ابو کاشان

کراچی (اسٹاف رپورٹر) پاکستان رینجرز (سندھ) نے بریگیڈیئر فقاء الرحمن کی زیرنگرانی کراچی کے مختلف گوداموں سے ہزاروں ٹن گندم کراچی کے 77/ملوں میں بھیج دیا ہے، رینجرز کے اعلامیے کے مطابق آٹا ملوں پر تعینات رینجرز کے افسران و اہلکار اس بات کو یقینی بنا رہے ہیں کہ ملوں میں گندم کو آٹے میں تبدیل کر کے عوام تک پہنچایا جائے جس سے شہر میں آٹا عوام کو سرکاری ریٹ پر دستیاب ہو رہا ہے اس کے علاوہ حیدرآباد اور اس کے گرد و نواح میں قاسم رینجرز و تھر رینجرز کی بروقت کارروائی سے عوام کو آٹے کی سپلائی کا کام بڑی تیزی سے جاری ہے، سکھر میں شہباز رینجرز کے کمانڈنٹ کرنل آصف نے بھرپور اقدامات کیے ہیں جو گندم بلوچستان کے راستے جہاں سے افغانستان اور ایران کو اسمگلنگ ہوتی تھی، اس کو موٴثر طریقے سے کنٹرول کر دیا گیا ہے، نواب شاہ میں انڈس رینجرز کے کمانڈنٹ کرنل مقصود نے ضلعی ناظمہ کے تعاون سے شہر اور اس کے گرد و نواح کے علاقوں میں آٹے کی ترسیل کے نظام کو بہتر بنا دیا گیا ہے اور آٹا عوام کو سرکاری ریٹ پر میسر کیا جا رہا ہے، ڈی جی رینجرز نے سندھ کی خصوصی ہدایات پر بھارت کے ساتھ سرحدوں کی بھی کڑی نگرانی کی جا رہی ہے تاکہ آٹے کی سرحدپار اسمگلنگ کو موٴثر طریقے سے کنٹرول کیا جا سکے۔