Zullu230

پاکستان میں جہموریت کو زک پہنچانے میں ایک عمل یہ بھی کار فرما ہے کہ جتنی سیاسی پارٹیوں کے سر براہ ہیں وہ پارٹی کے بانی ہی کی اولاد سے ہیں۔ مثلآ پیپلز پارٹی کے بانی ذوالفقار علی بھٹو تھے اُن کے بعد اُنکی بیگم پارٹی کی چئیر مین بنی ۔۔۔ پھر اُن کی بیٹی بے نظیر بھٹو چئیر مین بنی۔ اور اب بے نظیر بھٹو کے شوہرآصف علی زرداری اور اُن کا بیٹا بلاول زراداری مشترکہ چئیر مین ہیں۔ اگر دیگر سیاسی پارٹیوں کی تاریخ پر نظر دوڑائی جائے تو جماعت اسلامی کو چھوڑ کر تمام پارٹیوں میں بنیادی جہموری تصور سرے سے موجود ہی نہیں۔ سیاسی پارٹی کو ایک جاگیر کا درجہ حاصل ہے جو اولاد میں منتقل ہوتی رہتی ہے۔ کوئی دوسرا ورکر خواہ کتنا ہی قابل۔ محنتی اور مدبر کیوں نہ ہو کبھی پارٹی کا سربراہ نہیں بن سکتا۔ اور نہ ہی کبھی کسے بڑے عہدے پر پہنچ سکتا ہے۔
اور نہ ہی پارٹیوں میں انتخابات کا کوئی رواج ہے۔ صرف نامزدگی ہوتی ہے اور اُس کے بعد یہ اعلان ہوجاتا ہے کہ فلاں کو متفقہ طور پر اگلے دو سال کے لئے پارٹی کا صدر منتخب کر دیا گیا ہے۔ جو وراثتی انتقال کی روشنی میں طے کیا جاتا ہے ۔ گویا سیاسی پارٹی کی صدارت بھی ایک وراثتی جاگیر ہوتی ہے جو صرف اولاد کو منتقل ہوتی ہے۔ کیا یہ جمہوریت کا بنیادی تصور ہے؟ ہرگز نہیں۔۔۔۔ بلکہ اسے آمریت۔ سینہ زوری اور منہ زوری کا نام دیا جائے گا۔۔۔۔!

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

Zullu230

جمہوریت کا بنیادی تصور ہی یہ ہے کہ آمریت کے ہر نشان کو جڑ سے اکھاڑ پھینکو۔ لیکن پاکستان کی سیاسی تاریخ کا مطالعہ کیا جائے تو یہاں جمہوریت کی بجائے جمہوریت کے لبادے میں شخصیت پرستی کروائی جاتی ہے۔ جس نے بھی سیاسی پارٹی بنائی اُس نے اُسے اپنی جاگیر میں شامل کر لیا۔ مسلم لیگ 1906 میں قائم ہوئی تھی۔ آج مسلم لیگ کے کئی دھڑے بنے ہوئے ہیں۔ جس نے دھڑا بنایا وہ تادم مرگ اُسے اپنی جاگیر سمجھتا ہے اور مرنے سے پہلے اپنے بیٹے یا بیٹی کو نامزد کر دیتا ہے۔ کیا یہ جمہوریت ہے؟ جمہوریت میں منشور کو اولیت حاصل ہوتی ہے نہ کہ شخصیت کو۔ جب آپ کے پاس عوامی امنگوں پر مبنی منشور ہے اور آپ اُس پر عمل درآمد کےلئے پُر خلوص ہیں تو پھر شخصیت کی کوئی اہمیت نہیں‌رہ جاتی۔ پارٹی کی مجلس عاملہ کے اراکین میں سے کوئی بھی اس منشور پر عمل کروا سکتا ہے۔ پاکستان میں بار بار آمریت کے سیاہ بادل چھا جانے کی سب سے بڑی وجہ ہی یہی ہے کہ ہماری سیاسی جمہوری پارٹیوں میں بنیادی سطح پر جمہوری شعور کی انتہائی کمی ہے۔ اسی کمزوری کے باعث اندرون ملک فوج اقتدار پر قبضہ کر لیتی ہے اور بیرون ملک سے پاکستان کو ڈکیٹیشن ملتی ہے۔

