سرکٹ

سعودی عرب میں کام کرنے والے غیر ملکی نہ صرف اپنے آجر کے ظلم کا شکار ہوتے ہیں بلکہ ملک کا قانون ان ناانصافیوں کو دوام بخشتا ہے ۔
ہیومن رائٹ واچ کی ایک رپورٹ کے مطابق سعودی عرب کا قانونی نظام ایسے ظالم آجروں کو تحفظ فراہم کرتا ہے جو اپنے ملازمین کو غلاموں جیسی زندگی گزارنےپر مجبور کرتا ہے۔

اس رپورٹ میں تین سو ایسی عورتوں پر جن کا تعلق، ہندوستان، سری لنکا، اور فلپائن سے ہے، ہونے والے مظالم کی تفصیلات بیان کی گئی ہے۔ یہ تمام عورتیں جدہ میں ہسپتال میں کام کرتی ہیں۔

ہیومن رائٹ واچ کی رپورٹ کے مطابق سعودی عرب میں کام کرنے والے مزدوروں کو نہ صرف تشدد کا سامنا کرنا پڑتا ہے بلکہ ان سے جبری اقرار نامے بھی لیے جاتے ہیں اور جب ان پر کوئی مقدمہ درج ہو جاتا ہے تو پھر ان کو انصاف نہیں ملتا۔

ہیومن رائٹ واچ کی رپورٹ میں سعودی عرب میں کام کرنے والے غیر ملکییوں کے ساتھ ہونے والے مظالم کی اتنی تفصیلات بیان کی گئی ہیں جس سے یہ تاثر ملتا ہے کہ سعودی عرب میں آج بھی غلامانہ نظام رائج ہے ۔

سعودی میں غیر ملکیوں کو جن مسائل سے گزرنا پڑتا ہے ان میں ہفتہ میں چھ دن بارہ گھنٹے کا کام اور پھر رات کو ایک اجتماعی خواب گاہ جیسی رہائش میں ڈال دیا جاتا ہے۔چودہ چودہ عورتیں ایک کمرے میں رہنے پر مجبور ہوتی ہیں۔

رپورٹ کے مطابق اس کو ایسے لوگ ملے ہیں جو غلاموں جیسی زندگی گزارنے پر مجبور ہیں۔

سعودی عرب کی لیبر منسٹری کے مطابق اس وقت سعودی عرب میں آٹھ سے نو ملین غیر ملکی کام کرتے ہیں جن میں اکثریت کا تعلق برصغیر سے ہے۔

جب ہیومن رائٹ واچ سعودی عرب میں رائج نظام کو تنقید کا نشانہ بنا رہا ہے اسی وقت انٹرنیشنل کرائسس گروپ نے سعودی عرب کے حکمراں شہزادوں پر زور دیا ہے کہ وہ ملک میں سیاسی اصلاحات نافذ کریں۔

