shafresha

ایک ایک مُراسلہ بغور دلچسپی سے پڑھ رہا ہوں اور ہر ایک پر داد دینے کو دل چاہتا ہے!

اسے کہتے ہیں‌معلوماتی تھریڈ!!!

ابو عمار

شاہد بھائی ہمت افزائی کا بہت بہت شکریہ۔

ابو عمار

2 - Space Shuttle Columbia
$13 Billion

خلائی جہاز Space Shuttle Columbia کا شمار ناسا کے بہترین خلائی جہازوں میں ہوتا تھا۔ اس جہاز سے پہلے خلاباز خلا تک تو چلے جاتے تھے مگر انہیں واپس زمیں پرایک خلائی کیپسول کے ذریعے آنا پڑتا تھا جو کہ پیراشوٹ کے ذریعے کسی سمندر میں گر جاتا تھا۔ اس جہاز کی یہ خاصیت تھی کہ اسے راکٹ کے ساتھ لگا کر خلاء میں بھیج دیا جاتا تھا اور یہ اپنا مشن مکمل کرنے کے بعد زمیں کے مدار میں داخل ہونے کے بعد ایک عام سے جہاز کی طرح اڑتے ہوئے ائیرپورٹ پر اترسکتا تھا۔

1 فروری 2003 کو حادثہ پیش آنے سے پہلے اس جہاز نے 27 کامیاب مشن کیے تھے اور یہ اسکا 28واں مشن تھا جس میں یہ ناکام رہا۔ اس کی تباہی کی وجہ یہ بنی کہ 16 دن پہلے جب اسے زمین سے اُڑایا گیا تو اس کے ایک پر میں ایک چھوٹا سا سوراخ ہوگیا۔ 16 دن کے بعد جب یہ واپس زمیں میں داخل ہورہا تھا تو یہ سوراخ پھٹ پڑا اور پورا جہاز اپنے 7 ارکان کے عملے سمیت تباہ ہوگیا۔

1978 میں جب اسے بنایا گیا تھا تو اس پر 2 بلین ڈالر لاگت آئی تھی، جوکہ آج کے حساب سے 6.3 بلین ڈالر بنتی ہے۔ اس حادثے کی تحقیق پر 500 ملین ڈالر خرچ ہوئے جو کہ ابھی تک کسی بھی جہاز کے حادثے کی سب سے مہنگی تحقیق ہے۔ اس کے علاوہ اس کا ملبہ اٹھانے میں مزید 300 ملین ڈالر کا خرچہ ہو۔

آخرکار American Institute of Aeronautics and Astronautics کے مطابق اس حادثے میں کُل 13 بلین ڈالر خرچہ ہوا۔

Attached Thumbnails

 

Attached Images

 

ابو عمار

ویسے آپس کی بات ہے مجھے اس جہاز کی تباہی کا بہت افسوس ہوا تھا، کیونکہ یہ میرے پسندیدہ جہازوں میں سے ایک تھا

مجھے یہ اپنے ڈیزائن اور خلا اور ہوا دونوں میں اُڑنے کی صلاحیت کی وجہ سے بہت پسند تھا۔

ویسے سنا ہے کہ ناسا اس سال یعنی 2010 میں اسے ریٹائر کر کے کوئی نیا خلائی جہاز متعارف کرانے والے ہیں۔

ابو عمار

1 - Chernobyl
$200 Billion

26 اپریل 1986 کے دن دنیا نے تاریخ کا مہنگا ترین حادثہ دیکھا۔ چرنوبل نیوکلئیر پلانٹ کا حادثہ انسانی تاریخ کا بدترین حادثہ تھا جس سے یوکرین کی 50 فی صد آبادی کسی نا کسی حد تک متاثر ہوئی۔ اس حادثے کے وقت اور اس کے بعد کینسر سے تقریباً 125،000 افراد ہلاک ہوئے جبکہ 200،000 سے زیادہ لوگوں کو دوسری جگہ منتقل کیا گیا۔ علاقے کی صفائی، لوگوں کی دوسری جگہ منتقلی اور ہلاک ہونے والوں کے خاندانوں کے معاوضے، ان سب پر اس حادثے کے بعد تقریباً 200 بلین ڈالر خرچ ہوئے۔ اس کے علاوہ چرنوبل پاور پلانٹ کے لیے اسٹیل کے شلٹر کے لیے 2 بلین ڈالر خرچ ہونے تھے۔

اس حادثے کی وجہ پلانٹ کے عملے کی لاپرواہی بتایا جاتا ہے جنہوں نے پلانٹ چلانے کے پروسیجر پر صحیح طریقے سے عمل نہیں کیا اور ان لوگوں کو حفاظتی تدابیر کا بھی پورا علم نہیں تھا۔

Attached Images

 

یاسر عمران مرزا

بہت خوب بھائی
یہ معلومات بہت عرصہ پہلے ای میل میں‌پڑھیں، لیکن اردو میں‌پڑھنے کا اپنا ہی مزا ہے
بہت شکریہ۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

ابو عمار

یاسر بھائی آپ نے صحیح کہا ہے کہ اس تھریڈ کی بنیاد ویسی ہی ایک ای میل ہے مگر میرے پاس جو ای میل آئی تھی جب میں نے اس پر تحقیق کی تو پتہ چلا کہ اس میں کافی ساری اعداد و شمار کچھ زیادہ بڑھ چڑھ کر بتائی گئی ہیں۔ لہٰذہ میں نے ان پر تھوڑی بہت تحقیق کرنے کے بعد انہیں یہاں پوسٹ کیا ہے اور شاید اسی لیے ان میں اتنا وقت بھی لگا۔

یاسر عمران مرزا

تو آپ نے بہت اچھا کام کیا، گریٹ

منتظمین

ہر ایک مراسلے کو الگ الگ سرورق کے لیے پیش کریں۔

shafresha

اور یہی انصاف و دیانت کا تقاضہ ہے!
بعض لوگ اس بات کا بالکل خیال نہیں‌ رکھتے۔

ابو عمار

بھائی پسند کرنے کا بہت بہت شکریہ میں نے تھریڈ یا پورے مضمون کو تو سرورق کے لیے پیش کیا ہے مگر ایک ایک مراسلے الگ الگ کیسے سرورق کے لیے پیش کیا جاسکتا ہے، اس کی تھوڑی سی رہنمائی فرما دیں۔