ابو عمار

ابتدا سے اب تک انسان بے شمار حادثات کا شکار ہوتا رہا ہے۔
ویسے تو تاریخ میں بڑی بڑی جنگیں ہوئی ہیں جن کے نقصانات کا تخمینہ لگانا ہی محال ہے۔
اگر ہم لفظ 'حادثہ' کے معنی دیکھیں تو ہمیں پتہ چلے گا کوئی ایسا واقعہ جو انسان کی منشا کے بغیر غیر ارادی طور پر بدقسمتی سے رونما ہوجائے اور جس کے نتیجے میں انسان کو جانی یا مالی نقصان اٹھانا پڑے۔

حال ہی میں تاریخ کے 10 مہنگے ترین حادثات کی فہرست تیار کی گئی ہے۔

میری کوشش ہوگی کہ یہاں ان حادثات کی لسٹ کے ساتھ تھوڑی بہت ان کی تفصیل بھی بیان کروں۔

فیصل ناصر

کب ؟
----------------------------------

ابو عمار

10 - Titanic
150 ملین ڈالر

ٹاٹینک کا ڈوبنا دنیا کا شاید سب سے مشہور ترین حادثہ ہے۔ مگر یہ حادثہ بڑی مشکل سے اس لسٹ میں سب سے آخری نمبر پر آتا ہے۔
15 اپریل 1912 کو یہ جہاز اپنے پہلے ہی سفر میں ایک آئس برگ سے ٹکرانے کی وجہ سے ڈوب گیا تھا۔ یہ اپنے زمانے کا آرام دہ ترین جہاز مانا جاتا تھا بلکہ یہ تک کہا جاتا تھا کہ یہ کبھی ڈوب ہی نہیں سکتا۔ اس حادثہ میں 1500 سے زیادہ لوگوں کی جانیں ضائع ہوئیں۔

اس زمانے میں اس جہاز کی تیاری میں 7 ملین ڈالر کا خرچہ آیا جو کہ آج 150 ملین ڈالر کے برابر ہے۔

Attached Images

 

ابو عمار

9. - Tanker Truck vs Bridge
358 ملین ڈالر

جرمنی میں 26 اگست 2004 کے دن Wiehltal Bridge پر ایک کار بے قابو ہو کر تیل سے بھرے ہوئے ایک ٹینکر سے ٹکرا گئی جس میں 32000 لیٹر تیل بھرا ہوا تھا۔ یہ ٹینکر پل کی حفاظتی باڑ سے ٹکرا کر 90 فٹ نیچے جاگرا جس سے بہت بڑا دھماکہ ہوا اور آگ لگ گئی۔ اس آگ نے اس پل کی وزن اٹھانے کی صلاحیت ختم کر دی۔

عارضی طور پر اس پل کو چالو کرنے میں 40 ملین ڈالر کا خرچہ ہوا مگر اس پل کو تبدیل کرنے میں تقریباً 318 ملین ڈالر خرچ ہوگئے۔

Attached Images

 

چیتا چالباز

بہت اچھی معلومات ہے مذید کا انتظار ہے

arslansun

بہت اچھی معلومات ہیں بھائی ۔۔۔

arshad khan

بہت اچھی معلومات ہیں سرمد بھائی

ابو عمار

8 - MetroLink Crash
$500 Million

12 ستمبر 2008 کو کیلیفورنیا کی تاریخ کا سب سے بڑا ٹرین کا حادثہ تب ہوا جب لاس اینجلس کے مقام پر مسافر بردار ٹرین Metrolink سامنے سے آنے والی مال بردار ٹرین Union Pacific سے ٹکرا گئی۔ اس حادثہ میں 25 افرا ہلاک ہوئے۔ یہ کہا جاتا ہے کہ یہ حادثہ اس وجہ سے رونما ہوا کہ Metrolink ٹرین کا کنڈکٹر اپنے موبائیل سے sms کرنے میں مگن رہا اور لال سگنل عبور کرگیا۔
مرنے والوں کے اہل خانہ نے Metrolink پر ہرجانے کے مقدمات دائر کیے جس کے لیے اس کمپنی کو 500 ملین ڈالر تک کا نقصان اٹھانا پڑا۔

Attached Images

 

احمد بلال

زبردست ۔۔۔۔۔۔۔ اگر حوالہ بھی دے دیں کہاں سے آپ نے یہ معلومات اکٹھی کی ہیں تو مزہ آ جائے

ابو عمار

7 - B-2 Bomber Crash
1.4 بلین ڈالر

یہ اس لسٹ کا پہلا بلین ڈالر والا حادثہ ہے اور ابھی ہم صرف نمبر 7 پر ہیں۔
یہ B-2 بمبار جہاز 23 فروری 2008 کو Guam کے ائیرپورٹ سے اڑا اور جلد ہی زمین پر گر کر تباہ ہوگیا۔ تحقیق کرنے پر یہ ثابت ہوا کہ فلائیٹ کنٹرول کے سسٹم میں نمی آجانے کی وجہ سے جہاز کو غلط data ملا جس کی وجہ سے جہاز ایک دم ہوا میں اٹھنا شروع ہوا اور پائیلٹ کے کنٹرول سے باہر ہو گیا اور آخرکار گر کر تباہ ہوگیا۔ اس جہاز کے دونوں پائیلٹ آسانی ایجیکٹ کرنے میں کامیاب رہے۔
ایسے ابھی تک صرف 21 جہاز بنائے گئے ہیں۔ یہ حادثہ aviation کی تاریخ کا بھی سب سے مہنگا حادثہ ہے۔