محمد الیاس

شائد آپ لوگوں کو معلوم ہو اور اگر نہیں تو دکّن صوبے کے لوگوں کو معلوم ہے کہ نظام دکّن کی فوج کا مرکزی حصّہ عرب فوجیوں پر مبنی تھا کیونکہ عرب اسوقت معاشی اعتبار سے کمزور تھے۔ مزید ہندوستان میں بڑے بڑے عہدے بھی عرب سے یہاں آکر آباد ہوئے ان لوگوں کے پاس تھے جو کہ کچھ قابلیّت رکھتے تھے۔ اب عرب نو دولتیا ہے اور اس دولت کو برداشت کرنے کے لئے ایک مسلمان کا دل چاہئے۔ اب کے عرب حکمران اپنے ملک اور دین سے زیادہ دولت کی حفاظت میں لگے ہوئے ہیں اور اسے سے بڑھ کر وہ اپنی حفاظت بالواسطہ طور پر غیر مسلموں کے ذمّے کر کے عوامی حلقوں پر نظر رکھے ہوئے ہیں کہ کہیں اپنے حق کے لئے اُٹھ نہ کھڑے ہوں۔ سعودی عرب میں بدترین انسانی حق تلفی ہو رہی ہے جو دنیا میں‌کہیں اور نہیں ہے۔ وہ یہ کہ صرف سعود کا خاندان جو کہ کئی دہائیوں سے وہاں حکومت کر رہی ہے وہ نہ صرف سلطنت کی گدّی سنبھالے ہوئے ہے بلکہ تمام اہم سرکاری عہدے اس ایک خاندان کے قبضے میں‌ہیں۔ وہ اصل لوگ جو ملک کا نظم و نسق چلا رہے ہیں وہ ان نام نہاد شاہزادوں کی نیابت کرتے ہیں جو کچھ نہ سمجھےے ہوئے بھی ان پر کمان کرتے ہیں۔ اسطرح کی بدترین حکومتی تنظیم اسلامی تاریخ تو کیا چنگیز خان نے بھی قائم نہیں کی تھی۔
سعودی خود کو اہل حدیث کہتے ہیں کہ وہ کسی بھی امام کی پیروی نہیں کرتے مگر دراصل وہ امام شافعی اور امام احمد بن حنبل کی ترتیب دادہ فقے کے قائل ہیں۔ ان لوگوں نے دین میں‌کچھ جدت ڈالتے ہوئے یہ مفروضہ نکالا ہے کہ ادب کی کوئی اہمیّت نہیں‌ہے اور اصل کام صرف تعمیل ہے۔ اسطرح یہ لوگ قرآن مجید کا عام کتاب جتنا احترام بھی نہیں کرتے اور ایک دوسرے کو تھماتے اور زمین پربھی رکھتے ہیں۔ مکہ اور مدینہ یعنی حجاز کے علاوہ اسلامی اقدار کا پاس زیادہ نہیں رکھا جاتا۔ معلوم ہوا ہے کہ سعودی حکومت کا رعب اور لوگوں‌پر اسکی گرفت سخت ہونے کی وجہ سے اکثر لوگ وہاں کی اسلامی حکومت کو اسلام کے منافی جان کر حکومتی تجارتی اداروں میں سرمایہ نہیں لگاتے اور پیسہ ساتھ رکھنے کو ترجیح دیتے ہیں۔ سعودی حکومت نے ایک اچھا کام کیا ہے کہ معلومات کے مطابق پہلے وقتوں میں پیغمبر ص کے مزار مبارک کے پاس دُپڑے ماروں اور خودساختہ ملنگوں کا پورا ایک ٹولہ رہتا تھا اور لوگ زیارت مبارک پر پیروں‌ کے مزاروں پر ہونے والا تماشہ لگاتے تھے جسے پیغمبر ص نے اپنی زندگی میں‌ہی ممنوع قرار دیا تھا۔ سعودیوں نے ان لوگوں‌کووہاں سے بالکل نکال کر اس مزار پرستی کا خاتمہ کر دیا۔
عربوں کو اپنا ماضی یاد نہیں ہے کہ کبھی وہ مسلمان سلاطین کی فوج میں ترکی اور ہندوستان میں سپاہی ہوتے تھے اور وہ لوگ ان کو عزّت سے رکھ کر انکو جاگیریں بھی عطا کرتے تھے۔ اب اگر کوئی مسلمان ملک سے وہاں جائے تو چاہے جتنا خلوص کا مظاہرہ کرے اسکو عربی قوم میں شمار کرنا تو دور کی بات ہے دوسرے درجے کا غلام سمجھا جاتا ہے ۔ اس کے برعکس اگر عرب ملکوں میں کوئی انگریز کسی ملازمت پر مقررہو تو یہی عرب اسکے آگے بچھے جاتے ہیں جسکا مذاق وہ انگریز خود اڑاتے ہیں۔

محمد الیاس

میں زیادہ بول گیا ہوں----------------------------------------------

حیدر

شکریہ کنعان بھائی مخلوط تعلیم والی یونیورسٹی والی خبر پیش کرنے پر۔، میں نے بھی لکھنی تھی۔ تاہم اب آپ نے لگا دی۔

کنعان

السلام علیکم و رحمۃ اللہ و برکاتہ

بھائی بدرالزماں کوئی بات نہیں آپ اس کا دھاگہ بنا کے لگا سکتے ہیں مجھے کوئی اعتراض نہیں کیونکہ میں نے دھاگہ نہیں بنایا بلکہ جواب مکمل کرنے لے لئے اسے پیش کیا ھے اسی لئے انپیج بھی تھوڑا سا دیا ھے۔
آپ اس پر دھاگہ بنا سکتے ہیں۔

والسلام

__________________

اخترحسین

سعودی عرب بھی کم نہیں

یاسر عمران مرزا

افسوس کہ زیادہ تر باتیں سچ ہیں، میں بھی پانچ سال سے سعودی عرب میں ہوں، شروع میں مجھے بھی یہاں کے نظام سے شدید نفرت تھی، لیکن اب میں نے اپنے آپ کو یہ تسلی دے لی ہے کہ سعودی عرب کے حالات پاکستان سے تو بہتر ہی ہیں، جان اور مال کی سیکیورٹی ہے کسی حد تک، کھانے پینے کی اشیا، ادویہ میں ملاوٹ نہیں ہے، جتنی تنخواہ ایک مزدور کو ملتی ہے اتنی میں وہ اچھی طرح کا کھانا پینا، موبائل فون کا استعمال، درمیانہ درجہ کی رہائش وغیرہ لے سکتا ہے، لیکن بھائیوں پاکستانی حکومت تو غریب کے منہ سے نوالہ تک چھین رہی ہے۔
سعودی عرب کا موازنہ اگر یورپی ممالک کے قوانین سے کرو تو سعودی عرب واقعی برا ملک ہے، لیکن اگر پاکستان سے کرو تو کچھ اچھا ہی ہے۔ پاکستان میں تو کب کسی کو کوئی خفیہ ایجنسی وال اٹھا لے جائے، کوئی چودھری جاگیردار وڈیرہ مروا دے، پولیس تشدد کر کے ہاتھ پیر توڑ دے، ، پولیس والے ہی چھوٹی چھوٹی بچیوں تک کو اپنی وحشت کا نشانہ بنا دیں، ڈاکٹر اپنی فیس بنانے کے لیے آپ کے مرض کو ٹھیک کرنے کی بجائے بڑھاتا چلا جائے، کوئی پوچھنے والا نہیں۔
یقین کیجیے میں سعودی عرب کی حمایت نہیں کر رہا، سعودی عرب میں واقع خدامائوں کے ساتھ، گھر میں کام کرنے والے ڈرائیوروں کے ساتھ بہت برا سلوک ہوتا ہے، اور حکومتی پالیسیاں بھی کچھ ایسی ہیں جو سعودی باشندوں کے حق میں زیادہ ہیں، حکومتی سطح پر سعودی عرب کے پاکستان پر احسانات بھی بہت ہیں، تاہم کام کرنے کے لیے آئے ہوے بیشتر افراد کافی تکلیف میں ہیں۔

