کنعان

2010-02-22 19:59:48 :تاریخ اشاعت

کراچی : متحدہ قومی موومنٹ اور مسلم لیگ ن کے درمیان اٹھارہ سال بعد پارٹی بنیادوں پر باضابطہ رابطہ بحال ہوگیا، ایم کیو ایم کے رہنما ڈاکٹر فاروق ستار آج وزیراعلیٰ پنجاب شہباز شریف سے لاہور میں ملاقات کررہے ہیں۔ملاقات میں مقامی حکومتوں سے متعلق ایم کیو ایم کے موقف سمیت مختلف امور پر تبادلہ خیال ہوگا۔ اس سے پہلے وفاقی وزیر بابر غوری نے وزیراعلیٰ پنجاب شہباز شریف سے ٹیلیفون پر رابطہ کرکے کہا کہ ایم کیو ایم مقامی حکومتوں سے متعلق اپنے موقف پر مسلم لیگ ن سے بات چیت چاہتی ہے۔

بابر غوری کے ٹیلیفون کے بعد ایم کیو ایم کے رہنما ڈاکٹر فاروق ستار شہباز شریف سے ملاقات کیلئے لاہور روانہ ہوئے ہیں۔ کراچی میں انیس سو بانوے کے فوجی آپریشن کے بعد متحدہ قومی موومنٹ اور مسلم لیگ ن کے درمیان پارٹی بنیادوں پر یہ پہلا رابطہ ہے۔ ایم کیو ایم یہ اعلان کرچکی ہے کہ اسے مسلم لیگ ن سے کوئی شکایت نہیں لیکن مسلم لیگ ن ایم کیو ایم سے بات چیت پر تحفظات کا اظہار کرتی رہی ہے۔ سیاسی مبصرین اس ملاقات کو انتہائی اہمیت کا حامل قرار دے رہے ہیں۔

ایم کیو ایم، ن لیگ رابطہ بحال

__________________

ھارون اعظم

سیاست میں روابط کبھی بھی ختم نہیں کرنے چاہیئے۔ البتہ اگر قبضے کی سیاست چلتی رہے تو بات چیت کا کوئی فائدہ نہیں ہوگا۔