چاچا کمال

ابھی امریکی یا کسی بھی عدالت میں عافیہ صدیقی کا مقدمہ بمشکل پیش ہی ہوا ہے کہ بقول شخصے پاکستان یا نیویارک کی سڑکوں پر بہت سے پاکستانیوں نے اسے بے گناہ اور امریکی پریس کے بڑے حصے نے اسے ’دہشتگرد‘ ماننا شروع کر دیا ہے۔
اے بی سی نیوز نے تو اسے ’القاعدہ کی ماتا ہری‘ کہا ہے جس پر عافیہ کی وکیل الزبیتپھ فنک نے عدالت سے اے بی سی سمیت امریکی میڈیا کی عافیہ کے متعلق ایسی خبروں کو اس کے مقدمے میں انصاف کے تقاضوں کو ملیامیٹ کردینے کی کوشش قرار دیا اور کہا کہ امریکی حکومت ایسے اخبارات سمیت دیگر ذرائع ابلاغ کو ’فیڈ‘ کر رہی ہے۔

لیکن عافیہ صدیقی آج اپنی سماعت کے دوران عدالت میں پیش نہیں کی گئيں کہ انہوں نے عدالت کے سامنے پیش نہ ہونے کا فیصلہ کیا- امریکی قوانین کے مطابق اگرچہ جیل میں قید ملزم کو عدالت پیش کیے جانا یا اسکے پیش ہونے کا حق کوئی قطعی نہیں ہے لیکن اس کا وکیل عدالت میں استثنیٰ کی درخواست دے سکتا/ سکتی ہے-‘

عافیہ صدیقی کی وکیل الزبیتھ فنک نے کہا کہ وہ اپنی موکلہ (عافیہ صدیقی) کی حاضری سے استثنی کی درخواست نہیں دائر کر رہی۔

جج رچرڈ بریمین نے کہا اس پر بات کرنے کی ضروت ہے کہ آخر مدعاعلیہ نے پیشی پر کیوں حاضر نہ ہونے کا فیصلہ کیا- اگرچہ وہ ایسا کرسکتی ہیں لیکن اس وقت جب ان کے خلاف فرد جرم عائد ہونی ہے اس میں مدعاعیلہ کا غیر حاضر رہنے کا فیصلہ کوئی اچھی اور قابل قبول بات نہیں۔ پھر جج نے کہا کہ ’جہاں تک میں سمجھا ہوں مس صدیقی نے پیشی سے غیر حاضر رہنے کا راستہ جیل میں ان کی ’سٹرپ سرچ‘ ہونے پر چنا-
اس پر عافیہ کی وکیل الزبیتھ فنک نے کہا کہ ’یور آنر ! میں آپ کو بتاؤں کہ عافیہ صدیقی کو کس طرح آتے جاتے ہر و‍قت ’سٹرپ سرچ‘ سے گزرنا پڑتا ہے۔ یہ ایک ہیبت ناک تجربہ ہے جب مجھے بھی ان سے ملنے پر 'سٹرپ سرچ‘ کیا گیا۔
پھر الزبیتھ فنک نے اپنے جسم کی حرکت سے مظاہرہ کر کے یہ دکھانے کی کوشش کی کہ کس طرح انہیں جسم کے مخصوص حصوں کو اوپر نیچے کروا کر 'سٹرپ سرچ‘ کروائی جاتی ہے جس میں مقعد بھی شامل ہے- ’لیکن میں تریپن سال کی عمر میں زیاد جھک نہیں سکتی‘۔

بحوالہ بی بی سی اردو

میں عزت ماب جناب فواد صاحب سے پوچھنا چاہوں گا کہ یہ "سٹرپ سرچ" کیا ہے اور اس کی تفصیلات کیا ہیں۔۔۔

