کوئٹہ : پروفیسر کیانی کی نماز جنازہ ،قتل کے شبہ میں دودرجن سے زائد مشتبہ ا
کوئٹہ : پروفیسر کیانی کی نماز جنازہ ،قتل کے شبہ میں دودرجن سے زائد مشتبہ ا
کوئٹہ : پروفیسر کیانی کی نماز جنازہ ،قتل کے شبہ میں دودرجن سے زائد مشتبہ افراد گرفتار
کوئٹہ (جنگ نیوز) بلوچستان یونیورسٹی کے قائم مقام وائس چانسلر پروفیسر ڈاکٹر صفدر علی کیانی جن کو گزشتہ رات نامعلوم دہشت گردوں نے فائرنگ کرکے ہلاک کر دیا تھا ان کی نماز جنازہ آج بلوچستان یونیورسٹی کے احاطے میں ادا کی گئی، ان کے قتل کے شبہ میں دودرجن سے زائد مشتبہ افراد کو گرفتار کر لیا گیا ہے جبکہ مزید ملزمان کی گرفتاری کیلئے کریک ڈاؤن جاری ہے، پروفیسر صفدر کیانی کی نماز جنازہ میں گورنر بلوچستان نواب ذوالفقار مگسی بلوچستان ہائیکورٹ کے چیف جسٹس جسٹس امان اللہ یاسین زئی اور ہائیکورٹ کے جج صاحبان کے علاوہبلوچستان یونیورسٹی کے سابق وائس چانسلر بریگیڈیئر ریٹائرڈ آغا گل سمیت بلوچستان یونیورسٹی کے اکیڈمک اسٹاف کے عہدیداروں کے علاوہ طالب علموں معزز شہریوں سمیت دیگر اعلیٰ حکام نے کثیر تعداد میں شرکت کی نمازہ جنازہ کے بعد مرحوم صفدر کیانی کا تابوت یونیورسٹی سے کوئٹہ ائیرپورٹ روانہ کر دیا گیا جہاں سے ان کی میت پی آئی اے کی فلائٹ کے ذریعے کوئٹہ سے اسلام آباد روانہ کی گئی۔ مرحوم صفدر علی کیانی بلوچستان یونیورسٹی میں گزشتہ 30سال سے پڑھا رہے تھے صفدر کیانی کے قتل کے سوگ میں بلوچستان یونیورسٹی سمیت دیگر تمام یونیورسٹیاں تین روز کے لئے پہلے ہی بند کرنے کا اعلان کیا جا چکا ہے۔ پولیس ذرائع نے گرفتار کیے جانے والے افراد کے بارے میں بتانے سے گریز کیا ہے۔
__________________
http://voobuzz.com it's the place where you can talk about things you find interesting, Share updates, photos, videos, and more.
|