عبدالقدوس

ڈنمارک کے سفیرکی دفترخارجہ طلبی، متنازع کارٹون کی اشاعت پر احتجاج
اسلام آباد (جنگ نیوز) پاکستانی حکومت نے ڈنمارک کے اخبارات میں متنازع کارٹون کی دوبارہ اشاعت پر منگل کو ڈنمارک کے سفیر کو دفتر خارجہ میں طلب کرکے شدید احتجاج کیا۔ وزارت خارجہ سے جاری ہونے والے بیان کے مطابق ڈنمارک کے سفیر کو دفتر خارجہ میں طلب کرکے توہین آمیر خاکوں کی اشاعت پر سخت مذمت کا اظہار کرتے ہوئے سفیر کو آگاہ کیا کہ خاکوں کی دوبارہ اشاعت سے دنیا بھر میں مسلمانوں کے جذبات کو شدید ٹھیس پہنچی ہے۔ انہوں نے کہا کہ ہم پریس کی آزادی کو مقدم سمجھتے ہیں مگر اظہار رائے کی آزادی دیگر مذاہب کی توہین اور انہیں بدنام کرنے کا لائسنس نہیں ہونا چاہیے۔ جس سے دوسرے مذاہب کیلئے بے ادبی کا اظہار ہو۔ انہوں نے ذور دیا کہ خاکوں کی اشاعت سے ان لوگوں اور ممالک کی کوششوں کو نقصان پہنچا ہے جو تہذیبوں کے درمیان فاصلے ختم کرنا چاہتے ہیں۔ دریں اثنا ڈنمارک کے سفیر نے دفتر خارجہ کے اعلیٰ حکام سے کہا کہ خاکوں کی اشاعت میں ڈنمارک حکومت کا کوئی ہاتھ نہیں اور اس بارے میں ڈنمارک کی حکومت کو مسلمانوں اور پاکستانی حکومت کے جذبات سے ضرور آگاہ کیا جائے گا۔

__________________

خرم شہزاد خرم

اس کے خلاف احتجاج ہونا چاہیے ڈنمارک والے اس طرح باز نہیں آئے گے