عبداللہ حیدر

بی بی سی کے مطابق حافظ محمد سعید جو جماعت الدعوۃ کے سربراہ ہیں، نے پاکستان میں ہونے والے خود کش حملوں کو فتنہ قرار دیا ہے۔ اللہ انہیں جزائے خیر دے، میں اس دوٹوک موقف پر انہیں اور ان کی جماعت کو مبارک باد پیش کرتا ہوں۔ خبر ملاحظہ کیجیے:
جماعتہ الدعوۃ کے امیر حافظ محمد سعید نے کہا ہے کہ سوات اور اسلام آباد سمیت پاکستان کے اندر جتنی بھی پرتشدد کارروائیاں ہورہی ہیں وہ جہاد نہیں بلکہ فتنہ ہیں۔
جماعتہ الدعوۃ کے امیر نے کہا کہ افغانستان پر امریکی حملہ ہو یا پھر لال مسجد کا سانحہ اس کے باوجود اسلام آباد کے میریٹ ہوٹل پر حملے کا کوئی جواز پیش نہیں کیا جاسکتا۔ انہوں نے یہ بات پاکستان کے ایک نجی ٹی وی چینل ایکسپریس نیوز کوانٹرویو دیتے ہوئے کہی۔ ایک سوال کے جواب میں انہوں نے کہا کہ اگر امریکہ یہ کہتا ہے کہ پاکستان میں دہشتگرد موجود ہیں تو حکومت پاکستان امریکہ سے ثبوت مانگے اور اس کے بعد ان افراد کے خلاف قانون کے مطابق کارروائی کی جائے۔ جماعتہ الدعوۃ کے سربراہ حافظ محمد سعید نے کہا کہ حکومت جب یک طرفہ آپریشن کرے گی اور دوسرے فریق کی بات نہیں سنے گی تو ان کاروائیوں کو نہیں روکا جاسکتا۔
حافظ محمد سعید نے ٹی وی چینل کو اپنے حالیہ انٹرویو میں پاکستان کے اندر ہونے والی پرتشدد کارروائیوں کی مذمت کی اور کہا کہ یہ ہرگز جہاد نہیں بلکہ فتنہ ہیں اور وہ اس کی حمایت نہیں کرتے۔ حافظ محمد سعید نے کہا کہ حکومت ان واقعات کی تحقیقات کرائے تو تمام حقائق سامنے آجائیں گے۔

تفسیر حیدر

اس بیان سے بہت سی غلط فہمیاں دور ہوں گی۔

شیئر کرنے کا بہت شکریہ

مون لائیٹ آفریدی

اللہ ہم کو تمام فتنوں سے بچائے رکھ ۔

عبداللہ حیدر

آمین۔ تکفیر کا فتنہ عرب ممالک میں کچھ دہائیاں قبل شروع ہوا تھا، اب پاکستان بھی اس کی زد میں ہے۔