طاھر

چاچا جی ، السلام علیکم،

بہت اچھا سوال ہے۔۔۔۔۔۔

سوال کو فواد صاحب صرف "سٹرپ سرچ" کی تعریف تک محدود رکھیئے گا اور اس کے بعد یہ بھی بتایئے گا کہ یہ کس قسم کے قیدیوں پر لاگو ہوتا ہے امریکی قانون کے تحت۔

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

منتظمین

جناب فواد میں بھی اس سوال کے متعلق اپکے جواب کا بے چینی سے انتظار کر رہا ہوں۔ باقی کیا اپ بتا سکیں گے کہ دنیا کہ کن ممالک میں یہ "اسٹرپ سرچ" ہوتی ہے اور انسانی حقوق کی تنظیمیں اس بارے میں کیا کہتی ہیں۔۔۔

میں اس کو چپکو کر رہا ہوں تاکہ اپکی نظر سے باآسانی گزر سکیں۔

والسلام

__________________
تم سپاہی نہیں ہو پیشہ ور قاتلو!

ابن جلال

فواد صاحب کو اعدوشمار کے جادوگروں نے جواب دینے سے منع کردیا ہوگا اس لیے جواب نہیں‌دے رہے

Fawad

کسی بھی موضوع پر محض اپنے جذبات کا اظہار کرنے کی بجاۓ ميری کوشش ہوتی ہے کہ درست اعداد وشمار حاصل کيے جائيں اور محض ميڈيا کی قياس آرائيوں کی بنياد پر اپنی راۓ قائم کرنے کی بجاۓ متعلقہ افراد سے براہراست رابطہ کر کے ميڈيا کی "توڑ مروڑ"سے پاک اصل بيان حاصل کيا جاۓ۔ يہ ميرا ذاتی تجربہ ہے کہ اکثر اوقات ميڈيا ميں بيانات کو سياق و سباق سے ہٹ کر شائع کيا جاتا ہے۔ ظاہر ہے کہ حقائق کی تحقيق ميں وقت درکار ہوتا ہے۔

حقيقت يہ ہے اعداد وشمار اور "اصل بيانات" کی تحقيق بعض اوقات مجھے بھی کسی خبر کے حوالے سے اپنی ابتدائ راۓ تبديل کرنے پر مجبور کر ديتی ہے۔ ليکن ميرے نزديک کسی بھی فورم پر تعميری بحث کے ليے جذباتيت کے مقابلے ميں يہ طريقہ کار زيادہ کارآمد ہے۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
http://usinfo.state.gov

منتظمین

فواد صاحب اپکی سہولت کے لیے ۔۔۔۔ شائد زیادہ سوچنا نہ پڑھے
نوٹ: لنک صرف بالغان کے لیے مناسب ہے۔۔۔

http://www.youtube.com/watch?v=syncJdl7cQ8

ایک لنک وکی پیڈیا سے بھی
http://en.wikipedia.org/wiki/Strip_search

میڈیا رپورٹس کے مطابق عافیہ صدیقی کیس میں یہ سارا عمل ایک مرد آفیسر ایک مسلم باپردہ حاتون سے کرتا ہے۔۔۔

اللہ سب کو ایسی اذیت سے مخفوظ رکھے۔

والسلام

ابن جلال

فواد صاحب کو یقیناسٹرپ سرچ کے بارے میں‌پتہ تھا لیکن شاید وہ انصاف اور حقیقت پسندوں کے اس عمل کے بارے میں جواب نہیں دینا چاہتے تھے۔

