عادل سہیل

::::: حیض (ماہواری) اور جنابت سے پاکیزگی :::::

السلام علیکم و رحمۃ اللہ و برکاتہ ،
خواتین کی زندگی میں معمول کے مطابق آنے والا ایک معاملہ حیض ہے ، یعنی ماہواری ، جسے اللہ تعالی نے آدم علیہ السلام کی تما م کی تما م بیٹیوں پر لکھ دیا ہوا ہے ،
اور اس کی خبر ہمیں اللہ کے بعد کائنات کی سب سے سچی ہستی ، اللہ کے رسول محمد صلی اللہ علیہ و علی آلہ وسلم نے عطافرمائی ہے کہ جب وہ اپنے حج پر تشریف لے گئے تو ان کی سب سے زیادہ محبوبہ ہستی ، اِیمان والوں کی والدہ محترمہ ، أمیر المؤمنین ابو بکر الصدیق رضی اللہ عنہُ کی بیٹی عائشہ رضی اللہ عنہا پر حیض وارد ہو گیا ، اور وہ ایک طرف روتے بیٹھی ہوئی تھیں تو رسول اللہ صلی اللہ علیہ و علی آلہ وسلم نے ان کو روتے دیکھ کر دریافت فرمایا (((((ما لَكِ أَنُفِستِ ::: کیا ہوا ؟ کیا حیض وارد ہو گیا ؟ ))))) انہوں نے عرض کیا """ جی ہاں """ تو اِرشاد فرمایا ((((( إِنَّ هذا أَمرٌ كَتَبَهُ الله على بَنَاتِ آدَمَ فَاقضِي ما يَقضِي الحَاجُّ غير أَن لَا تَطُوفِي بِالبَيتِ ::: یہ کام اللہ نے آدم (علیہ السلام ) کی بیٹوں پر لکھ دیا ہوا ہے لہذاتم وہ سب کچھ کرو جو حج کرنے والا کرتا ہے سوائے گھر ( یعنی خانہ کعبہ ) کا طواف کرنے کے ))))) صحیح البخاری /کتاب الحیض /پہلی حدیث ، صحیح مسلم / کتاب الحج /باب 17 ،
اللہ کے لکھے ہوئے اس معاملے میں سے کسی کے لیے کوئی استثناء نہیں ، جی اللہ کی حکمت سے ، اللہ تعالی کسی میں کوئی ایسا نُقص رکھ دے جس کی وجہ سے وہ اللہ کے لکھے ہوئے اس فیصلے سے مبراء نظر آئے تو وہ اور بات ہے ،لیکن کسی کے لیے کہیں کوئی ایسی خصوصی رحمت یا عنایت نہیں کہ جس کی بنا پر اسے اس حیض والے معاملے سے پاک رکھا گیا ہوا ، ایسی عورت کا ایک سب سے بڑا نقصان تو یہ ہوتا ہے کہ عموما ً ایسی عورت اولاد والی بننے کی قابل نہیں ہوتی ،
حیض (ماہواری )جس کے آنے پر کوئی بھی لڑکی یا عورت شرعی طور پر پاکیزگی کے حکم سے نکل جاتی ہے ، اور جب اللہ کے حکم سے اس کا حیض تھمتا ہے تو اس کو دوبارہ شرعی پاکیزگی خود سے اختیار کرنا ہوتی ہے ، جس کے بعد ہی وہ نماز وغیرہ پڑھ سکتی ہے ،
یہ معاملہ ساری اُمت میں متفق علیہ ہے کہ کوئی عورت حیض اور نفاس کی حالت میں شرعی طور پر ناپاکی کے حُکم میں ہوتی ہے اور اس حالت میں نماز نہیں پڑھ سکتی ، جب تک کہ حیض رکنے کے بعد وہ ایک مخصوص طریقے پر پاکیزگی اختیار نہیں کرتی ،
اور بڑی عظیم بات ہے کہ یہ احکام قران میں مذکور نہیں ہیں ، بلکہ رسول اللہ صلی اللہ علیہ و علی آلہ وسلم کی سنّت مبارکہ میں ہیں ، اب اللہ جانے مخلتف فلسفوں کے شکار لوگ ان احکام کو کسی کھاتے میں رکھتے ہیں ، حیض و نفاس کے متعلق رسول اللہ صلی اللہ علیہ و علی آلہ وسلم نے اللہ کی طرف سے کی گئی وحی کے مطابق اس کی تعلیم عطا ء فرمائی ، وہ تعلیم جو اللہ کی کتاب قران الحکیم میں نہیں ،
اپنی مسلمان بہنوں ، بیٹیوں کے لیے یہ تعلیمات یہاں پیش کرتا ہوں ،
َ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مضمون جاری ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔

