عبدالقدوس

9/11جیسے مزید حملوں کی پاکستان میں منصوبہ بندی کا خدشہ ہے،بش
واشنگٹن (جنگ نیوز) امریکی صدر بش نے کہا ہے کہ 9/11 جیسے مزیدحملوں کی منصوبہ بندی پاکستانی علاقو ں میں ہونے کا خدشہ ہے،امریکا کاایران پر حملے کا کوئی ارادہ نہیں ہماری پہلی ترجیح مذکرات ہی ہیں لیکن تہران کو متنبہ کرنا چاہتے ہیں کہ وہ عراق میں مداخلت بند کردے،انہوں نے کہا کہ دورہ چین کا مقصد اولمپکس گیمزمیں امریکی کھلاڑیوں کی حوصلہ افزائی کے سوا کچھ نہیں ہوگا،اس دورہ کا سیاست سے کوئی تعلق نہیں ،امریکا انسانی حقوق کی خلاف ورزیوں سے متعلق چینی رویئے سے اب بھی ناخوش ہے۔ تفصیلات کے مطابق امریکی ٹی وی کو انٹرویو میں صدر جارج ڈبلیو بش نے کہا ہے کہ امریکا پر 9/11جیسے حملے کی منصوبے بندی پاکستانی علاقے میں ہونے کا خدشہ ہے ایران اور القاعدہ امریکا کیلئے سب سے بڑا خطرہ ہیں ایران پر حملہ کا ارادہ نہیں تاہم عراق میں مداخلت جاری رہی تو تمام آپشن زیر غور ہیں ۔ صدر بش نے کہا کہ ان کے ملک پر 9/11جیسے کسی حملے کی منصوبہ بندی پاکستان کے علاقے میں تیار ہونے کا خدشہ ہے دہشت گرد 9/11جیسے حملے کی منصوبہ بندی کررہے ہیں تووہ افغانستان میں نہیں بلکہ ممکنہ طور پر پاکستانی علاقے میں تیار کی جارہی ہے۔ انہوں نے کہا کہ افغانستان میں دہشت گرد اس قسم کا منصوبہ بنائیں گے تو انہیں جڑ سے ختم کردیا جائیگا۔ صدر بش نے کہا کہ ایران سے مذاکرات اور سفارتکاری کے ذریعے مسائل کا حل پہلی ترجیح ہے ، صدر بش نے ایران سے مذاکرات سے متعلق ڈیموکریٹ صدارتی امیدوار بارک اوباما کے بیان پر تبصرہ کرتے ہوئے کہا کہ ایران کو غلط پیغام نہیں دیا جانا چاہئے ورنہ اس سے معاملات مشکل ہوجائیں گے بش نے ایران اور القاعدہ کو امریکا کے لیے صدی کا سب سے بڑا خطرہ قرار دیا ہے ۔دریں اثناء ایک انٹرویو میں امریکی معاون نائب وزیر خارجہ رچرڈ باؤچر نے کہا کہ امریکا جانتا ہے کہ پاکستان کے قبائلی علاقوں میں کچھ لوگ صلح جو ہیں لہٰذا حکومت پاکستان کے ان عناصر کے ساتھ مذاکرات کی حمایت کریں گے تاہم ایسے عناصر جو کہ تشدد پر یقین رکھتے ہیں ان کے ساتھ مذاکرات کی مخالفت کریں گے

__________________