ARHAM

سعید کے جسم کا بایاں حصہ مفلوج ہے ۔ اس کی نظر کمزور ہے ۔ چلتے پھرتے قدم لڑکھڑاتے ہیں، مگر مشکلات اور معذوری کے باوجود وہ کبھی چکوال کی ضلعی کچہری پہنچ جاتا ہے تو کبھی حیدر آباد کے لیے رختِ سفر باندھ لیتا ہے۔ کبھی وہ اسلام آباد کے مقتدر طبقات کے پاس اپنا مدعا لے کر حاضر ہوتا ہے تو کبھی کراچی آکر علمائے کرام سے ملاقاتیں کرتا ہے۔ اس کے 3 بیٹے اور 2 بیٹیاں ہیں۔ وہ بے روزگار بھی ہے، مگر اس کا کہنا ہے:

”میں نے اس کام کے لیے اب تک 30 ہزار روپے قرض لیا ہے۔ اگر اس مشن کے لیے مجھے اپنا مکان بیچنا پڑے تب بھی اس سے دریغ نہیں کروں گا۔“

وہ جس مقصد کے لیے بھاگ دوڑ کررہا ہے، اسے سن کر لوگ جہاں حیرت میں ڈوبتے ہیں، وہاں اسے خراجِ تحسین پیش کیے بغیر نہیں رہتے۔ آپ بھی سعید کی کہانی سنیے اور پھر ایک خبر ملاحظہ کیجیے۔ سعید کہتا ہے:

”میں ضلع چکوال کا رہائشی ہوں۔ یہ آج سے دو ماہ قبل کی بات ہے، رات کے ساڑھے آٹھ بج رہے تھے۔ دیہاتی علاقوں میں سردی کی راتوں میں لوگ جلد سوجاتے ہیں۔ میں بھی اس رات سونے کی تیاری کررہا تھا کہ میرے موبائل پر ایک ایس ایم ایس آیا۔ پیغام پڑھ کر میں چونک گیا، لیکن نہ چاہتے ہوئے بھی اسے نظرانداز کردیا۔ میں سمجھا شاید کوئی پاگل یا دیوانہ ہے جو ایسے پیغامات بھیج رہا ہی، لیکن ابھی ایس ایم ایس حذف کیا ہی تھا کہ دوسرے پیغام نے میری روح کو چھلنی کرکے رکھ دیا۔ ایسا لگا جیسے کسی نے سر پر کلہاڑا ماردیا ہو۔ میں نے کانپتے ہاتھوں کے ساتھ مطلوبہ نمبر ملایا۔ اس نے اٹینڈ کیا، مگر ملائے ہوئے نمبر سے کسی بات کا جواب نہیں آرہا تھا۔ میں نے دوبارہ ملایا، پھر وہی خاموشی، اس طرح میں ملاتا رہا، وہ اٹینڈ کرتا رہا، لیکن جواب ندارد۔ کوشش کے باوجود بات نہ ہوئی تو میں نے موبائل بند کردیا۔
ان پیغامات نے ساری رات مجھے بے چین کیے رکھا۔ اگلی صبح میں نے موبائل آن کیا تو ایسا لگا جیسے میں زندگی کا خوفناک سپنا دیکھ رہا ہوں۔ میرے جسم پر گویا رعشہ طاری ہوگیا ہو۔ پورا جسم لرزنے لگا۔ رات کو جو پیغامات موصول ہوئے تھے وہ زیادہ گستاخانہ نہیں تھے، لیکن اب اس نمبر سے توہین رسالت پر مبنی درجن بھر پیغامات میری روح کو گھائل کیے دے رہے تھے۔ ان میں سے ایک ایک پیغام تڑپادینے والا تھا۔ میں بڑا سخت دل ہوں، لیکن یہ پیغامات پڑھتے ہوئے میری ہچکیاں بندھ گئیں۔ جب ذرا حالت سنبھلی تو جاکر اپنے علاقے کے چند افراد کو بتایا۔
ان میں سے بعض نے مشورہ دیا ”موبائل سم“ بند کروادی جائے۔ ان کی بات کسی حد تک ٹھیک تھی، لیکن میرا ضمیر یہ ماننے پر تیار نہ ہوا۔ میں نے ایک وکیل کے پاس جاکر قانونی راستہ تلاش کرنے کے لیے کہا۔
جیب میں ایک روپیہ نہیں تھا، مگر میں اُدھار لے کر ان کے مشورے سے اسلام آباد پہنچا۔ وہاں ایک نجی چینل کے دفتر گیا۔ ایک کیمرہ مین سے ملاقات ہوئی۔ اس کو ساری صورتحال بتادی۔ اس نے مدد کی یقین دہانی کرائی۔ رات کو جب گھر پہنچا تو کیمرہ مین نے فون کرکے بتایا توہین رسالت پر مبنی پیغامات بھیجنے والے کا نمبر بند کروادیا ہے۔ اس پر قدرے اطمینان تو ہوگیا، مگر اس بات پر اب تک دل اُداس تھا کہ اسے اپنے کیے کی سزا نہ مل سکی۔
رات کے ساڑھے دس بجے توہین رسالت پر مبنی وہی پیغامات ایک نئے نمبر سے ملنا شروع ہوگئے۔ میں نے یہ دیکھا تو اب تہیہ کرلیا جب تک اس گستاخ کو تختہ دار تک نہیں پہنچاﺅں گا اس وقت تک مجھ پر چین وسکون حرام ہے۔ چنانچہ میں نے اپنے ایک عزیز سے مزید کچھ رقم اُدھار لی اور اس مہم پر نکل گیا۔ خوش قسمتی یہ ہے میں نے جس سے بھی بات کی، ہر ایک نے تعاون کیا۔ یہاں تک کہ ایک دن ایس ایس پی خود میرے گھر آئے۔
میں نے معذرت کی تو کہنے لگے:
”یہ معاملہ ہی ایسا ہے کہ مجھے آپ کو بلاتے ہوئے شرم آرہی تھی۔ میں نے سوچا کہیں کل قیامت کے دن حضور صلی اللہ علیہ وسلم مجھ سے یہی نہ پوچھ لیں کہ میری حرمت کی خاطر تم اتنا نہ کرسکے۔“
جب کراچی آیا اور ایف آئی اے دفتر گیا تو یہاں بھی ایک افسر نے بھرپور راہنمائی کی۔ میں نے اس مقصد کے لیے حیدر آباد کے دو سفر کیے۔ ٹنڈوآدم جانا پڑا۔ چار مرتبہ اسلام آباد حاضر ہونا پڑا۔ کراچی کے لیے یہ دوسرا سفر ہے۔ میں اس معذوری کے باوجود جب سارا دن کورٹ کچہری اور دفاتر کی خاک چھانتے گزاردیتا ہوں تو تھکن سے چُور ہوجاتا ہوں لیکن مجھے وہ سکون ملتا ہے جو آج تک کبھی نصیب نہیں ہوسکا تھا۔
اب بس زندگی کی سب سے بڑی خواہش یہی ہے اللہ مجھ سے یہ کام لے لے اور اس گستاخ کو اپنی آنکھوں سے سزا بھگتتا دیکھ سکوں۔“

