راجہ اکرام

افغانستان میں اقوام متحدہ کے نمائندے نےافغانستان میں طالبان کی بڑھتی ہوئی طاقت پر اظہار تشویش کرتے ہوئے کہا ہے کہ افغانستان کے لوگ عالمی طاقتوں کے رویے سے انتہائی نالاں ہیں۔

افغانستان میں اقوام متحدہ کے نمائندے کائے ایدی نے اقوام متحدہ کی سکیورٹی کونسل کے اجلاس سے اپنے خطاب کے دوران کہا کہ افغانستان میں طالبان کی طاقت اور عوام میں مایوسی بڑھتی جا رہی ہے۔

اقوام متحدہ کے نمائندے نے کہا کہ افغانستان کی فوج اور پولیس کی تربیت اہم ہے لیکن افغانستان کے لوگوں کو اپنے معاملات خود حل کرنے کے قابل بنانے کے لیے سویلین اداروں کو مضبوط کرنا بہت اہم ہے۔

اقوام متحدہ کےنمائندے نے کہا کہ افغانستان کے عوام میں مایوسی بڑھ رہی ہے اور انہیں گلہ ہے کہ ان کے ساتھ کئےگئے وعدے پورے نہیں کیےگئے ہیں۔

انہوں نے کہا افغانستان کے عوام عالمی طاقتوں کے رویوں سے نالاں ہیں اور وہ سجھتے ہیں کہ حالیہ صدراتی انتخاب سے پہلے اور بعد میں بیرونی طاقتوں نے اپنی رائے افغانستان کے عوام پر مسلط کی ہے۔

اقوام متحدہ کے نمائندے نے کہا کہ افغان عوام سمجھتے کہ عالمی طاقتیں ان کی بےعزتی کر رہی ہیں اور افغانستان کو’ نومین لینڈ‘ تصور کرتی ہیں۔ انہوں نے کہا اگر افغانستان کے بارے عالمی طاقتوں نے اپنی روش نہ بدلی تو افغانستان مزید پستی میں چلا جائے گا۔

__________________
محتاج اصلاح و دعا