عادل سہیل

و علیکم السلام و رحمۃ اللہ و برکاتہ ،
صدیقی بھائی ، کسی کے پڑھنے یا نہ پڑھنے کی بات اپنی جگہ ، میں عربی متن لکھنا اس لیے ضروری سمجھتا ہوں کہ (1) اللہ ، اور رسول اللہ صلی اللہ علیہ و علی آلہ وسلم کے کلام پاک کی برکت شامل رہے (2) ترجمے میں کسی کمی بیشی ، غلطی کی صورت میں کسی کی طرف سے تصحیح میسر ہو جائے (3) صرف ترجمے کی وجہ سے کوئی غلط فہمی نہ ہونے پائے ، (4) میں خود میں ہمت نہیں پاتا کہ اللہ اور رسول اللہ صلی اللہ علیہ و علی آلہ وسلم کی بات ذکر کرتے ہوئے اُن کے الفاظ مبارک کو ترک کر کے یا چھوڑ کر صرف اپنے الفاظ استعمال کروں ،
اور اعراب لگانے کی ضرورت کا سبب میں پہلے بیان کر چکا ہوں ،
ٹوٹی پھوٹی ، منتشر عربی صرف فونٹ کی وجہ سے دکھائی دیتی ہے ،
میرے بروزر میں ڈی فالٹ فونٹ tahoma ہے ، اوراس میں مجھے تما تر عربی اعراب اور عبارات بالک ٹھیک دکھائی دیتی ہیں ،
ٓآپ بھی اس کا تجبہ کیجیے ۔ بلکہ تمام بھائی بہنوں سے گذراش ہے کہ یہ تجربہ کریں ، اور اگر اکثریت کو اس فونٹ میں عربی عبارات اور اعراب ٹھیک دکھائی دیں تو میں ان شاء اللہ آئیدہ میں عربی عبارات کو اسی فونٹ کا ٹیگ لگا دیا کروں گا ،
صدیقی بھائی اگر اس کا کوئی خود کار مستقل حل نہیں تو ماہرین کو اس پر کام کرتے رہنا چاہیے ، ان شاء کوئی نہ کوئی حل نکل آئے گا ،
اگر tahoma فونٹ سے یہ معاملہ کچھ سدھر جاتا ہے تو سمجھیے کہ ایک مینوئل حل تو مل گیا ، و السلام علیکم۔

عادل سہیل

السلام علیکم و رحمۃ اللہ و برکاتہ ، جی ان شا اللہ اب فونٹ سائز سے چھڑ چھاڑ نہیں کروں گا ،
میرا خیال ہے اس اجازت کو استعمال کرنا کچھ مناسب نہ رہے گا ،
منتظمین بھائی ، ڈی فالٹ سائز میں جب میں کچھ ارسال کرتا ہوں تو وہ مجھے بہت چھوٹا نظر آتا ہے ، لیکن جب اسے 4 نمبر فونٹ میں لکھتا ہوں تو کافی مناسب دکھائی دیتا ہے ،
آغاز میں ، میں ڈی فالٹ سائز میں ہی لکھا کرتا تھا ، پھر کچھ قار4ئین نے یہ شکایت کی کہ بہت چھوٹا دکھائی دیتا یے تو میں نے فونٹ سائز 4 رکھنا شروع کیا ،
میں سے سمجھنا چاہتا ہوں کہ یہ فرق کہاں سے ہوتا ہے کہ کسی کو وہی فونٹ سائز مناسب دکھائی دیتا ہے اور کسی کو چھوٹا ؟ و السلام علیکم۔

