شیخ ہمدان

پاکستان آرمی کے سربراہ جنرل اشفاق پرویز کیانی کی تازہ ترین ہدایت،جس میں فوجی افسروں کوسیاسی رہنمائوں اورسیاست سے دور رہنے کے لئے کہا گیا ہے، ملٹری انٹیلی جنس (ایم آئی) پر تو لاگو ہوگی لیکن اس کا اطلاق آئی ایس آئی پر نہیں ہوگا۔ فوجی ذرائع کے مطابق اگرچہ آئی ایس آئی کی سربراہی ایک حاضرسروس لیفٹیننٹ جنرل کرتاہے اور اس میں چند 2 اسٹار جنرلوں کے علاوہ فضائیہ اور بحریہ کے حاضر سروس سینئر افسران بھی خدمات انجام دیتے ہیں لیکن یہ سویلین جاسوسی ایجنسی ہے جو چیف آف آرمی اسٹاف کے ماتحت نہیں بلکہ سویلین ا تھارٹی، وزیر اعظم کی ماتحت ہوتی ہے ۔ فوجی ترجمان اطہر عباس سے جب اس وضاحت کے لئے کہا گیا کہ کیا فوجی سربراہ کی ہدایت کا اطلاق ان فوجی افسران پر بھی ہوگا جو آئی ایس آئی میں کام کر رہے ہیں توانہوں نے کہا کہ یہ ہدایت چیف آف آرمی اسٹاف کے ماتحت کام کرنے والے فوجی افسران پر لاگو ہوگی۔ انہیں بتایا گیا کہ ان کاجواب بدستور مبہم ہے توانہوں نے عدم اتفاق کرتے ہوئے کہا کہ وہ واضح طور پر کہہ چکے ہیں کہ ہدایت ان فوجی افسران پر لاگو ہوگی جو آرمی چیف کے ماتحت کام کر رہے ہیں۔ ذرائع کے مطابق ملٹری انٹیلی جنس چیف آف آرمی اسٹاف کے ماتحت ہے اورجنرل کیانی کی تازہ ترین ہدایت پریہ ایجنسی، جسے حالیہ برسوں میں دیگر سویلین ایجنسیوں کی طرح سیاست میں گھسیٹ لیا گیا تھا، سختی سے عمل کریگی۔ ذرائع نے بتایاکہ یہ وارننگ فوجی سربراہ کی جانب سے سینیئر کمانڈرز کے لئے ہدایت تھی اسے عوامی طور پر جاری نہیں کیا گیا تھا لیکن کچھ نے اسے مختلف اخبارات کو جاری کردیا۔ انٹیلی جنس بیورو کی شہرت اگرچہ کبھی اچھی نہیں رہی لیکن حالیہ برسوں میں سیاسی معاملات میں آئی ایس آئی کا کردار غالب رہا ہے۔ 9 مارچ کے عدالتی بحران کے بعد حکومت کی جانب سے سپریم کورٹ کے تیرہ رکنی بینچ کے سامنے پیش کیا جانے والا اس کا اپنا ریکارڈ ظاہر کرتا ہے کہ ایجنسیاں ججوں کی جاسوسی کرتی رہی ہیں۔ سیاسی جماعتوں کوخوف ہے کہ یہ خفیہ ایجنسیاں آئندہ عام انتخابات میں ایک مرتبہ پھرخاموش کردار ادا کریں گی۔

محمد الیاس

یہ ایک نہایت اہم قدم ہے جو کیانی صاحب اٹھا رہے ہیں کیونکہ اس سے اپنے ملک میں ہی فوج کے خلاف شدید نفرت کے جذبات پائے جاتے تھے۔ عوام خود کو قیدی تصّور کرنے لگی تھی جبکہ کوئی مثبت تبدیلی بھی دیکھنے میں نہیں آتی تھی۔

ملک بھائی

ہاتھی کےدانت کھانے کے اور دکھانے کے اور