خرم شہزاد خرم

یکم جنوری سے گیس کی قیمتوں میں کیا گیا اضافہ واپس لیا جائے،میاں زاہد



کراچی (پ ر) طارق روڈ ٹریڈرز ایکشن کمیٹی کے چیئرمین صدیق میمن نے کہا کہ شہر میں پانچ روزہ کاروبار کی بندش اور اس کے دوران ہولناک تباہی نے تاجروں میں کئی خطرات و خدشات پیدا کئے ہیں اورآئندہ کیلئے کاروباری لائحہ عمل کی منصوبہ بندی کی جا رہی ہے تاکہ تجارتی مراکز میں لوٹ مار اور انہیں نذر آتش کرنے کے واقعات سے ہونے والے نقصانات کا ازالہ ہوسکے۔ انہوں نے کہا کہ فیصلہ کیا گیا ہے کہ فوری طور پر کاروباری مراکز، املاک، دکانوں اور ان کے رکھے ہوئے سامان کا مکمل انشورنس کرایا جائے کیونکہ اس وقت 95 فیصد دکانیں بغیر انشورنس کے ہیں اور کاروباری طبقے کو انشورنس اور پریمیم کی ادائیگی کی مد میں کروڑوں روپے کے اضافی اخراجات برداشت کرنے پڑیں گے۔ انہوں نے کہا کہ انشورنس کمپنیاں گھراؤ جلاؤ کا انشورنس کریں گی مگر کاروبار کی طویل بندش سے ہونے والے اربوں روپے کے نقصانات کو حکومت انشورنس کرے کیونکہ تاجر حکومت کو اربوں روپے کے سالانہ ٹیکس دیتے ہیں اور حکومت کو چاہئے کہ انہیں کلیم کی صورت میں کاروباری نقصانات کا معاوضہ ادا کرے۔ انہوں نے کہا کہ پانچ روزہ بندش کے باعث شہر کی 68 چھوٹی بڑی مارکیٹیں 135 بازار، 155 شاپنگ سینٹرز کی ڈیڑھ لاکھ سے زائد دکانیں مکمل طور پر بند رہیں جس کے باعث چھوٹے تاجروں کا 17 ارب روپے کا کاروباری نقصان ہوا۔ انہوں نے حکومت سے مطالبہ کیا ہے کہ آئندہ کیلئے باقاعدہ سیکورٹی پلان تیار کیا جائے اور قانون نافذ کرنے والے اداروں کو تجارتی مراکز کے تحفظ اور انہیں مکمل سیکورٹی فراہم کرنے کے احکامات جاری کئے جائیں۔