champion_pakistani

بھارتی فلموں کا سٹار بننے کے خواب نے پاکستان کے شدت پسندی سے متاثرہ صوبہ سرحد کے ایک پندرہ سالہ طالب علم کو ممبئی کی رنگین فلمی دنیا کی بجائے بھارتی پنجاب کی ’کال کوٹھری‘ تک پہنچا دیا ہے۔
شورش زدہ قبائلی علاقے باجوڑ اور سوات کی سرحد پر واقع صوبہ سرحد کے ضلع دیر بالا کے دسویں جماعت کے طالب علم ناصر سلطان ان کے والد کے بقول فلم سٹار بننے کے شوق میں گھر سے نکل گئے۔

جب وہ اس سال سولہ اگست کو گھر سے غائب ہوئے تو ان کے والد سلطان زرین نے دیگر والدین کی طرح یہ سوچ کر تلاش کی کوشش کی کہ کہیں ان کا بیٹا کسی شدت پسند تنظیم کے ہتھے چڑھ کر ’خودکش بمبار’ کے کسی تربیتی مرکز میں موجود نہ ہو۔

پھر انہوں نے لاہور سے لیکر کراچی، مری اور چترال میں رہائش پذیر اپنے عزیز و اقارب کے ہاں اپنے بیٹے کو ڈھونڈنے کی کوشش کی مگر ان کی تمام کاوشیں رائیگاں گئیں۔

چترال میں ایک پٹرول پمپ پر کام کرنے والے اس لڑکے کے اڑتیس سالہ والد سلطان زرین کا کہنا ہے کہ بچے کی گمشدگی سے گھر ماتم کدہ بن گیا۔’ اس کی ماں نیم پاگل ہوگئی ہے، ہم نے بچے کی تمام تصاویر ان سے چھپا کے رکھ دی ہیں، انہیں کسی کام کا بولیں تو کوئی اور کام کردیتی ہیں‘۔

ناصر سلطان کے خاندان والوں کی امید اس وقت دوبارہ بندھی جب تقریباً دو مہینے بعد ناصر کا فون آیا اور انہوں نے اپنی والدہ سے کہا’میں زندہ ہوں اور لاہور سے تقریباً ستر کلومیٹر دور بھارتی پنجاب کے ضلع فرید کوٹ کی جیل میں قید ہوں، خدارا میری رہائی کے لیے کچھ کر لیجیئے‘۔

ناصر کے والد نے بتایا کہ ان کے بیٹے کے پاس سفری دستاویزات نہیں تھے اور سرحد پار کرنے پر اسے پکڑ لیا گیا۔

لڑکے والد کا کہنا ہے کہ’میرا بیٹا فلمی اداکار بننا چاہتا تھا۔وہ انڈیا کے اداکار شارخ خان ( شوا روخ خان) سے متاثر تھا۔اس نے ہیئر سٹائل بھی ویسے بنالیا تھا اور اکثر اوقات ڈائیلاگ بولتا تھا‘۔

اس کے والد کے مطابق وہ کہا کرتا تھا کہ’میں ایک دن بھارتی فلموں میں کام کرنے جاؤں گا۔ہمیں کیا پتہ تھا کہ وہ ایک دن سچ مچ بھارت جانے کی کوشش کرے گا‘۔

اس کے والدین کو خوف ہے کہ پاکستان اور بھارت کے اختلافات کہیں ان سے ان کا بیٹا چھین نہ لیں۔’ بھارتی جیلوں میں قید پاکستانیوں کے ساتھ روا رکھے جانے والے سلوک کی خبروں نے ہمیں خوفزدہ کردیا ہے‘۔

سلطان زرین کی مدد کے لیے ضلع دیر میں بچوں کے تحفط کے لیے کام کرنے والی ایک غیر حکومتی تنظیم کے کوارڈینیٹر زاہد جان پہنچے ہیں ۔اس تنظیم کے صوبائی پروٹیکشن منیجر اعجاز محمد خان نے بی بی سی کو بتا یا کہ انہوں نے ناصر سلطان کی رہائی کے حوالے سے پاکستان میں بھارتی ہائی کمیشن، پاکستان کے وزیرخارجہ، بھارت میں پاکستان کے ہائی کمیشن اور بھاتی پنجاب کے ہیومن رائٹس کمیشن کو خطوط لکھے ہیں۔

انہوں نے بتایا کہ انہوں نے فون پر بھارتی پنجاب کے ضلع فرید کوٹ کے ایس ایس پی پریم کمار کے ساتھ بات کی ہے جنہوں نے بتایا ہے کہ لڑکے کو جیل میں نہیں بلکہ ایک حراستی مرکز میں رکھا گیا ہے۔

شکریہ بی بی سی اردوڈاٹ کام، پشاور

nsa47

شاہ رخ مسلمان ہے کیا مجھے نہیں پتا تھا

عروج

جبھی نبیوں، صحابیوں کے نام رکھنے کی تلقین ھوتی ھے بچوں کے ناموں کے لیے۔