وجدان

بین الاقوامی ماہرینِ فلکیات کی ایک ٹیم نے ہمارے نظام شمسی جیسا ایک اور نظام دریافت کیا ہے۔یہ نظامِ شمسی زمین سے پانچ ہزار نوری سال کے فاصلے پر واقع ہے اور اس میں دو سیارے ہمارے سورج سے نصف حجم کے ستارے کے گرد گردش کر رہے ہیں۔ یہ دونوں سیارے سورج سے اتنے فاصلے پر موجود ہیں جتنا کہ ہمارے نظامِ شمسی میں سورج سے مشتری اور زحل کا فاصلہ ہے۔

ماہرینِ فلکیات کی تحقیقاتی رپورٹ کے مرکزی مصنف اوہایو سٹیٹ یونیورسٹی سے تعلق رکھنے والے سکاٹ گاڈی نے خبر رساں ادارے ایسوسی ایٹڈ پریس کو بتایا کہ' آپ اسے خوش قسمتی کہہ سکتے ہیں لیکن میرے نزدیک اس کا مطلب یہ ہے کہ اس قسم کے نظام ہماری کہکشاں میں عام ہیں'۔ یہ بہت ہی کم ہوا ہے کہ ایک ساتھ دو سیاروں کی دریافت سامنے آئی ہو اور سائنسدانوں کا کہنا ہے کہ اس نظام کی تلاش کے حوالے سے جو طریقہ کار استعمال کیا گیا وہ محققین کے لیے مزید ستاروں اور سیاروں کی تلاش کے حوالے سے معاون ثابت ہو سکتا ہے۔ یہ طریقہ کار'گریوی ٹیشنل مائیکرو لینسنگ' کہلاتا ہے اور اس کے تحت ستارے اور اس کے سیاروں کا معائنہ اس وقت کیا جاتا ہے جب وہ روشنی کے سامنے آئیں چاہے وہ روشنی کسی دوردراز ستارے سے ہی آ رہی ہو۔

nsa47

ایسے جہاں اور بھی ہیں !