shafresha

وہ آٹھ فروری اُنیس سو چھ کو امریکا کے شہر واشنگٹن میں پیدا ہوا۔ اپنے والدین کی غربت اور بیماری کی وجہ سے اُسے بچپن ہی سے کام کرنا پڑا، جب وہ 17 سال کا تھا تو اُس کی والدہ کا انتقال ہوگیا، 27 سال کی عمر میں والد کی موت کا صدمہ سہنا پڑا۔

اُس نے بچپن میں اسکول لائبریری میں "تھامس ایڈیسن" کی زندگی کے بارے میں کتاب پڑھی تو وہ اُس کا دیوانہ ہوگیا، اب ایڈیسن اُس کا ہیرو تھا وہ ایڈیسن کی طرح بڑا آدمی بننا چاہتا تھا، وہ لوگوں کی خدمت کرنا چاہتا تھا۔

وہ اسکول کے بعد مختلف جگہوں پر کام کرتا اور پھر رات میں اپنے خود ساختہ خیالات کو عملی جامہ پہنانے کے لیئے مختلف تجربات کرتا، اُس کی دلچسپی پرنٹنگ اور چھپائی سے متعلق اشیاءکے بارے میں تھیں۔

اُس نے B.S فزکس سے کیا اور ایک جگہ نوکری کرنے لگا جلد ہی یہ نوکری چھوٹ گئی، یہ اُنیس سو تینتیس کا زمانہ تھا، امریکہ کو اپنے دور کے سب سے بڑے معاشی بحران کا سامنا تھا، اُس نے ایک "پیٹنٹ اٹارنی" کے یہاں کلرک کی نوکری قبول کرلی۔ جلد ہی اُسے ایک الیکٹرک فرم "P. R. Mallory Company" میں نوکری مل گئی۔ یہاں وہ دن کا کام کرتا اور رات میں قانون کی پڑھائی کرتا اور یوں دوران کام ہی اُس نے اُنیس سو اُنتایس میں "LL.B." کی ڈگری بھی حاصل کرلی۔

اُس زمانے میں کسی بھی دستاویز کی نقل بنانے کا مقبول ذریعہ "Mimeograph Machine" تھا۔ اس طریقہ کار میں ایک مکینیکل مشن کے ذریعے ایک خاص قسم کے کاغذ جسے "stencil" کہا جاتا ہے، میں سے سوراخ کیئے جاتے تھے اور پھر ان سوراخوں سے گذرنے والی سیاھی سے"نقل" تیار ہوتی تھی۔ آپ میں سے اکثر نے اپنے دور میں بورڈ کے امتحانات میں اس قسم کے پرنٹڈ پیپرز دیکھے ہوگے۔

"Mimeograph Machine" کے ذریعے پرنٹنگ ایک مشکل اور وقت طلب کام تھا۔وہ اس سے بہتر مشین اور طریقہ ایجاد کرنا چاہتا تھا۔
وہ اکثر اپنے فلیٹ کے کچن میں مختلف تجربات کرتا رہتا۔ "P. R. Mallory Company" میں کام کے دوران وہ الیکٹرسٹی کے بعض بُنیادی اصولوں سے واقف ہوچکا تھا۔ اُس کا خواب ایک "الیکٹرک کاپی مشین" بنانا تھا۔

پندرہ سال کی محنت مشاقہ کے بعد وہ ایک ایسی مشین ایجاد کرنے میں کامیاب ہوگیا جو کسی بھی کاغذ کی 99% اصلی نقل چند ہی لمحوں میں بنا سکتی تھی۔ اُس نے پیٹنٹ ڈیپارٹمنٹ میں اپنی ایجاد کو "پیٹنٹ" کرنے کی درخواست دی ۔ اکتوبر اُنیس سو سنتیس میں اُس کی درخواست چند ٹیکنیکل اعتراضات کے بعد رد کردی گئی۔

اُس نے ہمت نہیں ہاری اور اپنی مشین کو مزید بہتر بنانے میں جُت گیا۔ اُس نے مختلف اداروں سے مالی امداد کی درخواست کی جسے بڑے بے رحمی سے رد کردیا گیا۔

چھ اکتوبر اُنیس سو بیالیس میں اُسے اپنی ایجاد کا "پیٹنٹ" مل گیا۔ یہ ایک بڑی کامیابی تھی مگر ابھی اُسے مزید ناکامیوں کا منہ دیکھنا تھا۔
اُس نے امریکہ کی مشہور کمپنیوں کے سامنے اپنی ایجاد فروخت کے لیئے پیش کی مگر کوئی بھی اُسے خریدنے کے لیئے تیار نہ ہوا۔
آنے والے 7 سال اُسے ناکامی کا منہ دیکھنے پڑا۔ وہ ریڑھ کی ہڈی میں درد کے خاندانی مرض کا شکار ہوگیا تھا۔ یہ بہت کڑا امتحان تھا۔

بلاآخرایک دن وہ روچسٹر (نیویارک) کی ایک چھوٹی سے کمپنی "Haloid" کو قائل کرنے میں کامیاب ہوگیا۔ "Haloid" نے اُس سے اُس ایجاد کے حقوق خرید لیئے۔ یہ سودا "Haloid" کے لیے سونے کی کان ثابت ہوا۔ "Haloid" بعد میں "Xerox Corporation" بن گئی ۔
لفظ "زیروکس" نقل کا متابادل بن گیا۔ یہاں تک کہ یہ لفظ قانونی حکم ناموں میں استعما ل ہونے لگا۔

اُس کی اس اہم ایجاد کے صلے میںاُسے اُنیس سو اکیاسی میں "National Inventors Hall of Fame" میں مدعو کیا گیا۔

اُنیس سمبر اُنیس سو ارسٹھ کو اپنے انتقال سے قبل اُس نے "ڈیڑھ کروڈ ڈالر" کا عطیہ مختلف فلاحی کاموں کے لیئے دیا۔

ناکامیوں سے کبھی خوفزدہ نا ہونے والا یہ عظیم انسان "چیسٹر فلوئڈ کارلسن" (Chester Floyd Carlson) تھا۔

اُس کی یہ ایجاد آج بھی ہمارے آس پاس اُسکی یاد دلاتی ہے۔



اس سلسلے کے دوسرے حصے پڑھنے کے لیئے یہاں‌کلک کریں:

1۔ وہ جو تنقید کے باوجود کامیاب ہوئے! (حصہ اول)

2۔ وہ جو تنقید کے باوجود کامیاب ہوئے! (حصہ دوئم)

3۔ وہ جو تنقید کے باوجود کامیاب ہوئے! (حصہ سوئم)

منتظمین

سرورق کے لیے پیش کریں۔

رضی

شاہد بھائی بہت خوب ۔

shafresha

اپنے نئے ساتھیوں‌کی خدمت میں پیش ہے!