راجہ اکرام

اس فورم میں کوئی اندراج یا شمولیت نہیں‌ہے۔
سندھ کی ترقی کے لئے سوچئے

کیا خیال ہے ؟؟؟

محمد کاشف حبیب

نہ ہم سندھی ناہ بلوچی نہ افغانی نہ ایرانی ہم سب ایک ہیں مسلمان

راجہ اکرام

بھائی جان آپ نےبالکل درست فرمایا
اسی سوچ کے ساتھ مسلمانوں نےترقی کی تھی اور آئندہ بھی یہی سوچ ترقی کی منازل طے کروائے گی۔
اور اگر یہ سوچ پیدا نہ ہو سکی تو حالات موجودہ دور سے بھی بدتر ہو سکتے ہیں

بہت بہت شکریہ

shobi.jan

بھائی جان!آپ کے سوال"سندھ بنجر کیوں پڑا ہے"کے بارےمیں! میں تو یہ کہوں گا کہ ہمارا اندر بنجر ہوگیا ہے ورنہ ہم اپنے کسی مخصوص علاقے کی بجائے پورے وطن کے بارے میں سوچتے۔۔۔۔۔۔

راجہ اکرام

بھائی جان بہت بہت شکریہ
اس میں تو دو آراء نہیں‌ہو سکتیں کہ ہمارے لئے وطن عزیز پاکستان سب سے اہم ہے اور ہونا چاہیے۔ کیوں کہ وطن ہے تو سندھ، پنجاب ۔۔۔۔۔۔۔اور سب صوبے ہیں۔
لیکن یہ وضاحت کرنا ضروری سمجھوں گا کہ یہاں سند سے مراد پاکستان کا ایک صوبہ "صوبہ سندھ" ہر گز مراد نہیں ہے اور نہ ہو گا۔
میری یہاں مراد صرف پاک۔نیٹ پر سندھی فورمز سے ہے۔
کیوں کہ اس میں مجھے کچھ پڑھنے کو نہیں ملا۔
جہاں تک صوبہ سندھ کی بات ہے تو ۔۔۔۔۔

پاکستان پر کئی سندھ قربان کیے جا سکتے ہیں۔

امید ہے اتنی وضاحت کافی ہو گی۔ بھائی جان
لیکن غصہ نہیں کرنا
مجھے غصے سے بہت ڈر لگتا ہے۔ او کے؟

مسافر

واہ بھئ واہ

فرحان دانش

اپنی حرکتوں کی وجہ سے

راجہ اکرام

بہت بہت شکریہ جناب
آپ نے مسئلے کی جڑ کی نشاندہی کر دی۔
اگر آپ جیسے مخلص لوگ ملتے رہے تو پاکستان کا حال بھی سندھ جیسا ہونے میں‌زیادہ وقت نہیں لگے گا

اگر برا لگا ہو تو معذرت

wajee

.................................................. ناقابل اشاعت ۔۔۔۔۔۔۔۔۔۔۔۔۔۔۔۔۔۔۔۔۔

wajee

کبھی پاکستان کے بارے میں بھی سوچا ہے

راجہ اکرام

بہت بہت شکریہ میرے پیارے بھائی

اپنے وطن کے ساتھ آپ کی محبت واقعی قابل داد ہے

لیکن مجھے بہت افسوس ہے کہ اس انتہائی محبت کے باوجود آپ اپنے لوگوں کے خلاف اتنے سخت الفاظ استعمال کر رہے ہیں جو کہ ہم غیروں کے لئے بھی استعمال کرنا گوارا نہیں کرتے۔
اگر آپ کو اپنے وطن سے اتنی محبت ہے تو آپ کی کوشش ہونی چاہیے کہ اپنوں کی غلطیوں کی اصلاح کی کوشش کریں اور جہاں تک ہو سکے درگزر کریں۔ اور انہیں ساتھ لے کر چلنے کی کوشش کریں۔ یہاں تک کہ یا تو وہ آپ کے ہمنوا بن جائیں اور وطن عزیز کو آپ کی طرح چاہنے لگیں۔ یا اس عظیم مقصد میں آپ شہادت کے مرتبے پر فائز ہو جائیں

لیکن اگر آپ نے اپنے ایک صوبے کے لوگوں کے خلاف اس طرح کی زبان استعمال کی تو میرے خیال میں‌ آپ اپنے وطن سے محبت نہیں نفرت کرتے ہیں۔ اور تصادم کو ہوا دینے کی کوشش کر رہے ہیں۔ جس کا فائدہ یقینی طور پر ہمارے دشمن اٹھائیں گے اورہمیں‌ آپس میں لڑانے کی کوشش کریں گے۔