یہ اس محمد سعید کی روداد ہے جس نے معذوری کے باوجود دن رات ایک کیا۔ شاید کسی کی نظر بین الاقوامی ”ہاٹ اینڈ ہٹ ایشوز“ میں اس طرف نہ جائے لیکن حقیقت یہ ہے یہ واقعہ زخمی دلوں پر مرہم ہے۔ کچھ ہفتے قبل جب ”آفٹن پوسٹن“ کی ایڈیٹر ”ہائیلڈ“ نے ایک بار پھر نبی کریم صلی اللہ علیہ وسلم کے گستاخانہ خاکے شائع کیے تو صحافیوں نے سوال کیا:
”مسلمانوں کی طرف سے اتنا شدید ردِعمل آنے کے باوجود یہ دوبارہ کیوں شائع کیے جارہے ہیں؟
“ اس کا جواب تھا: ”مجھے اُمید ہے مسلمان اب ردِعمل کا اظہار نہیں کرسکیں گے۔“
اس خبر نے بہت سے دلوں کو زخمی کردیا تھا۔ یہ خبر پڑھنے والے بہت سے بے چین ہوگئے تھے۔
”تحریک حرمت رسول پاکستان“ کے چیئرمین ”مولانا امیر حمزہ“ بھی ایک محفل میں یہی دکھڑا سنارہے تھے۔ کہنے لگے:
”یہ خبر پڑھتے ہی میری آنکھیں چھلک گئیں۔ میں نے سوچا کیا ہم واقعی اتنے بے حس ہوگئے ہیں کہ اب گستاخی کرنے والے یہ پیش گوئی کریں؟ کیا اُمت مسلمہ واقعی یہ نشتر سہتے سہتے یہاں تک پہنچ گئی ہے کہ نبی کی حرمت کی کوئی اہمیت نہ رہی!“
لیکن مولانا امیر حمزہ کی طرح بہت سے تڑپنے والوں کو خوشخبری ہو یہ اُمت ابھی بانجھ نہیں ہوئی۔ اس میں ابھی ایسے ”سعادت مند“ موجود ہیں جو نبی صلی اللہ علیہ وسلم کی حرمت پر اپنا سب کچھ قربان کرنے کو تیار ہیں۔
ایک دیہاتی اور اَن پڑھ سے لے کر اعلیٰ عہدیدار تک، شب بیدار سے لے کر ایک گناہ گار اور سیہ کار تک.... کون ایسا ہے جو اپنے اس آخری حصار اور سہارے کو چھوٹنے دے گا؟ اور پھر عشق و محبت کا یہ سلسلہ چودہ سو سال سے چل رہا ہے اور قیامت تک جاری رہے گا۔
صلح حدیبیہ کے وقت جب مسلمانوں کو ”سبق“ سکھانے کا عزم کیا گیا تو ”عروہ بن مسعود“ نے سب کو مخاطب کرکے کہا تھا:
”خدا کی قسم! میں نے نجاشی، قیصر وکسریٰ کے دربار دیکھے ہیں مگر یہ عقیدت، وابستگی اور وارفتگی کہیں نہیں دیکھی جو محمد کے ساتھیوں کو محمد صلی اللہ علیہ وسلم سے ہے۔ وہ جب بات کرتے ہیں تو سناّٹا چھا جاتا ہے۔ حکم دیتے ہیں تو تعمیل کے لیے سب ایک دوسرے سے آگے بڑھتے ہیں۔ وضو کرتے ہیں تو گرنے والے پانی پر ایک مجمع ٹوٹ پڑتا ہے۔ ان کا رُعب ہے کہ کوئی نظر بھرکر ان کی طرف دیکھ نہیں سکتا۔“

