Zullu230

پاکستان میں جہموریت کو زک پہنچانے میں ایک عمل یہ بھی کار فرما ہے کہ جتنی سیاسی پارٹیوں کے سر براہ ہیں وہ پارٹی کے بانی ہی کی اولاد سے ہیں۔ مثلآ پیپلز پارٹی کے بانی ذوالفقار علی بھٹو تھے اُن کے بعد اُنکی بیگم پارٹی کی چئیر مین بنی ۔۔۔ پھر اُن کی بیٹی بے نظیر بھٹو چئیر مین بنی۔ اور اب بے نظیر بھٹو کے شوہرآصف علی زرداری اور اُن کا بیٹا بلاول زراداری مشترکہ چئیر مین ہیں۔ اگر دیگر سیاسی پارٹیوں کی تاریخ پر نظر دوڑائی جائے تو جماعت اسلامی کو چھوڑ کر تمام پارٹیوں میں بنیادی جہموری تصور سرے سے موجود ہی نہیں۔ سیاسی پارٹی کو ایک جاگیر کا درجہ حاصل ہے جو اولاد میں منتقل ہوتی رہتی ہے۔ کوئی دوسرا ورکر خواہ کتنا ہی قابل۔ محنتی اور مدبر کیوں نہ ہو کبھی پارٹی کا سربراہ نہیں بن سکتا۔ اور نہ ہی کبھی کسے بڑے عہدے پر پہنچ سکتا ہے۔
اور نہ ہی پارٹیوں میں انتخابات کا کوئی رواج ہے۔ صرف نامزدگی ہوتی ہے اور اُس کے بعد یہ اعلان ہوجاتا ہے کہ فلاں کو متفقہ طور پر اگلے دو سال کے لئے پارٹی کا صدر منتخب کر دیا گیا ہے۔ جو وراثتی انتقال کی روشنی میں طے کیا جاتا ہے ۔ گویا سیاسی پارٹی کی صدارت بھی ایک وراثتی جاگیر ہوتی ہے جو صرف اولاد کو منتقل ہوتی ہے۔ کیا یہ جمہوریت کا بنیادی تصور ہے؟ ہرگز نہیں۔۔۔۔ بلکہ اسے آمریت۔ سینہ زوری اور منہ زوری کا نام دیا جائے گا۔۔۔۔!

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

راشد احمد

زبانِ خلق کو نقارہ خدا سمجھو کے مصداق آواز بلند کرتے رہو

Zullu230

راشد بھائی آپ نے بالکل درست فرمایا۔ اسے ہمارے ملک کی بد قسمتی کہیے یا کچھ اور لیکن یہ حقیقت ہے کہ ہمارے سیاستدانوں کے ذہنوں نے ابھی تک جمہوریت کو بطور جمہوریت قبول ہی نہیں کیا۔ معمولی اختلافات پر پارٹی چھوڑ کر اُسی پارٹی کا نیا دھڑا یا پھر نئی پارٹی بنا لیتے ہیں اور سادہ لوح عوام کو بیوقوف بناتے رہتے ہیں۔ اس تناظر میں ایک ایسے قانون کی ضرورت ہے کہ الیکشن میں اگر کوئی پارٹی 5 فیصد سے کم ووٹ لیتی ہے تو اُسے کالعدم قرار دیا جائے۔

دین محمد وطن پال

اب ایک اور میراثی پارٹی بن رہی ہے

جس کی مشرف نے الیکشن کمیشن سے رجسٹریشن کی درخواست کی ہے

ھارون اعظم

میرے خیال سے تو سیاسی پارٹی کی صدارت پر بھی یہ پابندی ہونی چاہیئے کہ کوئی 2 سے زیادہ مرتبہ پارٹی صدارت پر فائز نہ ہوسکے۔

__________________


http:// haroonazam.wordpress.com

ھارون اعظم کا بلاگ۔

Zullu230

[QUOTE=ھارون اعظم;279846]میرے خیال سے تو سیاسی پارٹی کی صدارت پر بھی یہ پابندی ہونی چاہیئے کہ کوئی 2 سے زیادہ مرتبہ پارٹی صدارت پر فائز نہ ہوسکے۔[/QUOTE

ہمارے ملک کے تمام سیاستدان جو ہمہ وقت عوام کو بیوقوف بنابے کےلئے جمہوریت کا گیت سُر تال کے ساتھ گا رہے ہوتے ہیں نے مل بیٹھ کر آئین میں اُس شق کو ہی ختم کر دیا گیا ہے جس کے تحت پارٹی کے اندرونی انتخابات لازمی تھے۔ یہ آئینی ذمہ داری تھی گو اس پر عمل ہی نہیں ہوتا تھا لیکن آئین میں تو یہ شق تھی کہ پارٹی کے اندرونی انتخابات ہوں گے۔ لیکن زبان پر جمہوریت کا راگ اور دل میں آمریت اور شہنشاہیت کا جوش جنوں جب اُبلتا ہے تو آئینی ترمیم کی صورت میں رونق افروز ہوتا ہے۔