محمد الیاس

YouTube - How to conduct a strip search in prison

ایک لنک وکی پیڈیا سے بھی
Strip search - Wikipedia, the free encyclopedia

یہ عکسبندی کے نمونے اس بات کی دلیل نہیں ہیں کہ ایسا ہی ہوتا ہے، معلوم ہوتا ہے کہ انکو ہمجنس پرستوں کی صرف جنسی خواہشات کو متحرّک کرنے کے لئے بنایا گیا ہے جو ایک الگ تحریک ہے، اس میں کیونکہ سرکاری جوان اور قیدی دونوں نامرد لگتے ہیں۔ ان کو دلیل بنا کر یا وکیل کی باتوں کی بنیاد پر الزام نہیں لگایا جا سکتا۔
اگر تصوّر کر لیا جائے کہ عافیہ کے ساتھ کوئی بے ادبی ہوئی ہی نہیں تب بھی یہ بڑی بے عزّتی کی بات ہے کہ ایک مسلمان ملک کی عورت گرفتار کر کے امریکہ کے حوالے کی گئی ہے۔ مسلمانوں کے غیرت کی یہی سب سے بڑی کمی ہے ۔

شازل

آپ کہنا کہ چاہتے ہیں
کیا اس طرح کی سرچ نہیں ہوتی؟

Fawad

سب سے پہلے تو ميں يہ واضح کر دوں کہ ڈاکٹر عافيہ صدیقی کے کيس کے ليے کوئ نۓ قوانين مرتب نہيں کيے گۓ ہيں۔ اس ضمن ميں اب تک جو بھی قواعد وضوابط ملحوظ رکھے گۓ ہيں وہ عدالت کی معمول کی کاروائ کا حصہ ہيں۔ امريکہ ميں کسی بھی قانونی مقدمے کی طرح ان کے وکيل کو بھی يہ اختيار حاصل ہے کہ وہ جج کے سامنے اس کيس سے متعلق کسی بھی ايشو کو چيلنج کر سکتے ہيں۔

جہاں تک "سٹرپ سرچ" کے حوالے سے سوال ہے تو يہ واضح رہے کہ اس ضمن ميں کوئ نۓ قوانين نہيں لاگو کيے گۓ ہيں۔ حقيقت يہ ہے کہ اس ضمن ميں امريکہ کی سپريم کورٹ نے قريب 30 برس قبل قوانين اور اصول کی وضاحت کر دی تھی۔

BELL V. WOLFISH, 441 U. S. 520 (1979) -- US Supreme Court Cases from Justia & Oyez

سيکورٹی کے تقاضوں کے عين مطابق کسی بھی قيدی کی طرح بيوريو آف پرزنز کی يہ ضرورت ہے کہ وہ کورٹ ميں داخلے اور ديگر کچھ مواقعوں پر تلاشی ليں۔ امريکہ ميں قيديوں کی تلاشی سے متعلق فيڈرل قوانين کے عين مطابق ان سے سلوک روا رکھا جاتا ہے۔ اس فيڈرل ريگوليشن کا ريفرنس نمبر 28 سی ايف آر 552 ہے۔ ان قواعد کا مقصد جيل کے عملے کے ليے جامہ تلاشی کے حوالے سے ضوابط متعين کرنا ہے۔ اس کے علاوہ مخصوص مواقع پر انسانی صحت سے متعلق عملے کو بھی انھی ضوابط کا پابند کيا جاتا ہے اور محض غير معمولی صورت حال کے علاوہ خواتين کی تلاشی خواتين سے ہی کروائ جاتی ہے۔

يہ درست ہے کہ ڈاکٹر عافيہ نے عدالت ميں اس خواہش کا اظہار کيا ہے کہ وہ تلاشی کے ان مراحل سے نہيں گزرنا چاہتيں اور اس ضمن ميں انھوں نے عدالت سے ويڈيو کانفرنس کی سہولت کے حوالے سے سوال بھی اٹھايا ہے۔ نومبر 3 2009 کی کاروائ کے دوران جج نے يہ بيان ديا ہے کہ وہ ڈاکٹر عافيہ کی درخواست پر اس امکان کا جائزہ لے رہے ہيں۔

ميں ايک بار پھر واضح کر دوں کہ امريکی حکومت کی جانب سے کسی بھی موقع پر ان کے ساتھ بدسلوکی يا تشدد کا نشانہ نہيں بنايا گيا۔