لاریب! دنیا کی محبت فانی ہے۔ ہوسکتا ہے آج کی محبت کل کی نفرت میں تبدیل ہوجائے۔ آج جس پر جان نچھاور کرنے کو جی چاہتا ہے، ممکن ہے کل اس کی شکل دیکھنا گوارا نہ کی جائے....
لیکن اس ”آخری سہارے“ کی محبت ایسی لازوال ہے جس میں کمی نہیں آتی۔ جو بڑھتی ہی چلی جاتی ہے۔ محمد سعید کا معذور جسم، ایف آئی اے میں خدمات انجام دینے والا افسر اور پولیس جیسے محکمے میں کام کرنے والا تلہ گنگ کا ایس ایس پی.... ہر ایک اس بات کی گواہی دے رہا ہے۔

کاش! ان گستاخوں تک بھی یہ پیغام پہنچ جائی:

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

shafresha

اللہ اُس خوش نصیب کو اس کام کی جزا دے، آمین ثم آمین ۔ ۔ ۔

کیا ہم اس سلسلے میں ‌کچھ کرسکتے ہیں؟؟؟

منتظمین

سرورق کے لیے پیش کریں۔

عبداللہ آدم

نماز اچھی روزہ اچھا حج اچھا زکٰوۃ اچھی
مگر میں باوجود اس کے مسلماں ھو نہیں سکتا
نہ جب تک کٹ مروں میں خواجہ بطحاصلی اللہ علیہ و سلم کی حرمت پر
خدا شاھد کامل مرا ایماں ہو نہیں سکتا

عبداللہ آدم

نماز اچھی روزہ اچھا حج اچھا زکٰوۃ اچھی
مگر میں باوجود اس کے مسلماں ھو نہیں سکتا
نہ جب تک کٹ مروں میں خواجہ بطحاصلی اللہ علیہ و سلم کی حرمت پر
خدا شاھد کامل مرا ایماں ہو نہیں سکتا

ھارون اعظم

ارحم بہن، اتنی اچھی تحریر ہم سے شئیر کرنے کے لئے شکریہ۔

مسلمان کتنے ہی بے عمل کیوں نہ ہوں، لیکن آقا صلی اللٰہ علیہ وسلم کی شان میں گستاخی کبھی بھی برداشت نہیں کریں گے۔ انشاءاللٰہ

__________________


http:// haroonazam.wordpress.com

ھارون اعظم کا بلاگ۔