عادل سہیل

السلام علیکم و رحمۃ اللہ و برکاتہ ،
بھائیو ، گو کہ یہاں جو بحث چل نکلی ہے اس میں میرا بولنا کچھ مناسب نہیں لگتا کیونکہ مجھے اپنی حیثیت ایک فریق کی سی لگ رہی ہے ، لیکن چونکہ معاملہ کو کچھ مزید غیر مناسب طور پر مسجھا جا رہا ہے اس لیے چند باتیں عرض کرتا ہوں ،
سب سے پہلی بات تو یہ کہ یہ سب مداخلت اس فورمز کے عنوان کے مطابق ہی نہیں ، یہ فورمز صرف خواتین کے مخصوص مسائل بیان کرنے کے لیے رکھا گیا ہے ، جو بھائی یہاں تشریف لاتے ہیں ، وہ اپنی بہنوں کی طرح خاموشی سے مسائل کا مطالعہ فرما کر واپس جا سکتے ہیں ،
کسی کو اس کی خبر نہیں کہ ایک عرصہ سے اس فورمز کی موجودگی کے باوجود اب کیوں اس میں خواتین کے مخصوص مسائل کے بیان کا آغاز کیا گیا ہے ،
ہو سکتا ہے یہ کچھ بہنوں کی ہی طلب پر ہوا ہو ،

