ابن ضیاء

کراچی (رپورٹ: جاوید رشید) پاکستان کی سابق وزیراعظم محترمہ بینظیر بھٹوکے قتل کے اصل حقائق جاننے کے لیے امریکی سی آئی اے، برطانوی خفیہ ادارے، اسرائیل کی خفیہ تنظیم موساد، انڈین خفیہ ادارے را سمیت فرانس و جرمنی کے خفیہ اداروں نے اپنے اثرورسوخ کی بنیاد پر سانحہٴ راولپنڈی سے متعلق معلومات جمع کرنا شروع کردی ہیں۔کہا جا رہا ہے کہ ان سات ملکوں کی خفیہ سروسز نے اس سلسلے میں پی پی پی کے اہم رہنماؤں اور سینئر اخبار نویسوں سے رابطے کیے ہیں۔ کہا جا رہا ہے کہ بینظیر بھٹو کے قتل کو عالمی سطح پر بہت اہمیت دی جا رہی ہے۔ امریکا نے اس سلسلے میں تین عرب ممالک سے بھی حقائق تک رسائی کے لیے انٹیلی جنس مدد طلب کی ہے۔ ایک عرب ملک اور اسرائیل کے خفیہ اداروں کی جانب سے یہ بات سامنے آ رہی ہے کہ بینظیر بھٹوکے قتل کی تحقیقات میں ہر وقت شک و شبہ رہے گا، اس لیے حقائق تک جانا ضروری ہے۔ بھارتی خفیہ ادارے جلد بینظیر بھٹوکے قتل کی تحقیقات کی روشنی میں تفصیلات میڈیا کو جاری کریں گے۔