wajee

مجھے اللہ سے شرم آرہی ہے!}
خلیفہ سلیمان بن عبد الملک کا بھائی خلیفہ ہشام بن عبد الملک بن مروان بیت اللہ شریف کے حج کو آیا- طواف کے دوراں میں اس کی نگاہ زاہد و متقی اور عالم ربانی سالم بن عبداللہ بن عمر رض پر پڑی جو اپنا جوتا ہاتھ میں اٹھائے ہوئے خانہ کعبہ کا طواف کررہے تھے- ان کے اوپر ایک کپڑا اور ایک عمامہ تھا جس کی قیمت 13 درھم سے زیادہ نہیں تھی-


خلیفہ ہشام نے کہا:


"کوئی حاجت ہو تو فرمائے"-


سالم بن عبداللہ رض نے کہا:


" مجھے اللہ سے شرم آرہی ہےکہ میں اس کے گھر میں ہوتے ہوئے کسی اور کے سامنے دست سوال دراز کروں"-

یہ سننا تھا کہ خلیفہ کے چہرے کا رنگ سرخ ہونے لگا- اس نے سالم بن عبداللہ رض کے جواب میں اپنی سبکی محسوس کی- جب سالم بن عبداللہ حرم شریف سے باہر نکلے تو وہ بھی ان کے پیچھے ہی حرم سے نکل پڑا اور راستہ میں ان کے سامنے آکر کہنے لگا:


" اب تو آپ بیت اللہ سے باہر نکل چکے ہیں ، کوئی حاجت ہو تو فرمائيں (بندہ حاضر ہے)"-


سالم بن عبداللہ گویا ہوئے:


" آپ کی مراد دنیاوی حاجت سے ہے یا اخروی حاجت سے؟!"-


خلیفہ ہشام نے جواب دیا:


"اخروی حاجت کو پورا کرنا تو میرے بس میں نہیں؛ البتہ دنیاوی ضرورت پوری کرسکتا ہوں؛ فرمائيں-


سالم بن عبداللہ کہنے لگے:


" میں نے دنیا تو اس سے بھی نہیں مانگی ہے جس کی یہ ملکیت ہے- پھر بھلا میں اس شخص سے دنیا کیوں طلب کرسکتا ہوں جس کا وہ خود مالک نہیں؟!"-

یہ کہ کر اپنے گھر کی طرف چل دیے اور ہشام بن عبدالملک اپنا سا منہ لے کر رہ گیا-

( البدایۃ و النھایۃ 9/135

__________________

Atia jamali

بہت اچھی لگی یہ بات-------------------------

فیصل ناصر

ارے بھئی آپ کہاں گم ہیں آپکی تلاش کے تو تھریڈ لگے ہوئے ہیں

عطیہ جی کہاں ہیں

wajee

ایسی ہی عمل کی سب مسلمانوں کو ضرورت ہے

Haya 786

حقیقی ایمان کی نشانی ھے
دنیا اور آخرت کی ھر دعا ھر آرزو دنیا اور آکرت کے مالک سے کرنی چاھیے
اسی کے سامنے ھاتھ پھیلانا چاھیے
بہت بہت شکریہ شئیر کرنے کا

champion_pakistani

اچھا لکھا ہے ۔

arifkarim

یہ اس زمانہ کی بات ہے جب ابھی کاغذی نوٹ ایجاد نہیں ہوئے تھے۔ آج اگر یہ لوگ زندہ ہوتے تو جوابات مختلف دیتے!

رضی

وہ لوگ سونا چاندی کو کچھ نہیں سمجھتے تھے آپ یہ کاغذی نوٹوں کی بات کر رہے ہیں۔ جنکا ایمان مضبوط ہوتا ہے اسے دنیا کی کوئی دولت نہیں خرید سکتی

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

منتظمین

سر ورق کے لیے پیش کریں‌ ۔

wajee

شکریہ ابھی کرتا ہو ۔

ناصر محمود

جزاک اللھ -------------------------------------------------------------

عدنان دانی

ماشااللہ بہت خوب۔۔۔۔۔۔۔۔۔۔۔۔۔۔۔۔۔۔۔

عبداللہ آدم

تمنا درد دل کی ہو تو خدمت کو فقیروں کی
نیہں ملتا یہ گوہر بادشاہوں کے خزینوں میں