عدنان دانی

عراق کے شہر کربلا میں امام حسین کے چہلم کے موقع پر خودکش حملے میں کم از کم بیس افراد ہلاک ہوگئے ہیں۔

اس دھماکے میں درجنوں افراد زخمی بھی ہوئے ہیں۔

امورِ صحت کے اہلکاروں نے خبر رساں ادارے اے ایف پی کو بتایا کہ یہ دھماکہ ایک اہم شیعہ زیارت کی طرف جانے والے راستے پر ہوا۔

عراقی پولیس کے مطابق حملہ آور نےگاڑی زائرین پر چڑھا دی اور دھماکہ کر دیا۔ اس سے پہلے یہ اطلاعات تھیں کہ دھماکہ خیز مواد ایک ریڑھی پر رکھا ہوا تھا جسے ایک موٹر سائیکل کے ذریعے کھینچا جا رہا تھا تاہم اب پولیس نے وضاحت کر کے بتایا ہے کہ حملہ آور گاڑی میں سوار تھا۔

پیر کو ایک خود کش خاتون حملہ آور نے بغداد کے شمال مشرق میں دھماکے سے اکتالیس افراد کو ہلاک کر دیا تھا۔

عراق میں حالیہ دھماکوں پر بغداد میں بی بی سی کے نامہ نگار کا کہنا تھا کہ یہ بم دھماکے منظم انداز میں کیے گئے اور ان کا مقصد رواں سال مارچ میں ہونے والے عام انتحابات سے قبل سکیورٹی کی صورتحال کو ابتر کرنا ہے۔

بی بی سی اردو

__________________

اور اس نے میرے ساغر میں
مئے سرخ انڈیلی ۔۔۔ تو کہا
مت سوچو !