Attached Images

  

ابو عمار

6 - Exxon Valdez
2.5 بلین ڈالر

ویسے تو تیل لے جانے والے بحری جہازوں کے اس سے بھی خطرناک حادثات ہوئے ہیں مگر یہ اتنا مہنگا اس لیے بھی پڑ گیا کیونکہ یہ جہاز Prince William Sound کے قریب خراب ہو تھا جہاں تک رسائی یا تو ہیلی کاپٹر سے ممکن تھی یا پھر کشتیوں سے۔ یہ جہاز 24 مارچ 1989 کو اس وقت چٹانوں سے جا ٹکرایا جب اس کے کیپٹن Joseph Hazelwood نے کنٹرول جونئیرز کے ہوالے کردیا تھا۔ اس حادثہ میں 10.8 ملین گیلن تیل سمندر میں ضائع ہوگیا تھا۔
اس علاقے کی صفائی میں 2.5 بلین ڈالر تک خرچ ہوگئے۔

Attached Images

 

ابو عمار

5 - Piper Alpha Oil Rig
$3.4 Billion

یہ سمندری تیل کے کنویں کا بدترین حادثہ تھا۔ ایک وقت میں یہ دنیا کا سب سے زیادہ تیل پیدا کرنے والا کنواں تھا، جس میں روزانہ 317،000 بیرل تیل نکالنے کی صلاحیت تھی۔
اس کنویں کو کسی بڑے حادثے سے بچانے کے لیے روزانہ 100 کے قریب سیفٹی والو کو چیک کیا جاتا تھا اور ہٹایا جاتا تھا جو کہ خطرناک مائع گیس بننے سے بچاتے تھے۔
6 جولائی، 1988، کے دن ٹیکنیشن ایک والو کو بدلنا بھول گئے۔ اسی رات دس بجے ٹیکنیشن نے مائع گیس خارج کرنے کے لیے اسٹارٹ کا بٹن دبایا اور تاریخ کے سب سے خطرناک سمندری کنویں کا حادثہ عمل میں آنا شروع ہوگیا۔

2 گھنٹوں کے اندر اندر 300 فٹ اونچا پلیٹ فارم شعلوں کی لپیٹ میں آچکا تھا اور آخرکار راکھ کا ڈھیر بن گیا۔ اس حادثے میں 167 ملازمین ہلاک ہوئے اور 3.4 بلین ڈالر کا نقصان ہوا۔

Attached Images

 

یحیٰی

اچھی معلومات ہے سرمد بھائی

ابو عمار

4 - Challenger Explosion
$5.5 Billion

28 جنوری 1986 کے دن چیلنجر خلائی جہاز اپنی پرواز کے 73 سیکنڈ بعد ہی O رنگ (مکینیکل گیس کٹ) کی وجہ سے تباہ ہوگیا۔ یہ مائع گیس کے ایک ٹینک کے جوائنٹ کو سیل کرنے میں ناکام رہا جس کے نتیجے میں مائع ہائیڈروجن گیس لیک ہوتی رہی اور اس کے نتیجے میں ایک زور دار دھماکہ ہوا اور پورا جہاز تباہ ہوگیا۔ اس خلائی جہاز میں 7 افراد سفر کررہے تھے۔ کچھ شواہد یہ بھی ملے ہیں کہ دھماکے کے وقت شاید کچھ ارکان زندہ بچ گئے تھے مگر خلائی کیپسول سے باہر نکلنے کا نظام نہ ہونے کی وجہ سے وہ سب اس میں بند رہے اور جب یہ کیپسول سمندر کی تہہ سے ٹکرایا تو شاید تب ان کی موت واقع ہوئی۔

1986 میں اس خلائی جہاز کی قیمت 2 بلین ڈالر تھی جو آج کے 4.5 بلین ڈالر کے برابر ہے۔ اس کے علاوہ 1986 سے 1987 تک اس کی تحقیق پر اس وقت 450 ملین ڈالر خرچ ہوئے جو آج کے 1 بلین ڈالر بنتے ہیں۔

Attached Images

 

ابو عمار

3 - Prestige Oil Spill
$12 Billion

13 نومبر 2002 کو Prestige نامی ایک تیل بردار بحری جہاز 77،000 ٹن بھاری تیل لے کر جارہا تھا کہ اسپین کے قریب Galicia کے مقام پر اس کا ایک بدترین سمندری طوفان سے سامنا ہوگیا۔ اسی تگ و دو میں بحری جہاز کے 12 ٹینکوں میں سے ایک ٹینک پھٹ گیا۔ جہاز کے ڈوب جانے کے خطرے سے کپتان نے اسپین سے مدد کی اپیل کی تاکہ وہ اس جہاز کو وہاں لنگرانداز ہونے کی اجازت دے دیں مگر انہوں نے کپتان کو اپنے ساحلوں سے دور رہنے کا حکم دیا۔ اس کے بعد کپتان نے فرانس اور پرتگال حکام سے بھی مدد کی اپیل کی مگر انہوں نے بھی اسے اپنے ساحلوں سے دور رہنے کا حکم دیا۔ آخرکار سمندری طوفان نے اس جہاز کے دو ٹکڑے کردیے اور نتیجے میں 20 ملین گیلن تیل سمندر میں بہہ گیا۔

ایک رپورٹ کے مطابق سمندر کی مکمل صفائی پر 12 بلین ڈالر کا خرچہ ہوا۔

Attached Images