راجہ اکرام

ملائیشیا کے دارالحکومت کوالالمپور میں مسلمان گروہوں کی جانب سے اعلان کردہ احتجاجی مظاہروں سے قبل عیسائیوں کی تین عبادت گاہوں پر حملہ کیا گیا ہے۔

اس حملے کے بعد شہر بھر میں پولیس کو الرٹ اور حفاظتی انتظامات سخت کر دیے گئے ہیں۔

حملے میں ایک گرجاگھر کے انتظامی دفتر کو بم دھماکے میں مکمل تباہ کر دیا گیا، ایک کو جزوی نقصان پہنچا جبکہ ایک محفوظ رہا۔

کلِک گرجا گھروں پر حملے اور مظاہروں کی تصاویر

ایک گرجا گھر کے ترجمان کیون آنگ کا کہنا ہے کہ حملہ نصف شب کے کچھ دیر بعد ہوا اور اس میں تین منزلہ گرجا گھر کی پہلی منزل پر واقع دفتر جلا کر تباہ کر دیا گیا۔ کوالالمپور پولیس کے مطابق انہیں جائے وقوعہ سے ایک رینچ، پیٹرول کا خالی ڈبہ اور دو جلی ہوئی موٹر سائیکلیں ملی ہیں۔

بقیہ دو حملوں میں گرجا گھروں کے صحن میں پیٹرول بم پھینکے گئے جن سے ایک گرجا گھر میں معمولی نقصان ہوا جبکہ ایک گرجا گھر بالکل محفوظ رہا۔

ملائیشیا کے وزیراعظم نے ان حملوں کی مذمت کرتے ہوئے کہا ہے کہ ایسے واقعات سے ملک کا امن تباہ ہو سکتا ہے۔نجیب رزاق نے کہا ہے کہ ’حکومت ایسے واقعات کی روک تھام کے لیے ہرممکن اقدامات کرے گی۔

ملائیشیا میں مسلمان گروہ اس عدالتی فیصلے پر ناراض ہیں جس کے مطابق دیگر مذاہب کو بھی خدا کا حوالہ دینے کے لیے لفظ ’اللہ‘ استعمال کرنے کی اجازت دی گئی ہے۔ خیال رہے کہ ملائیشیا میں کچھ مسلم تنظیمیں عدالتی فیصلے کے خلاف جمعہ کو مظاہرے کرنے کا ارادہ رکھتی ہیں۔ مسلم اکثریتی ملک ہونے کی وجہ سے ملائیشین حکومت جمعہ کو ہونے والے مسلم مظاہروں کو نہیں روکے گی تاہم پولیس حکام نے لوگوں سے ان مظاہروں میں شرکت نہ کرنے کی اپیل کی ہے۔

ملائیشین حکومت نے دیگر مذاہب کو لفظ ’اللہ‘ کے استعمال کی اجازت دیے جانے کے خلاف عدالت میں اپیل کی ہوئی ہے اور عدالت نے اس فیصلے کو اپیل پر فیصلہ آنے تک معطل کر دیا ہے۔

بی بی سی اردو

__________________
محتاج اصلاح و دعا

عدنان دانی

مسلمانوں کو بدنام کرنے کی ایک اور سازش

راجہ اکرام

کہنے والے تو کہہ دیں گے یہ بھی طالبان نے ہی کیا ہے