دنیا کے تمام جمہوریت پسند ممالک میں پارٹی کے اندرونی انتخابات ہوتے ہیں اور پابندی سے ہوتے ہیں۔ سیاسی پارٹیاں کسی ایک خاندان کی ذاتی جائیداد نہیں ہیں۔ پاکستان میں ہر کام کا باوی آدم ہی نرالا ہے۔ قانون بنانے والے خود اُس قانون پر عمل نہیں کرتے۔ اور ستم بالائے ستم یہ کہ پاکستان کے صدر کو آئین میں آسمانی مخلوق سمجھ کر استثنا دے دیا گیا۔ اگر کوئی صدر بنا جائے تو کیا وہ فرشتہ صفت ہو جاتا ہے؟

دین محمد وطن پال

آپ ٹھیک کہہ رہے ہیں ہمارے ہاں قانون کی بات ہی کچھ اور ہے سیاستدان تو دور کی بات ہیں ہمارے ملک میں‌آئین صرف اور صرف غریبوں کیلئے ہیں

صرف غریبوں نے آئین پر عملدرآمد کرنا ہے باقی وہ جو اسمبلی میں بھیٹے ہیں اللہ معاف کرے ہر بار حلف لینے کے باوجود اُسی آئین کی توہین کرتے آرہے ہیں

73کے آئین اگرچہ کچھ اچھا تھا لیکن اب وہ بھی اچھا نہیں رہا کیونکہ پہلے اُس میں جنرل ضاء نے ترمیم کیا اور پھر ابھی زرداری نے وہ چیزیں جو عوام کو چاہیے وہ نعراہ جو عوام کا تھا وہ حق جو عوام کا ہے اور تھا وہ وہ بات جو عوام کرتے آرہے ہیں‌وہ اب صرف اسمبلی میں بیٹھے مفت خور ہی کرتے وہیں گے

یہ وہی جو الیکشن سے پہلے کہتے تھے
اب راج کریگی خلق جو تم بھی ہو اور ہم بھی

Fawad

آپ بغير کسی ثبوت کے ايک عمومی تاثر کی بات کر رہے ہيں۔مجھے 90 کی دہائ ميں پاکستان کے کچھ انتخابات اور سياسی پارٹيوں کے انتخابی عمل کو بہت قريب سے ديکھنے کا تجربہ ہے۔ يہ درست ہے کہ پاکستان ميں انتخابی دھاندليوں اور جاگيداروں اور وڈيروں کے اثر ورسوخ پر مبنی کہانيوں پر کافی بحث کی جا سکتی ہے۔ ليکن مجھے آج تک پاکستان کے دوردراز ديہاتوں، قصبوں اور پہاڑوں ميں امريکی ووٹ ڈالتے نہيں دکھائ ديے اور مجھے يقين ہے کہ آپ نے بھی نہيں ديکھے ہوں گے۔ ميں اپنا نقطہ نظر دہراؤں گا کہ پاکستان ميں سياسی قيادت ميں بہتری لانے کی ذمہ داری يا تو پاکستانی ووٹرز پر عائد ہوتی ہے يا ان لوگوں پر جو اپنے لیے سياسی قيادت منتخب کرنے کی ذمہ داری اور حق کو استعمال کرنا ضروری نہيں سمجھتے۔

پاکستان کے سياسی مستقبل کا فيصلہ پاکستان کے عوام کے ہاتھ ميں ہے۔ اگر آپ پاکستان کی سیاسی تاريخ پر نظر ڈاليں تو يہ واضح ہے کہ امريکی حکومت کبھی بھی پاکستان کے انتخابآت پر اثر انداز نہيں ہوئ۔ پچھلے 20 سالوں ميں ہونے والے 5 اليکشنز ميں ہر جماعت اور ہر سوچ رکھنے والی قيادت حکومت ميں آئ ہے پاکستان کے عوام اپنی سياسی تقدير کے حوالے سے خودمختار ہيں

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State

دین محمد وطن پال

Fawad آپ صحیح کہہ رہے ہیں کہ ساری پارٹیاں امریکن غلام نہیں ہے مجھے بھی پارٹیوں کے حوالے سے کچھ تجربہ ہے جس میں سیاسی پارٹیوں کے اندرونی کابینہ کے انتخابات بھی یہ تو ابھی حالیہ دور میں ایک فوجی ڈیکٹیٹر شپ کے دور میں ایسا ہی ہوا کہ پہلے تمام پارٹیوں‌میں الیکشن ہوا اور پھر کاغذات نامزدگی جمع کئے

اور رہی امریکی غلامی میں نہیں ایک قوم پرست یا ایک وطن پرست جماعت کبھی بھی امریکہ کے دوست نہیں بن سکتے کیونکہ قوم پرستوں اور امریکن سیاست کا نظریہ ملتا جلتا نہیں ہے یہ دونوں ایک دوسرے کے خلاف ہے