کنعان

مسلم لیگ نواز نے شیخ رشید کے مقابلے میں ایک کارکن کو ٹکٹ دیا تھا

لیجیے سنہ انیس سو پچاسی کے بعد اب تک ہونے والی آٹھ انتخابات میں دوسری مرتبہ ایسا ہوا ہے کہ راولپنڈی کے رہنے والوں نے اپنے ’فرزند‘ کے ساتھ اچھا سلوک نہیں کیا۔این اے پچپن سے شیخ رشید احمد پچھلی مرتبہ بھی ہار گئے تھے اور اس بار بھی جیت نہیں سکے۔

عوامی مسلم لیگ کے جنابِ شیخ شکست کا غم اپنے سگار کے دھوئیں میں اڑاتے ہوئے بھلے کہتے رہیں کہ انہیں ’ہرایا‘ گیا ہے لیکن ’رسوائی ہی کی سہی‘ بات تو یہی سچ ہے کہ پنڈی کے ووٹروں نے انھیں ابھی تک ’معاف‘ نہیں کیا۔

شیخ صاحب نے ایک سید (پرویز مشرف) اور دو چودہریوں (شجاعت اور پرویز الہی) سے رسمی طور پر سیاسی ترکِ تعلقات ایک سال پہلے کر لیا تھا۔ انھوں نے۔گزشتہ مارچ کے مہینے میں عوامی مسلم لیگ کی بنا ڈالی لیکن بقول شخصے ان کی پارٹی ساری کی ساری ’ایک موٹر سائیکل پر پوری آ جاتی تھی‘۔اپنی مقبولیت کے زعم میں انھوں نے پھر بھی الیکشن لڑنے کا فیصلہ کر لیا۔ مگر باتیں بنانے کے ماہر شیخ صاحب کی بات بن نہیں سکی۔

یہ درست کہ نواز لیگ نے اس الیکشن کو معرکے میں بدل دیا اور اپنے نسبتاً غیر مانوس امیدوار (شکیل اعوان) کو فتح دلانے کے لیے ہر طرح کا زور لگا لیا۔ یہ بھی درست کہ پنجاب کی مشینری ساری کی ساری شیخ رشید کے حریف کی حمایتی تھی۔


شیخ رشید اپنی سیاسی وفاداریاں تبدیل کرتے رہے ہیں
لیکن شیخ صاحب! ماضی میں آپ کو بھی تو اسی طرح کی سہولتیں ملتی رہی ہیں اور اس مرتبہ تو بقول شہباز شریف آپ ’آصف زرداری‘ کے امیدوار تھے لہدا پی پی پی کا ووٹ کسی نہ کسی حد تک آپ کو پڑ گیا۔ لیکن آپ یہ نہیں تسلیم کر رہے کہ آپ سے سیاسی غلطی ہوئی اور آپ نے جلد ہی ایوانوں کی طرف اپنا رخ موڑنا چاہا۔

جنابِ شیخ کیوے ہارے (گو سرکاری نتیجہ آنا ابھی باقی ہے لیکن میڈیا میں شیخ صاحب نے ایک میچور سیاست دان کا انداز اختیار کرتے ہوئے مان لیا ہے کہ وہ جیت نہیں سکے) اس کی وجہیں کئی ہیں لیکن جو وجہ زباں زدِ عام ہے وہ ہے لال مسجد پر فوجی کارروائی کے تناظر میں شیخ رشید کا کردار۔

شیخ صاحب کے حلقے میں جس سے بھی بات کریں وہ انھیں بے وفائی کا طعنہ دیتا ہے۔ کسی سے پوچھ لیں وہ یہی کہتا ہے کہ شیخ صاحب کی ہار کی اصل وجہ تھی نواز شریف سے بغاوت، پرویز مشرف سے ملنے والی وزارت، چودہریوں کی قیادت اور لال مسجد سے اٹھنے والی قیامت۔


