں تے ، ایناں لانتی بیماریاں تے