پاکستانی

غیر ملکی طالب علموں کے لیے ابتدائی معلومات


امریکہ میں چار ہزار سے زائد یونی ورسٹیاں اور کالج موجود ہیں جن میں تعلیم حاصل کرنا دنیا کے بیشتر طالب علموں کا خواب ہے، لیکن اس مقصد کے حصول کے لیے درست معلومات کا ہونا بہت ضروری ہے۔

اس سلسلے میں سب سے پہلا قدم امریکہ کے تعلیمی معلومات کے دفاتر جاکر کسی تعلیمی نمائندے سے ملاقات کرناہے۔ دنیا بھر میں چارسوسے زیادہ ایسے دفاتر ہیں۔ پاکستان میں اسلام آباد، لاہور اور کراچی میں امریکن سنٹر ہیں جہاں امریکہ میں تعلیم کے بارے میں مکمل معلومات حاصل کی جاسکتی ہیں۔

دوسرا مرحلہ امریکہ میں اعلیٰ تعلیم کے اداروں کے بارے میں معلومات حاصل کرنا ہیں۔ بعض امریکی کالجوں اور یونی ورسٹیوں میں ایک سال کے سرٹیفیکیٹ کورس پیش کیے جاتے ہیں۔ ایسے کورس عام طور پر کمپیوٹر پروگرامنگ، تعلقاتِ عامہ اور ایڈمنسٹریشن وغیرہ سے متعلق ہوتے ہیں۔

جونیئر اور کمیونٹی کالج دوسال کی ایسو سی ایٹ ڈگری کے کورس پیش کرتے ہیں۔ ان کورسوں میں طالب علموں کو مخصوص شعبوں کے لیے تربیت دی جاتی ہے۔ اور اگر طالب علم تعلیم جاری رکھنا چاہیں تو کئی یونی ورسٹیاں ان کورسوں کو بیچلر ڈگری کے ابتدائی دوسالوں کے کورس کے طور پر قبول کرلیتی ہیں۔

بیچلر ڈگری حاصل کرنے کے لیے طالب علموں کو پہلے دوسالوں میں عمومی مضامین لینے ہوتے ہیں۔ ان مضامین میں تاریخ، ادب، میتھ اور سائنس وغیرہ شامل ہیں۔ دو سالوں کے بعد انہیں مخصوص شعبوں میں پڑھنا پڑتا ہے ، جسے میجر کہا جاتا ہے۔

گریجویٹ درجے کی تعلیم کے لیے تین سال مزید پڑھائی ضروری ہوتی ہے جب کہ پی ایچ ڈی میں عام طور پر چار سےچھ برس تک لگ سکتے ہیں۔

لیکن ایک بات یاد رکھیں کہ آپ جس شعبےمیں اور جس کورس کے لیے امریکہ جانا چاہتے ہیں، تعلیمی ماہرین آپ کو مشورہ دیں گے کہ آپ کو امریکہ میں داخلے کی تاریخ سے کم ازکم دو سال پہلے تیاری شروع کردینا پڑے گی۔

مزید معلومات کے لیے آپ اس ای میل پر اپنے سوالات بھیج سکتے ہیں:

educationusa.state.gov




پاکستانی

__________________

محمدعدنان

زبرست انفارمیشن بہت اچھے جناب

زبیر

بہت خوب پاکستانی بھائی‌اس انفارمیشن سے بہت سے بھائیوں کو فائدہ ہے گا جو اعلی تعلیم کے لیے امریکہ جانا چا ہتے ہیں


کتنا اچھا ہوتا اگر امریکہ سے لوگ پاکستان تعلیم حاصل کرنے آتے۔۔۔۔

__________________
[SIGPIC][/SIGPIC]

پاکستانی

Zullu230

کتنا اچھا ہوتا اگر امریکہ سے لوگ تعلیم حاصل کر پاکستان


زبیر بھائی وطن کی محبت سے سرشار آپ کے یہ الفاظ جس دن ہر پاکستانی کے دل کی آواز بن گئے تو امریکہ کیا! ساری دنیا سے لوگ تعلیم حاصل کرنے پاکستان آئیں گے۔

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

عبدالقدوس

بہت عمدہ معلومات دی جناب نے

ماشااللہ
مزید کا انتظار رہے گا

خفئھ

یہ میری پھلی پوسٹ ھے اور اسے لکھنے میں مجھے پورے پانچ منٹ لگے ھہں مگر جتنی خوشی مجھے اپنی زبان کے لکھنے میں مل رھی ھے اتنی اور کسی زبان میں نھیں مل سکتٰی

منتظمین

والسلام!

سب سے پہلے ہم اپکو فورمز پر خوش آمدید کہتے ہیں اور اپکے جذبے کی تعریف کرتے ہیں کہ اتنی محنت سے اپ نے یہ پوسٹ لکھی ہے۔ تعارف کے لیے اپ تعارف کا سیکشن استعمال کر سکتے ہیں۔ ہمیں امید ہے کہ اپکا اور ہمارا ساتھ اچھا گزرے گا۔


والسلام

__________________
تم سپاہی نہیں ہو پیشہ ور قاتلو!

کنعان

2001 کے بعد شائد ہی کسی خوش قسمت کو امریکہ کے لئے سٹوڈنٹ ویزہ ملا ہو
وہ تو پاکستان سے جانے والی قیادت کے بھی کپڑے اترا لیتے ہیں سوائے صدر اور وزیر اعظم کے۔