شکیل اعوان بڑی اکثریت سے کامیاب ہوئے
خود جنابِ شیخ سے استفسار کیا جائے تو فرماتے ہیں کہ انھوں نے نواز شریف کو نہیں چھوڑا بلکہ نواز شریف انھیں چھوڑ کر (جدہ) چلے گئے تھے۔

شیخ صاحب جس بات کو زیرِ بحث نہیں لاتے وہ یہ ہے کہ کیا ایک ایسے وقت جب پاکستان میں سید پرویز مشرف کا ڈنکا نیا نیا بجا تھا، اور یہ ’مغالطہ‘ دور ہوگیا تھا کہ ’طاقت کا سرچشمہ عوام ہیں‘ کیا نواز شریف کے لیے کسی بھی قسم کا ’تفویضِ اختیارات‘ ممکن تھا؟ کیا اس وقت انھیں آپ کی ضرورت تھی یا ان کا فرض تھا کہ آپ کی عاقبت سنوارنے کے لیے آپ کو کسی کے حوالے کر جاتے۔

آپ کہتے ہیں انھوں نے آپ کو چھوڑ دیا لیکن شیخ صاحب یہ بھی تو درست ہے نا کہ خود آپ نے چودہدریوں کو پکڑ لیا۔ پھر پتہ نہیں آپ نے لفظوں کی کونسی جادوگری دکھائی کہ آپ کی آنکھ سید مشرف سے لڑ گئی اور اگر بیچ میں جسٹس نہ ہو جاتا تو جانے کب تک یہ آنکھیں لڑی رہتیں۔

لال حویلی کے باسی کو لال مسجد بھی راس نہیں آئی۔ مسجد سے اٹھنے والی چیخ و پکار، حویلی کے در و دیوار سے باہر ہی نہیں نکل سکی۔

آپ نے ’قلم دوات‘ سے نئی تاریخ تحریر کرنی چاہی لیکن شیخ صاحب! دوات میں روشنائی تو تھی ہی نہیں۔ بس اک سیاہی تھی جس کا داغ آپ کی جبین پر نشانِ ہزیمت بن گیا ہے۔

آپ کے مخالف کہتے ہیں کہ شیخ رشید کا دور ختم ہوگیا، لیکن شاید وہ اس پر غور نہیں کر رہے کہ پنڈی والے لاکھ غصہ نکال لیں، وہ اپنے ’فرزند‘ کو ’عاق‘ نہیں کرنے والے۔ اور یوں بھی ’آتے ہیں جادو تمھیں سارے‘۔ میڈیا آپ کا دوست، سیاست آپ کا پیشہ، پنڈی آپ کا شہر، راج نیتی کے بھیدوں سے آپ باخبر، لہذا سیاست کے کاروبار میں آپ کے دم سے رونق ابھی لگی رہے گی۔

ماخذ/ لنک

__________________

ڈاکٹرنور

زبردست ۔۔۔
شیخ جی کو واقعی لال مسجد کی معصوم چیخوں نے اس ہزیمت سے دوچار کیا
پنڈی کے لوگ ان پڑھ نہیں۔
پچھلے دنوں میں ایک مارکیٹ میں خریداری کر رہا تھا کہ اچانک شیخ صاحب مارکیٹ میں پہنچ گئے ۔ ایک دوکاندار سے ووٹ کی بات کی جوکہ نوجوان تھا تو اس نے کہا کیوں نہیں شیخ صاحب ووٹ ضرور دیں گے۔
شیخ صاحب نے ہنستے ہوئے کہا " کہندے تے سارے نے، دیندا کوئی نہیں"
وہ تو ہنستے ہوئے چلے گئے مگر بعد میں لوگوں نے وہی کچھ کہا جو اس کالم میں کسی حد تک بیان کیا گیا ہے۔
شیخ صاحب اب بھی وقت ہے۔
سب کچھ چھوڑ کر پلٹ آئیں اور دل سے معافی مانگ لیں ۔
دل سے مانگی گئی معافی سب کو قبول ہو گی۔
مگر آپ کا دل تو کہیں اور اٹکا ہوا ہے۔
پھر بھگتو