وطن عزیز جن حالات سے دوچار ہے ان حالات میں ہمارے ذرا سی کوتاہی بھی اسے مزید تباہی کے دھانے پر لا سکتی ہے ۔

میری آپ سے انتہائی مودبانہ گزارش ہے کہ اپنے الفاظ پر غور کریں
اور اپنی وطن سے محنت کا جائزہ لیں
کہیں آپ کی محبت کا یہ انداز وطن عزیز کے لئے نقصان دہ تو نہیں ہے ۔

پاکستان زندہ باد
پاکستان پائندہ باد

wajee

rajaikram جی آپ کہاں رہتے ہیں سندھ کے کونسے شہر میں اگر پورا سچ لکھوں تو ناقابل اشاعت ہو جائے گا سچ کو سنا بھی ہر کسی کے بس کی بات نہیں اور الحمداللہ مجھے اپنے پیارے وطن پاکستان سے بہت محبت ہے آپ جئے سندھ والوں کے بارے میں معلومات حاصل کریں پر بات کریں

عبدالقدوس

ہمارا مقصد پارٹی بازی، ڈھڑا بازی ، معاشرتی تفریق کے بغیر ایک پلیٹ فارم فراہم کرنا ہے اس لیے براہ کرم یہاں پر ایسے الفاظ کا استعمال کریں کہ آئندہ جواب تحریر کرنے والا اگر آپ کو ان الفاظ سے پُکارے تو آپ بھی برداشت کرسکیں بصورت دیگر فورم سے کنارہ کش ہو جائیں یا انتظامیہ آپ کو کنارہ کشی پر مجبور کردے گی یہ قانون کسی فرد واحد کے لیے ہرایک پر لاگو ہیں

__________________

راجہ اکرام

پیارے بھائی وقاص علی

آپ کی نگارشات نظر سے گزریں۔
جہاں تك وطن سے محبت کے حوالے سے آپ کے جذبات قابل تحسین ہیں وہیں دیگر اہل وطن کے حوالے سے آپ کا رویہ اور انداز فکر انتہائی دل دکھانے والا ہے۔

آپ نے لکھا کہ پہلے جئے سندھ کے حوالے سے معلومات حاصل کریں پھر بات ہو گی۔
پیارے بھائی انتہانی مودبانہ عرض ہے کہ اس مختصر ترین حیات مستعار میں کرنے کے اور بہت سے ایسے کام ہیں جو اس قسم کی غیر اہم معلومات حاصل کرنے سے زیادہ ضروری ہیں۔ میرے خیال میں جئے سندھ کے حوالے سے معلومات حاصل کرنے سے بہتر ہے کہ وطن عزیز کی بہتری کے لئے کوئی کام کر لیا جائے۔

جہاں تک جئے سند ھ کا معاملہ ہے تو میں نہ تو ان کی دعوت سے متفق ہوں اور نہ ہی کبھی ان کا حصہ رہا ہوں۔
لیکن اس کے باوجودمیں انہیں برے اور سخت الفاظ سے نہیں پکارتا۔ کیوں کہ کل اگر ان میں سے کوئی جئے سندھ کی دعوت کو چھوڑ کر محبان وطن میں شامل ہونا چاہے تو ہم کس منہ سے اس کا سامنا کریں گے۔

دوسری اہم بات: یہ ہے کہ سندھ کی کل آبادی کا بمشکل 10فیصد ایسا ہو گا جو جئے سندھ کی مہم میں شامل ہے باقی 90 فیصد لوگ ایسے نہیں ہیں۔ میں یہ نہیں کہتا وہ بہت زیادہ محب وطن ہیں ، لیکن جئے سندھ جیسے جذبات ان کے نہیں ہیں۔ اور بہت سے ایسے ہیں جو شاید ہم سے زیادہ محب وطن ہوں۔ تو کیا صرف 10فیصد لوگوں کی وجہ سے 90فیصد لوگوں کو ٹھکرا دیا جائے۔؟ میرے خیال میں کوئی سمجھدار اور ہوشمند آدمی اس کا جواب ہاں میں نہیں دے گا۔
حالانکہ آپ کو بخوبی اندازہ ہو گا کہ کالی بھیڑیں ہر معاشرے میں ہوتی ہیں ۔ اور یقینا ہر صوبے میں ہوں گی ۔ کیوں کہ اگر سندھ میں جئے سندھ ہے تو بلوچستان میں بھی علیحدگی پسند عناصر ہیں ۔ ان کے علاوہ سرائیکستان اور پختون خواہ والوں کے عزائم بھی شاید آپ کی نظر سے گزرے ہوں۔