دین محمد وطن پال

ہمارے ہاں سیاسی لیڈروں کو میرث میں ملی ہیں
کسی باپ سے کسی کو دادا سے سارے میراثی ہیں

wajee

لیکن ایم کیو ایم بھی واحد جماعت ہے جو اولاد در اولاد نہیں چل رہی ہے آپ ایم کیو ایم کی تاریخ پڑھ سکتے ہیں

__________________

فیصل ناصر

ایم کیو ایم کی کیا تاریخ ہے ؟؟؟

راشد احمد

جماعت اسلامی بھی نسل در نسل نہیں چلی۔ ایم کیو ایم جب سے وجود میں‌آئی ہے الطاف حسین کے کنٹرول میں ہے۔ الطاف حسین کا کوئی جانشین نہیں۔ اسی طرح ن لیگ بھی جب سے وجود میں‌آئی ہے نواز شریف کے کنٹرول میں ہے۔

__________________
حکمران کے محبوب ہونے اور فرعون بننے میں رویے کا فرق ہے۔

wajee

زیادہ یاد تو نہیں لیکن 1987 ہے شاید

راشد احمد

1979 میں جامعہ کراچی میں مہاجر طلباء کی ایک تنظیم APMSO یعنی آل پاکستان مہاجر سٹوڈنٹ آرگنائزیشن بنی۔ بعد میں 1984 میں یہ تنظیم ایک سیاسی جماعت ایم کیو ایم (مہاجر قومی موومنٹ)بنی۔ بعد ازاں 1995 میں یہ مہاجر قومی موومنٹ سے متحدہ قومی موومنٹ بنی۔

Zullu230

کیا آپ بتا سکتے ہیں کہ 1984 سے لے کر اب تک ایم کیو ایم کے کتنے صدر گزرے؟ کیا آپ اسے جمہوریت کہتے ہیں؟ پاکستان کی تمام سیایسی پارٹیوں میں سوائے جماعت اسلامی کے بنیادی طور پر آمرانہ ذہنیت کا غلبہ ہے جو جمہوریت کا دشمن ہے۔

wajee

جتنا آپ جماعت اسلامی کو اچھا سمجھ رہے ہیں یہ سب سے زیادہ بازی لے چکی ہے سب جماعتوں پر پاکستان کی کوئی سی بھی سیاسی جماعت پاکستان سے مخلص نہیں ہے

دین محمد وطن پال

معافی چاہتا ہوں کہ درمیان میں میں غیر حاظر رہا

یہاں دوستوں نے ایم کیوں ایم اور جماعت پر بحث کی ہے دراصل جیسا کہ یہاں پر نظم اعلیٰ صاحب Zullu230 نے جوکہ بات کی ہے کہ ایم کیو ایم کے ابھی تک کتنے صدر گذرے ہیں ہر سیاسی جماعت کا تارٰک اگر دیکھا جائے تو ہمیں بہت کم ایسی پارٹیاں ملینگے جس میں جمہوریت ہو اور جمہری فیصلے کرتے ہو ان پارٹیوں میں الیکشن تو ہوتے ہیں لیکن وہی کے وہی چہرے سامنے آتے ہیں کھبی چہرے نہیں بدلتے اوراگر چہرے بدل بھی جائے تو نظام وہی کے وہی رہتہاہے.
تو کیا یہ پارٹیاں میراثی نہیں اور کیا ہے ؃
مسلم لیگ میں دھڑے بننے سے کوئی تبدیلی تو نہیں آئی وہی مسلم لیگ ہے ......! وہی پالیسی ہے .........! وہی ڈکٹیٹر شپ ہے ......................! اور دوسروں کے اشاروں پر کام کرنے والے لوگ ہیں..............!
تو یہ میراثی نہیں اورکیا ہے ......................! اسی جماعت اسلامی کی یہی تاریخ ہے
پاکستان میں اسلامائزیشن کو کس نے فروغ دیا .......! جماعت اسلامی نے
پاکستان میں اسلام کے نام جہاد کو فروغ دیا ................! جماعت اسلامی نے
آج پاکستان میں ہمارے پاکستانی بھائیوں کو جہاد کے نام پر مارا جارہاہے کس کی وجہ سے ........................! جماعت اسلامی کی وجہ سے
ان انتہا پسند تنظیموں کو کس پورٹ کیا ........................ہمارے ان ہی مذہبی جماعتوں نے اور کس نے
یہ سارا کا م کس کے اشارے پر کیا یہ ہم سب جانتے ہیں