بھائیو ، یہ کوئی ایسی جگہ نہیں جہاں ہم ایک لوگ کو دیکھ رہے ہیں اور شرم و حیا کا وہ معاملہ درپیش آئے جسے سبب بنا کر ان ضروری مسائل کو بیان نہ کیے جانے پر اصرار کیا جا رہا ہے ، اور عجیب و غریب مثالیں پیش کی جا رہی ہیں ،
کیا خوب ہے کہ ایک طرف تو ان مسائل کو یوں بیان نہ کرنے کی بات کی جا رہی ہے ، اور دوسری طرف بہنوں کو ذاتی پیغامات کے ذریعے سوال کرنے کی تریب دی جا رہی ہے ، بھائیو ، کون سا معاملہ شرم و حیا کے زیادہ منافی ہے ؟
یہاں خاموشی سے مسائل سیکھ کر چلے جانا یا ذاتی پیغامامت میں گفت و شنید کرنا ؟
افسوس کے ساتھ کہنا پڑتا ہے کہ کئی دیگر معاملات کی طرح اس شرم و حیا کی اقدار بھی بدل گئی ہیں ، جی ،
ایک خاندان کے افراد ایسی باتیں اکٹھے سن سکتے ہیں ، ایسی حرکات اکٹھے دیکھ سکتے ہیں جن کا سننا ، دیکھنا ہر صورت ناجائز ہے اور منفی نتائج کا سبب ہے ، اس وقت یہ شرم و حیا کسی کو یاد نہیں رہتی ،
جب ماں باپ ، بہن بھائی ، بیٹی بیٹا سب ایسے گانے سن رہے ہوتے ہیں ، ایسی فلمیں اور ڈرامے دیکھ رہے ہوتے ہیں جو حیا اور اخلاق کے قاتل ہیں ،
آپ کسی گلی کوچے سے گزریے تقریبا ہر گھر سے ایسی عشق و محبت کی صدائیں گونجتی سنائی دیتی ہیں ، کیا یہ صدائیں بیک وقت ایک خاندان تو کیا کئی خاندانوں کے باپ بیٹی ، بہن بھائی نہیں‌سن رہے ہوتے ،
لیکن اپنی پاکی پلیدگی کے مسائل ایک پردے میں رہتے ہوئے بیان کرنا ، سیکھنا سکھانا معیوب ہوا ، سبحان اللہ ،
ارے بھائیو ، میں نے یہاں جو کچھ لکھا اللہ جانے میری کتنی بہنیں بیٹیاں اس سے مستفیذ ہوں گی ، اور اس طرح کہ ہم ایک دوسرے کو شاید حقیقی ناموں تک سے بھی نہ جانتے ہوں گے ،
بھائی فیصل کی بات بہت ٹھیک ہے کہ ہماری خواتین کی اکثریت ان معاملات کو نہیں جانتی ، (جس طرح ہمارے مرد حضرات کی اکثریت اپنی طہارت سے متعلق مسائل کو نہیں جانتی )
جی یہ درست ہے کہ شاید ہی کوئی بیٹی اپنے باپ سے ، یا کوئی بہن اپنے بھائی سے ان مسائل کے بارے میں پوچھ سکے ، بلکہ میں تو یہ بھی کہہ سکتا ہوں کہ اکثر بیویاں اپنے خاوند سے ان مسائل کے ابرے میں بات نہیں کر پاتیں ، سبب وہی شرم و حیاء کا غیر مطلوب ، بلکہ معکوس مفہوم ،
