خرم شہزاد خرم

ہنگاموں اور جلاؤ گھیراؤ میں ملوث افراد کے خلاف کارروائی کی جائے، جے یو آئی



کراچی (پ ر) جمعیت علمائے اسلام صوبہ سندھ کے ناظم مالیات اور پی ایس 97 سے متحدہ مجلس عمل کے نامزد امیدوار مولانا ڈاکٹر نصیر الدین سواتی نے گزشتہ دنوں ہنگاموں جلاؤ گھیراؤ ار شرپسند عناصر کے جانب سے پی ایس 97 کی مختلف متاثر فیکٹریوں دکانو و مکانوں سرکاری اور نجی املاک کو نقصان پہنچانے کی شدید مذمت کرتے ہوئے کہا کہ شرسند عناصر کیخلاف سخت کارروائی کر کے ان کو کیفر کردار تک پہنچایا جائے اور نقصانات کا فی ازالہ کیا جائے وہ تیسر ٹاؤن، لیاری ایکسپریس وے، دریا خان گوٹھ، رمان گوٹھ خدا کی بستی، صدیق گوٹھ، منگھو پیر، بلوچ گوٹھ گلشن بہار، کے علاوہ مختلف مقامات کیدورے کے موقع پر گفتگو کر رہے تھے اس موقع پر ان کے ہمراہ مولانا عبدالکریم نالوی، مولانا محمد نصی مینگل، محمد شریف گلبول، مولانا محمد خان گبول، حافظ محمد اشرف مینگل، اعجاز خان سواتی، محمد سمیع لحق سواتی، قاری محمد سعید مہمند، مولانا محمود، ڈاکٹر عنایت اللہ خان سواتی، حاجی موسیٰ ستھاتی و دیگر بھی موجود تھے۔ انہوں نے کہا کہ 27 دسمبر کو ہونے والے سانحے پر پوری قوم سوگوار ہے۔ اس کے رد عمل پرجو تشدد کی لہر اٹھی اور عوام کو جس کرب میں مبتلا کیا گیا اس پر پورا ملک مضطرب ہے۔ انہوں نے کہا کہ کراچی میں سینکڑوں گاڑیاں کارخانے دفاتر سرکاری و نجی املاک کو جلایا گیا لوٹ مار کی گئی تشدد و قتل و غارت کا بازار گرم کیا گیا یہ ملک کی تاریخ کل سیاہ ترین دور تھا۔