اس کو میراثی نہیں تو اور کیا کہا جائے
وسلام

راشد احمد

ایم کیو ایم کے اس وقت سے اب تک صدر الطاف حسین ہی ہیں جبکہ عظیم احمد طارق چئیرمین رہ چکے ہیں جو 1993 میں قتل ہوگئے تھے۔ اس کے بعد اب تک الطاف حسین ہی کرتا دھرتا ہیں

Zullu230

میں نے پہلے بھی کہا تھا کہ میں جماعت اسلامی کا حامی نہیں ہوں۔ جب غیر جاندارانہ تبصرہ ہو گا تو جماعتی صدرات کے حوالے سے کم از کم جماعت اسلامی کے پاس تین چار مثالیں موجود ہیں کہ اس جماعت کے صدر بذریعہ الیکش منتخب ہوتے رہے ہیں۔ کیا پاکستان کی کسی اور سیاسی پارٹی کے پاس اس طرح کی کوئی مثال ہے؟

مرزا محمد فاروق

میرے خیال سے ملکی لیول پر سیاسی پارٹیاں‌صرف دو ہی ہونی چاہئے باقی سب فضول ہے ۔ لیکن پاکستان میں‌جتنی بھی ہوں‌کم ہیں مجھے کوئی بھی سیاسی پارٹی اچھی نہیں لگتی کیونکہ کسی بھی سیاسی پارٹی نے جو کے برسراقتدار آئی ہو کوئی اتنے اچھے معرکے نہیں مارے ۔ ان سیاسی پارٹیوں‌کی وجہ سے ہی ہمارا ملک آج اس دوراہے پر کھڑا ہے ۔
ہمارے سیاسی لیڈر باہر اگر کسی ملک میں جائیں تو 10،15 ان کے چیلے ساتھ جاتے ہیں اور ان کا رہنا ،کھانا،پینا سب گورنمنٹ کے کھاتے میں ہوتا ہے اور کروڑوں روپے خرچ کر کے وہ واپس آتے ہیں کیا ہمارے سیاست دانوں کو ان چیزوں کا خیال نہیں رکھنا چاہئے ہمارے سیاست دان میرے تو خیال سے ہے ہی ان پڑھ اور اگر ان پڑھ نہیں ہیں تو جان بوجھ کر پاکستان کو اندھیرے میں دکھیل رہے ہیں‌۔
ہمیں‌سیاسی پارٹیوں پر بحث کرنے کی بجائے کوئی اور کام کی بات کرنی چاہئے سیاسی پارٹیوں‌پر بحث کر کے کوئی فائدہ نہیں کیونکہ سیاسی پارٹیوں بدلنے والی تو ہیں‌نہیں انہوں‌نے تو اپنے اصولوں‌کے تحت چلنا ہے ۔ نہ وہ کسی کی سنتی ہیں بس اپنی ہی دباتی ہیں ۔

__________________
مرزا محمد فاروق

Zullu230

ہم یہ تو کر سکتے ہیں کہ بے اصولی، لا قانونیت، ظلم اور نا انصافی کے خلاف آواز بلند کریں۔

مرزا محمد فاروق

ہمارے آواز بلند کرنے سے کیا ہو گا ؟
پہلے ادھر جو کچھ ہو رہا ہے وہ کیا کم ہے ۔ جب بجلی کی زیادہ لوڈ شیڈنگ شروع ہوئی تھی تو لوگوں‌نے احتجاج کیا اور سڑکیں بلاک کر دی تھی ہمارے ادھر تو کچھ دن بجلی کی لوڈ شیڈنگ ختم کر دی گئی لیکن اب پھر وہ حال ہے ۔ ہمیں کچھ ایسا کرنا چاہئے جس سے عارضی طور پر پاکستان میں کوئی نظام نافذ نہ ہو بلکہ مستقل بنیادوں‌پر یہ نظام رائج ہو ۔ اُس کے لئے کیا کریں گے آپ کے ایسا ہو جائے۔