میاں شاہد

عبداللہ حیدر

السلام علیکم و رحمۃ اللہ و برکاتہ،
چھوٹے چچا، کافی دنوں بعد تشریف لائے ہیں۔ فورم پر بے رونقی محسوس ہو رہی تھی۔ جزاک اللہ خیرا۔
عَنْ أَبِي هُرَيْرَةَ رَضِيَ اللَّهُ عَنْهُ
أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ يَنْزِلُ رَبُّنَا تَبَارَكَ وَتَعَالَى كُلَّ لَيْلَةٍ إِلَى السَّمَاءِ الدُّنْيَا حِينَ يَبْقَى ثُلُثُ اللَّيْلِ الْآخِرُ يَقُولُ مَنْ يَدْعُونِي فَأَسْتَجِيبَ لَهُ مَنْ يَسْأَلُنِي فَأُعْطِيَهُ مَنْ يَسْتَغْفِرُنِي فَأَغْفِرَ لَهُ
صحیح بخاری کتاب الجمعۃ باب الدُّعَاءِ فِي الصَّلَاةِ مِنْ آخِرِ اللَّيْلِ
"ہر رات جب رات کا آخری ایک تہائی حصہ رہ جاتا ہے تو ہمارا رب تبارک و تعالیٰ‌آسمانِ دنیا پر اترتا ہے اور کہتا ہے "کون ہے جو مجھے پکارے کہ میں اس کا جواب دوں، کون ہے مجھ سے مانگنے والا کہ میں اسے عطا کروں، کون ہے مجھ سے معافی مانگنے والا کہ میں اسے معاف کر دوں "
اللہ تعالیٰ‌ہمیں‌اس وقت سے فائدہ اٹھانے کی توفیق دے۔

خرم شہزاد خرم

////جزاک اللہ میاں صاحب ////

فیصل ناصر

جزاک اللہ
شاہد بھائی کہاں ہیں آجکل
GTG سے بچنے کے پروگرام ہیں کیا ؟؟

عادل سہیل

السلام علیکم و رحمۃ اللہ و برکاتہ ،
جزاک اللہ خیرا ، شاھد بھائی ، اللہ آپ کو مزید خیر کی توفیق عطا فرمائے ، ان شا اللہ باخیر و عافیت ہوں گے ، آپ کی کمی کمی سے دل اداس رکھتی ہے ،
اور بھتیجے چلو تمہیں بھی جزاک اللہ خیرا ، ویسے یہ تو بتاو کہ اللہ تبارک و تعالیٰ کے آسمان دنیا پر اترنے کا کیا مفہوم ہے ؟؟؟
و السلام علیکم۔

عبداللہ حیدر

وعلیکم السلام و رحمۃ اللہ و برکاتہ،
ہمارے معاشرے میں‌ وحدت الوجود کے ماننے والوں کے زیر اثر اللہ تعالی‌کے بذاتہ ہر جگہ موجود ہونے کا عقیدہ عام ہے جبکہ قرآن و حدیث کے محکم دلائل سے ثابت ہے کہ اللہ تعالیٰ عرش پر ہے البتہ اس کا علم اور قدرت ہر جگہ کو محیط ہے۔ امام مالک بن انس رحمہ اللہ سے پوچھا گیا کہ اللہ تعالیٰ‌کس طرح عرش پر مستوی ہے تو انہوں نے جواب میں فرمایا:
"الاستواء معلوم، و الکیف مجہول، و الایمان بہ واجب و السئوال عنہ بدعۃ"
"اللہ تعالیٰ کا عرش پر ہونا تو (قرآن و فرمان رسول صلی اللہ علیہ و علی آلہ وسلم) سے معلوم ہے، اس کی کیفیت مجہول ہے (یعنی کوئی نہیں‌جانتا کہ کس طرح ہے) اور اس پر ایمان واجب ہے اور اس کے بارے میں سوال کرنا بدعت ہے"
یہی معاملہ اللہ تعالیٰ کے آسمان دنیا پر نزول فرمانے کا ہے۔ چونکہ رسول اللہ صلی اللہ علیہ و علی آلہ وسلم نے اس کی خبر دی ہے لہٰذا اس پر ایمان رکھنا واجب ہے لیکن اس کی کیفیت کے بارے میں کچھ نہیں کہا جا سکتا، نہ اس کی تاویل، تفویض یا تعطیل کی جائے گی۔
چچا جان، میں‌نے کچھ غلط لکھ دیا ہو تو آگاہ فرمائیے۔ یہ آپ کا خاص موضوع ہے۔