اب اگر ہم اس فورمز جیسی عام زیارت کے قابل جگہ پو اپنی خواتین کے لیے ایسی معلومات مہیا کرتے ہیں ، جن کو دیکھنے پڑھنے میں کسی کی شخصیت عیاں نہیں ہوتی اور ہماری خواتین ان مسائل کو سمجھ لیتی ہیں اور دیگر خواتین تک پہنچانے کا باعث بنتی ہیں تو یہ خیر ہے یا شر ؟
ایک جگہ پر بھائی صدیقی نے ایک معاملے میں ، ایک فرقے کی باتوں کی تشیہر کے بارے میں کہا تھا کہ """ کیا مارکیٹ میں‌دُکانوں پر بکنے اُس "طبقہ ہائے فکر" والی کتب بین ہوگئیں؟ """
میں ان کی بات کے پیش نظر کہتا ہوں کہ پاکیزگی اور پلیدگی کے مسائل ، میاں بیوی کے باہمی تعلق اور ملاپ کے معاملات کو اللہ تعالیٰ نے اجمالی طور پر اپنی کتاب میں بیان فرمایا ،اور اس طرح بیان فرمایا کہ اہل لغت کے لیے بات کافی صاف اور واضح ہوتی ہے ، اور اللہ کے حکم سے ، اللہ کی طرف سے کی گئی وحی کے مطابق اللہ کے رسول صلی اللہ علیہ وعلی آلہ وسلم نے ان کی تفصیلات بیان فرمائیں ،
صحابہ اور صحابیات رضی اللہ عنہم اجمعین نے مکمل امانت داری کے ساتھ ان کو نشر کیا ،
أئمہ محدثین نے بھی پوری دیانت اور امانت سے ان کو محفوظ کیا اور اگلی نسلوں تک کے لیے لکھ لکھ محفوظ کیا ،
اور اس وقت سے اب تک یہ مسائل کتابوں اور ہر میسر میڈیا پر مسلمانوں کے معاشرے میں میسر چلے آ رہے ہیں ،
اور ہر وقت کے لوگ ان کو سکھیتے اور سکھاتے ، پڑھتے اور پڑھاتے چلے آ رہے ہیں ،
جس طرح اُن کتابوں یا دیگر میڈیا میں کوئی ضرورت مند بوقت ضرورت اپنے مسائل کا حل تلاش کرتے ہیں اسی طرح یہاں اس میڈیا پر بھی ان کو پیش کیا جانا مقصود ہے ،
کیا صدیوں سے چلتے چلے آنے والے اس سلسلے پر کبھی ایسے اعتراضات کیے گئے ، ان اعتراضات کی بنا پر ہونا تو یہ چاہیے کی مسلم معاشرے میں سے ایسی ساری کتابیں وغیرہ ناپید کر دی جانی چاہیں ،
جب کسی گھر کا بڑا ، اپنے گھر میں """ خواتین کے مسائل """ ، """ بہشتی زیور """ ، وغیرہ قسم کی کتابیں لا کر رکھتا ہے ، تو غلط کرتا ہے ؟
بیٹی کو رخصتی کے وقت یہ کتابیں دی جاتی ہیں ( گو کہ یہ اس لحاظ سے غلط ہے کہ سن بلوغت تک پہنچنے کے بعد سے رخصتی تک کے وقت میں ان مسائل کا علم پہنچانے کا خیال نہ کیا گیا ) تو کیا شرم و حیاء کے منافی اس کام کو روکنا کسی کویاد نہیں آتا ؟
آخر میں ابتداء والی بات دہراتا ہوں ، کہ ، اگر ہر قاری کوئی بھائی ہو یا بہن ان مسائل کا مطالعہ کرتا چلے تو کسی کے لیے کوئی منفی مسئلہ نہ ہو گا ، ان شاء اللہ ، و السلام علیکم۔

