فیصل ناصر

اقوامِ متحدہ میں پاکستان کے سابق سفارتکار احمد کمال نے کہا ہے کہ بینظیر بھٹو کے قتل کی تحقیقات کے لیے اقوامِ متحدہ کے خصوصی کمیشن میں نہ ماہرین ہیں اور نہ اس کے پاس کوئی واضح حکمتِ عملی ہی نظر آتی ہے۔ لہذا اس کمیشن کی رپورٹ سکاٹ لینڈ یارڈ کی رپورٹ سے زیادہ مختلف ہونے کا امکان بہت کم ہے۔
بی بی سی اردو سے بات کرتے ہوئے احمد کمال نے کہا کہ ’اس کمیشن کا زیادہ سے زیادہ پاکستان کو یہ فائدہ ہو سکتا ہے کہ اسے ’اچھی حکومت‘ کا سرٹیفیکیٹ مل جائے۔ لیکن بلوچستان کے مسئلے سمیت یہاں مسائل اتنے کٹھن ہیں کہ ایسا سرٹیفیکیٹ مل جانے سے بھی پاکستان کے مسائل کا حل نہیں نکلے گا۔‘
سابق سفارتکار کا کہنا تھا کہ سب جانتے ہیں کہ اتنی مدت گذر جانے کے بعد اس تحقیقات سے کوئی خاص بات نہیں نکل سکتی۔ ’لہذا بظاہر ایسے دکھائی دیتا ہے کہ حکومت چاہتی ہے کہ اسے ایک ایسی رپورٹ مل جائے جس پر اقوامِ متحدہ کا ٹھپہ لگا ہوا ہو۔‘
احمد کمال نے کہا کہ پاکستان حکومت کو اقوامِ متحدہ سے تحقیقات کا یہ فائدہ ہوگا کہ حکومت کو ’اچھائی کی سند‘ مل جائے گی لیکن مہنگائی، بجلی کے مسائل، امن و امان کے معاملات اور بلوچستان کی صورتِ حال جیسے مسائل انتہائی کٹھن ہیں جن کا حل اگر پاکستان کو اچھائی کا بیرونی سرٹیفیکیٹ مل بھی جائے، تو بھی نہیں نکل سکتا۔

بشکریہ بی بی سی

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

رضی

جتنا پیسا انہوں نے اس تحقیق پر لگانا ہے اتنے پیسے سے کم از کم 500 طالب علم اعٰلی تعلیم حاصل کر سکتے ہیں اور ھو سکتا ہے ان میں سے کوئی ایک آدھ ڈاکٹر عبدالقدیر یا ڈاکٹر عبدالسلام بن کر سامنے آجائے ۔ لیکن نہیں

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

wajee

صرف اپنی کرسی کی فکر سے سب کو

راشد احمد

سب ٹوپی ڈرامے ہیں ۔۔۔۔۔۔۔۔۔