شیخ ہمدان

آج ایک اخباری آرٹیکل میں سید عارف حسین کے شعری مجموعے ’’ہم دیئے ہیں‘‘ سے لی گئی ایک نظم دیکھی۔ بڑی پسند آئی اور پرویز مشرف کی شخصیت پر فکس ہے۔ ملاحظہ کیجیے:

اندھیروں کا تسلسل مختصر ہونے نہیں دیتا
سحر کا نام لیتا ہے، سحر ہونے نہیں دیتا
وہ شب فطرت ہے اس کو روشنی اچھی نہیں لگتی
کسی گھر میں اجالوں کا گزر ہونے نہیں دیتا
وہ دہشت بانٹتا ہے خوف کے منظر بناتا ہے
کوئی شاخ تمنا بارور ہونے نہیں دیتا
وہ سارے فیصلے حسب ضرورت آپ کرتا ہے
کسی کا حرف، حرف معتبر ہونے نہیں دیتا
ہمیشہ دوسروں میں‌ فاصلے تقسیم کرتا ہے
وہ لوگوں کو بہم شیر و شکر ہونے نہیں دیتا
امیر کاررواں رہنے کا اتنا شوق ہے اس کو
کہ دانستہ بھی تکمیل سفر ہونے نہیں دیتا