راجہ اکرام

کوئٹہ…کوئٹہ میں جناح روڈ پر امداد چوک کے قریب دھماکا ہوا جس میں دو ایف سی اہلکار سمیت 12 افراد زخمی ہوئے۔پولیس کے مطابق امداد چوک سے پہلے جناح روڈ پر مقامی ہوٹل کے باہر کھڑی موٹر سائیکل میں نصب بم ایک زور دار دھماکے سے پھٹ گیا جس سے 2 ایف سی اہلکار سمیت 12افراد زخمی ہوگئے۔ زخمیوں میں زیادہ تر ریڑھی بان اور راہگیر شامل ہیں ۔دھماکے کے وقت ایف سی کی گاڑی وہاں سے گذر رہی تھی زخمیوں کو سول ہسپتال اور سی ایم ایچ منتقل کردیا گیا،زخمیوں میں سے دو کی حالت تشویشناک بتائی جاتی ہے ۔دھماکے کی اطلاع پر لوگوں کی بڑی تعداد ہسپتال اور موقع پر پہنچ گئی ۔دوسری جانب دھماکے سے وہاں قریب ہوٹل اور دیگر عمارتوں کے علاوہ قریب میں کھڑی دیگر گاڑیوں کو نقصان پہنچا اور ان کے شیشے ٹوٹ گئے جبکہ ایک گاڑی مکمل تباہ ہوگئی ۔ بم ڈسپوزل اسکواڈ کے مطابق دھماکامیں ٹائم ڈیوائس استعمال کی گئی تھی۔


Jang Urdu Searchable

__________________
محتاج اصلاح و دعا

نیلم خان

اللہ پاک ھم پر رحم فرمائے روز بم دھماکے اللہ کی پناہ