اگر ہم اسی طرح اپنے لوگوں کو ٹھکراتے رہے اور ساتھ ہی وطن سے محبت کے دعوے بھی کرتے رہے تو میرے خیال میں ہم ان تمام دعووں کے باوجود اپنے رویے اور انداز فکر سے دشمنان وطن کے ایجنڈے پر عمل پیرا ہیں ۔ جن کی آنکھوں میں پاکستان کا وجود کھٹکتا ہے ۔
میرے خیال میں یہی وہ طرز فکر تھا جس نے مشرقی پاکستان کو ہم سے الگ کر دیا۔

اس وقت پاکستان میں چند سو لوگ ہیں جو دہشت گردی کی کاروئیوں میں ملوث ہیں ۔ دھماکے کرتے ہیں اور اپنے ہی اہل وطن کو خون میں نہلا رہے ہیں۔ تو کیا ان چند لوگوں کی اس تخریبانہ سوچ کی وجہ سے ہم پاکستان بھر کے لوگوں کو برا بھلا کہنا شروع کر دیں۔؟؟؟ میرے خیال میں ہر ہوشمند آدمی اس کا جواب نفی میں دے گا۔

جہاں تک میرا تعلق ہے تو میں راولپنڈی میں رہ رہا ہوں۔ اور پنجابی ہوں ۔۔۔۔۔۔۔۔۔۔ لیکن میرے نزدیک پنجابی یا سندھی ہونے سے پاکستانی ہونا زیادہ قابل فخر ہے ۔

میری اہل سندھ سے محبت سندھی ہونے کی وجہ سے نہیں بلکہ پاکستانی ہونے کی وجہ سے ہے ۔ جتنی محبت مجھے اہل سندھ سے ہے اتنی ہی تمام پاکستانیوں سے ہے اور آپ سے بھی ہے۔۔۔ اور میں چاہتا ہوں کہ آپ بھی تمام اہل وطن سے محبت کریں۔ بغیر کسی استثنا کے ۔

اگر ہم سب صوبے چند شر پسند اور ملک دشمن عناصر کی وجہ سے ایک دوسرے کے خلاف برسرپیکار ہو جائیں تو فائدہ کس کا ہو گا؟؟؟؟؟؟؟؟
یقینا دشمن کا۔۔۔۔۔ اور مجھے یقین ہے کہ آپ کا جواب بھی یہی ہو گا۔


ایک اور بات جو ہمارے پیش نظر رہنی چاہیے کہ اہل علم اور اہل قلم جو کسی بھی فورم سے اپنے خیالات کا پرچار کر سکتے ہوں انہیں بہت محتاط رہنے کی ضرورت ہے۔
ہمیں سوچنا چاہیے کہ کہیں ہم استثنائی معلومات کو بنیاد بنا کر ایک عمومی رائے تو قائم نہیں کر رہے۔
اگر ایسا ہے تو ہمیں اپنے انداز فکر کو بدلنا ہوگا۔ نئے سرے سے اپنی پسند اور نا پسند کا جائزہ لینا ہو گا۔ تا کہ ہم محبت وطن کے زعم میں کہیں دشمنان وطن کے عزائم کی تکمیل نہ کر رہے ہوں۔

وقت کی ضرورت ہے کہ ہم ان ثانوی اور فروعی اختلافات کو نظر انداز کر کے حقیقی میدان میں وطن کے لئے کچھ کرنے کا عزم کریں ۔ تا کہ وطن عزیز جن مقاصد کے پیش نظر معرض وجود میں آیا ہے وہ حاصل کئے جا سکیں۔

سب مل کر بولو۔۔۔۔۔۔۔۔۔۔ جیوے جیوے پاکستان

خدا کرے کہ مری ارض پاک پر اترے
وہ فصل گل جسے اندیشہ زوال نہ ہو

آپ کا بھائی
راجہ اکرام

wajee

بہت بہت شکریہ راجہ اکرام بھائی آپ کی نیک خواہشات پڑھ کر