میں جلد ہی اپنے بلاگ پر اس موضوع پر لکھوں گا۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

محمد الیاس

آپ اس موضوع پر نہ لکھیں کوئی اور موضوع پکڑیں۔ ہم نے کہیں نہیں‌لکھا ہے کہ پاکستان انصاف کے تقاضوں پر پورا ہے جسکی آپ نے کھل کر مخالفت کی ہے۔ حکومتی سطح پر سعودی عرب کے اگر پاکستان پر احسانات ہیں تو یقینا" یار یار کے مذہب پر ہوتا ہے۔ آج ہی اگر سعودی عرب امریکہ کو گھاس ڈالنا بند کرے تو دیکھئے کہ کسطرح سعودی حکومت کے خلاف انسانی حقوق کی نام نہاد تنظیمیں میدان میں اُتر آئیں گی۔
دوسری بات یہ ہے کہ کسی کا شیخ اس پر مہربان ہے تو وہ روٹی میسّر ہونے اور چین کی نیند پر قناعت کر سکتا ہے جو اسکے سوچ کی رسائی ہے ۔

یاسر عمران مرزا

پتہ نہیں لوگوں کا مزاج اتنا گرم کیوں ہے، مجھے بتائیے اس میں غصہ کرنے والی کوئی بات ہے ؟ جو آپ ایسا کہہ رہے ہیں۔
کیا یہی فیملی والا ماحول ہے پاک نیٹ کا؟

کنعان

السلام علیکم و رحمۃ اللہ و برکاتہ

ڈئر برادر یاسر عمران مرزا آپ ناراض نہ ہوں فیملی ماحول ہی ھے میں آپ کو کسی کی صفائی نہیں پیش کروں گا مگر کوشش کروں گا کہ آپ کو میری بات سمجھ آ جائے۔
فارمز میں ہر عمر کا ممبر ہوتا ھے۔ ہر ایک کی عمر ، تعلیم ، تجربہ الگ الگ ہوتا ھے
جب کوئی بات سامنے کی جاتی ھے تو اس میں بندے کو ایک دوسرے کے بات کرنے کے دوران باڈی لنگویج سے پتہ چلتا ھے کہ بات کرنے والے کا ماحول کیسا ھے۔
اور جب فارم میں یا خط میں کوئی بات کی جاتی ھے تو کبھی کبھی لکھنے والے اپنی طرف سے کوشش کرتا ھے اچھا لکھنے کی اور اچھا لکھتا بھی ھے مگر پڑھنے کے وقت دوسرے کے تحریر غصہ والی معلوم ہوتی ھے۔
اگر آپ کو کوئی بات اچھی نہیں لگی تو آپ اسے اگنور کر دیں اور اپنا تعاون فارم کے ساتھ جاری رکھیں۔ ہنسی خوشی اپنی پوسٹ جاری رکھیں۔ آپ کو فیملی ماحول ہی ملے گا۔

والسلام

یاسر عمران مرزا

جی کنعان صاحب، آپ کی وضاحت سے میں کافی مطمئن ہوا ہوں، بہت شکریہ آپکا۔
میں ان شاء اللہ اپنی طرف سے پورا تعاون جاری رکھوں گا۔

sahj

ہمارے یہاں ایک گروں کا نعرہ ھے

آل سعود نسل یہود

ایس اے نقوی

تمام معزز ممبران سے درخواست ہے کہ گفتگو کرتے ہوئے ایک دوسرے کا احترام کریں بعض اوقات ہمارے ایک دوسرے سے نظریات نہیں ملتے مگر ایک دوسرے سے پیار محبت کرنے کی ہمیں کوشش کرنی چاہیئے
تمام ممبران سے درخواست کی جاتی ہے کہ اصل موضوع کی جانب رہیں
آپ کے تعاون کی طلبگار
پاک نیٹ انتظامیہ