__________________
آنسو اور مسکرا ہٹ دو انمول خزانے ہیں-پہلے خزانے کواپنے تک محدود رکھواور دوسرے کولوگوں پر نچھاور کردو(حضرت علی)
Visit My Blog
http://www.homeopathypakistan.blogspot.com

عبداللہ آدم

اب یہ تو نہیں کھا جا سکتا کہ
اگر ((جناب شیخ)) پہ کوہ غم ٹوٹا تو کیا غم ہے۔۔۔۔۔۔۔۔۔۔
لیکن ن لیگ کی بھی تو ساکھ دائو پر لگی ہوئی تھی نا۔
بھر حآل ریکارڈ کی درستگی کے لیے کہ نواز شریف نے ھی شیخ کو چھوڑا تھا کہ 2002 میں ٹکٹ نہیں دیا۔۔۔۔۔۔۔۔اور ٹرن آئوٹ اتنا ھرگز نہیں تھا کہ کل 120000 ووٹ پول ھو جاتے۔
اس ایک بات کے علاوہ دھاندلی کے کوئی شواھد نہیں ہیں۔۔۔۔۔۔۔۔۔

میں نے بھی ووٹ کسی کو نہیں دیا لیکن اتنا ضرور ہے کہ راولپنڈی کے مقامی حوالے سے ((جناب شیخ))سے بھتر بندہ کوئی نہیں تھا۔۔۔۔۔۔۔۔۔۔۔۔۔۔۔۔۔۔

فرحان دانش

کوئی بھی جیتا یا ہارا
سانوں کی ۔۔۔۔۔۔۔۔۔۔۔۔۔۔۔۔ منجانب عوام

فیصل ناصر

رنگ لائے گا شہیدوں کا لہو !

منتظمین

ویسے ڈیزل نے اس کی حمائت کی تھی۔

فیصل ناصر

ڈیزل کا تو دین ایمان پیسہ ہے

عبداللہ حیدر

چند مخلص لوگوں کو چھوڑ کر اکثر جمہوری مولویوں کا یہی حال ہے۔

کنعان

السلام علیکم

یہ ڈیزل کس کا کوڈ نیم ھے؟

والسلام

عبداللہ آدم

ایک اور نام عبداللہ طارق سھیل بھی اکثر استعمال کرتے ہیں اور وہ ہے حضرت مولانا۔۔۔ ۔۔۔۔۔۔۔۔۔یہ اپنے قائد جمیعت ہیں کنعان بھائی۔۔۔۔۔۔۔۔۔۔۔۔۔القاب تو بھت ہیں لیکن (((((((((چل رین دےےےےےےے)))))

منتظمین

بھائی مجھے نہیں پتہ اس بارے میں، نگاہ کرم کر ہی دیں۔

ھارون اعظم

جناب، ان کی لال مسجد آپریشن میں ملوث ہونے کے بعد ان کی حمایت کرنا میری سمجھ سے تو باہر ہے۔ سیاسی وفاداریاں تبدیل کرنے کی بات کو تو ایک طرف رکھیں۔

ARHAM

وَلَا تَلۡمِزُوٓاْ أَنفُسَكُمۡ وَلَا تَنَابَزُواْ بِٱلۡأَلۡقَـٰبِ‌ۖ بِئۡسَ ٱلِٱسۡمُ ٱلۡفُسُوقُ بَعۡدَ ٱلۡإِيمَـٰنِ ( الحجرات 11 ٰ)

آپس میں ایک دوسرے پر طعن نہ کرو ، اور نہ ایک دوسرے کو برے القاب سے یاد کرو ، ایمان لانے کے بعد
فسق میں نام پیدا کرنا بہت بری بات ہے ۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

فیصل ناصر

ارے کنان بھائی راز کی باتیں اس طرح نہیں پوچھا کرتے

عامرشہزاد

فضل الرحمان جی ۔۔۔۔۔۔۔۔۔۔۔۔۔۔۔۔۔۔۔۔۔