عبدالقدوس

گلشن اقبال : خاتون سے بدتمیزی سے منع کرنے پر بااثر شخص کا 2 خواتین اور ایک بزرگ پر تشدد
کراچی (اسٹاف رپورٹر) گلشن اقبال میں منگل کی شب مسلح شخص نے 2 خواتین اور ایک بزرگ شخص کو تشدد کا نشانہ بنایا اور ہراساں کیا۔ اس بات کا انکشاف فیض بخش اس کی اہلیہ عاصمہ اور بہو ریحانہ نے ’جنگ‘ سے بات چیت کرتے ہوئے کیا۔ انہوں نے بتایا کہ وہ گلشن اقبال بلاک تھری میں رہائش پذیر ہیں‘ ان کا پڑوسی جو اکثر انہیں چھیڑتا ہے اور آج اس نے ریحانہ کا ہاتھ پکڑلیا جب اس نے احتجاج کیا تو اس کو تھپڑ مارا‘ اسے بچانے اس کا سسر فیض بخش اور ساس عاصمہ آئی تو انہیں بھی تشدد کا نشانہ بنایا۔ انہوں نے کہا کہ جب ہم تھانہ رپورٹ کرانے گئے تو پولیس نے اس بااثر شخص کی طرفداری کی اور اس کے خلاف ایف آئی آر درج نہیں کی۔ انہوں نے آئی جی سندھ پولیس سے مطالبہ کیاکہ مذکورہ شخص کے خلاف قانونی کاروائی کی جائے۔

__________________