خرم شہزاد خرم

کراچی میں نیا سال سادگی سے منایا گیا، لوگ گھروں سے باہر نہیں آئے



کراچی (اسٹاف رپورٹر) سابق وزیر اعظم محترمہ بے نظیر بھٹو اور ان کے ساتھیوں کی شہادت کی وجہ سے کراچی میں نیو ایئر سادگی سے منایا گیا شہر میں ہوائی فائرنگ بھی بہت کم ہوئی جبکہ نوجوانوں نے موٹر سائیکلوں پر سڑکوں پر مارچ نہیں کیا۔ لوگ نیو ایئر نائٹ پر گھروں سے باہر نہیں آئے۔ نیو ایئر نائٹ پر شہر میں لوگوں کی بڑی تعداد گاڑیوں اور موٹر سائیکلوں پر گھروں سے باہر نکل آتی تھی جس کے باعث ٹریفک جام ہوجاتا تھا جبکہ پولیس و رینجرز کے جوانوں نے سی ویو جانے والے راستوں کو سیل کیا ہوا تھا کنیٹنر رکھ کر سڑکوں کو بلاک کردیا گیا تھا۔ پولیس و رینجرز کی بھاری نفری تعینات کردی گئی تھی اور کسی بھی غیر معمولی صورتحال سے نمٹنے کے لیے مکمل تیاریاں تھیں۔ پولیس نے کئی موٹر سائیکل سواروں کو حراست میں لے لیا جنہوں نے سائلنسر نکالے ہوئے تھے۔