ابن آدم

بھائی جب پہلے سے موجود ہے تو میں‌نئے سرے سے کیوں لکھوں
سہاگ رات کے آداب - سنت کی روشنی میں

ایس اے نقوی

ویسے عادل سہیل صاحب آیک اور بات یاد آئی کہ آپ کی آئی ڈی تو سرخ تھی یعنی آپ فورم کے سٹاف میں شامل تھے آخر ایسا کیا ہو گیا کہ آپ کی آئی ڈی پھیر سے بلیک کر دی گئی؟؟؟؟؟

shafresha

میرے بھائی آپ کے تجویز کردہ تھریڈ میں‌شب زفاف سے متعلق کوئی معلومات نہیں‌ بلکے اس موضوع سے متعلق ایک کتاب " اردو کتاب : سنتِ مطہرة اور آدابِ مباشرت " کاڈاؤن لوڈ لنک ہے۔ اگر آپ نے مذکورہ کتاب پڑھی ہے اور اُس سے مستفیذ ہوئے ہیں‌تو برائے کرم یہاں پر شئیر کریں تاکہ وہ لوگ جو اس سے محروم ہیں وہ بھی ۔۔۔ ۔ ۔

تو کیا اگلے جواب میں آپ ایسا کرنے والے ہیں؟

عادل سہیل

السلام علیکم ورحمۃ اللہ و برکاتہ ،
انجم بھائی ، لگتا ہے آپ معاشرے میں خواتین کے ان معاملات میں کم علمی کو ٹھیک سے نہیں جانتے ، ہو سکتا ہے آپ کا خاندان یا گھرانہ ایسا ہو جہاں بڑی خواتین ماشاء اللہ ان مسائل کو جانتی ہوں ، لیکن یہ بھی حقیقت ہے کہ اکثر ایسا نہیں ہے ،
آپ کی سارے اعتراض کا نچوڑ یہ ہے کہ یہاں بہنوں سے ایسی بات کرنے والا کوئی مرد نہ ہو،تو بھائی میرے ، یہ اللہ کا دین ہے اور اس کے نشر کی ابتداء مرد سے ہوئی اور قران میں اور سنت میں جو کچھ بیان ہوا ، ایک دوسرے تک پہنچا سیکھا اور سیکھایا گیا اس میں عورتوں کا حصہ بہت ہی کم رہاہے ،
جی جیسا کہ میں نے پہلے عرض کیا تھا اور اب آپ نے بھی اس کی تائید ہی کر دی کہ یہ عورتوں کے مخصوص مسائل کا فورمز ہے بلا ضرورت مرد حضرات یہاں گفتگو نہ کریں ،
ما شاء اللہ انتظامیہ میں ایسے لوگ موجود ہیں جو کسی کے سوال میں سے سوال اور شرارت کا اندازہ کر سکتے ہیں ،
ان شاء اللہ ایسا نہیں ہو گا بلکہ اس کے بر عکس ہوگا ، کئی ایسی بہنیں ہیں اور مزید ہوں گی جو خاموشی سے آ کر ان معلومات کا مطالعہ کرتی ہیں اور اللہ کے حکم سے کچھ مثبت علم حاصل کر جاتی ہیں ، اور اسی طرح کئی بھائی بھی ہیں ، جن کی طرف سے مجھے ذاتی برقی ڈاک میں شکریہ کے پیغامات موصول ہوئے ہیں ،
اس موضوع کو کچھ گھمبیر بنا دیا ہے ، بھائیو کی بے جا مداخلت نے ، اگر یہ نہ ہوتی تو شاید مزید خیر حاصل ہو تی ، و اللہ اعلم
انجم بھائی آپ کی اس امید کی طرف تو اعلیٰ انتظامیہ ہی توجہ کر سکتی ہے ، پوری ہو گی یا نہیں یہ اللہ ہی جانتا ہے ،
انجم بھائی، آپ جلدی جلدی ڈرانے دھمکانے لگ جاتے ہیں ، بھائی جی ، ایسا مت کیا کیجیے مجھ جیسے بوڑھے اور کمزور لوگ خوامخواہ سہم جاتے ہیں ،
آپ اگر ایسے سوالات کرنا چاہیں جو دینی مسائل سے متعلق ہوں ، خواہ ہماری زندگی کے کسی بھی پہلو سے متعلق ہوں تو """ آپ کے سوال و جواب """ میں اپنے سوال پوسٹ کیجیے ،
مجھے آپ کے بارے میں امید نہیں ، بلکہ یقین ہے کہ ان شاء اللہ آپ اپنے سوال بہترین مہذب الفاظ میں سامنے لائیں گے ،،اور اگر کوئی سوال بہت ہی زیادہ خاص اور پوشیدہ یا ذاتی نوعیت کا ہو گا تو آپ اپنی قابل ستائش شرم و حیا ، اور غیرت کی بنا پر اسے سب کے سامنے تو نہیں پوچھیں گے نا ، لہذا ان شاء اللہ اس میں کوئی پریشانی نہ ہو گی ۔
انجم بھائی اس معاملے میں آپ کو یقینا کہیں کوئی غلط فہمی ہوئی ہے ، الحمد للہ میرا نام کبھی بھی پاک نیٹ پر تو کیا کہیں بھی ""' سرخ """ نہیں ہوا ،
بھائی ، میں پاک نیٹ کے اسلامی سیکشن کی مجلس شوریٰ میں تو شامل ہوں ، لیکن ایسے سٹاف میں نہ کبھی تھا اور نہ ہوں جو بے چارے """ سرخ """ رہتے ہیں ،
بھائی بہنیں ناراض مت ہوں اور """ سرخ """ ہونے کی بجائے پاکستانی جھنڈے والا ""' سبزہ""' اپنا لیں ،
و السلام علیکم۔

عبداللہ حیدر

السلام علیکم چچا جان، اس کا مطلب ہے آپ ہمیں بھی بیچارے "سرخوں" میں شامل سمجھتے ہیں؟

ALIA

جن حضرات کو اسطرح کے موضوع شروع کرنے پر اعتراض ہے میں ان بھائی سے کہوں گی کہ یہ موضوع تو خواتین سے متعلق تھا پھر آپ کی تشریف آوری کا کیا مقصد اور اگر آپ آ ہی گئے ہیں تو خاموشی سے چلے جاتے تاکہ خواتین اپنے معاملات ڈسکس کر تی رہیں۔ میری بہت سی سہلیاں بالغ ہونے کے باوجود اکثر مسائل کے متعلق نہیں جانتی۔ غیر اسلامی باتیں تو انکو معلوم ہیں مگر اسلامی مسائل کے بارے میں انکی معلومات بلکل زیرو ہیں۔
یہ بہت اچھا سلسلہ ہے

عادل سہیل

السلام علیکم ورحمۃاللہ وبرکاتہ ،
جزاکِ اللہ خیرا ، عالیہ بہن ، آپ کی بات بہت مناسب ہے ، اللہ آپ کا بھلا فرمائے اور آپ کو ہماری بہنوں کے لیے ان کے مسائل سیکھنے کا سبب بنا لے ، والسلام علیکم۔