ابو کاشان

کراچی (اسٹاف رپورٹر) کراچی میں منگل کو 7تھانوں کے ایس ایچ اوز کو تبدیل کردیا گیا۔ سی سی پی او کراچی کی جانب سے جاری کردہ ایک نوٹیفیکیشن کے مطابق گذری تھانے کے ایس ایچ او انسپکٹر عارف رزاق کا تبادلہ کرکے انہیں منگھوپیر تھانے کا ایس ایچ او مقرر کیا گیا جبکہ گذری میں سجاد الحسن کو ایس ایچ او تعینات کردیا گیا ہے۔ گڈاپ سٹی تھانے کے ایس ایچ او انسپکٹر جاوید اقبال آفریدی کا تبادلہ کرکے انہیں ایس ایچ او سہراب گوٹھ جبکہ اعجاز راجپر کو ایس ایچ او گڈاپ سٹی مقرر کیا گیا ہے۔ دیگر تبادلوں میں حسیب اللہ قریشی کو ایس ایچ او پریڈی، عاصم رحمانی کو ایس ایچ او سرجانی اور جاوید حسین کو ایس ایچ او ابراہیم حیدری مقرر کیا گیا ہے۔ مذکورہ تینوں تھانوں میں تعینات پولیس افسران کو سینٹرل پولیس آفس رپورٹ کرنے کی ہدایت کی گئی ہے۔