امريکی ميں ڈاکٹر عافيہ کی گرفتاری کے دوران حکومت پاکستان کے سفارتی عہديدران کو ويانا کنونشن کے قوانين کے عين مطابق رسائ حاصل ہے۔ اس ضمن ميں پاکستانی سفارت خانے کے عملے نے ڈاکٹر عافيہ صدیقی سے کئ مواقعوں پر ملاقات کی ہے۔

ڈاکٹر عافيہ صديقی کو خاتون ڈاکٹرز تک رسائ بھی حاصل ہے۔

مجھے اس بات کا احساس ہے کہ اردو فورمز اور ذرائع ابلاغ ميں جامہ تلاشی کا ايشو مذہبی پس منظر ميں اٹھايا گيا ہے۔ اس ضمن ميں ميری معلومات کے مطابق ويڈيو کانفرنس کا آپشن زير غور ہے۔ ليکن اہم نقطہ يہ ہے کہ جامہ تلاشی کا ايشو ايک قانونی معاملہ ہے اس کا ڈاکٹر عافيہ کے مذہب کے حوالے سے ان کے خلاف معتصبانہ کاروائ سے کوئ تعلق نہيں ہے۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State

خرم شہزاد خرم

سوال

06-09-08, 02:47 PM

اور

جواب

10-11-09, 12:13 AM

منتظمین

آسان لفظوں میں یہ بھی کہ سکتے ہیں کہ سوال دن جواب رات

راجہ اکرام

یا سوال گندم اور جواب چنا

ویسے مجھے یہ سمجھ نہیں آتا کہ جب محترمہ عافیہ صدیقی صاحبہ امریکیوں کی قید میں ہیں، ہر وقت ان کی نگرانی میں رہتی ہیں تو پھر عدالت میں پیشی کے وقت اور بعد تلاشی کی ضرورت کیوں پیش آتی ہے؟؟

__________________
محتاج اصلاح و دعا

یاسر عمران مرزا

اسی لیے میں نے مسٹر فواد سے کسی سوال کا جواب پوچھنا ہی چھوڑ دیا ہے۔۔۔شکریہ

Fawad

ڈيجيٹل آؤٹ ريچ ٹيم کا سب سے پہلا اصول يہ ہے کہ کسی بھی موضوع کے حوالے سے راۓ دينے سے قبل متعلقہ حکام سے رابطہ کر کے اصل حقائق حاصل کيے جائيں اور الزامات کی تحقيق کی جاۓ۔ جبکہ اسکے مقابلے ميں فورمز پر دوست احباب کسی بھی خبر پر بغيرتحقيق اور ثبوت کے اپنے جذبات کا اظہار کر سکتے ہيں۔

اس خبر کے منظر عام پر آنے کے بعد ڈيجيٹل آؤٹ ريچ ٹيم نے متعلقہ حکام سے رابطہ بھی کيا ہے اور تحقيق بھی کی ہے

ڈاکٹر عافيہ صديقی کيس کے حوالے سے بہت سے سوال ايسے ہیں جس کا جواب اس ليے نہيں ديا جا سکتا کيونکہ يہ کيس عدالت ميں ہے اور اس حوالے سے قانونی طور پر کچھ حقائق ظاہر نہيں کيے جا سکتے۔ يہاں پر ميں يہ بھی واضح کر دوں کہ يہ قانونی پابندی اس کيس سے وابسطہ تمام فريقين پر ہے۔ مثال کے طور پر اگر آپ ڈاکٹر عافيہ کے بيٹے کی پاکستان آمد اور اس کے بعد ان کی بہن کی ميڈيا سے گفتگو کی ويڈيو ديکھيں تو آپ پر واضح ہو گا کہ انھوں نے بھی دانستہ بہت سے سوالوں کا براہراست جواب دينے سے گريز کيا۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State