راجہ اکرام

امریکی سینیٹروں کے ایک وفد نے جمعہ کو پاکستان کے دورے کے اختتام پر ڈرون حملوں کا بھرپور دفاع کرتے ہوئے کہا ہے کہ ڈرون ایک خوفناک دشمن کے خلاف امریکی فوج کو حاصل ہتھیاروں میں سب سے اہم اور موثر ہتھیار ہے۔

امریکی سینٹروں کے وفد نے جس کی قیادت سینٹر جان مکین کر رہے تھے، اسلام آباد سے روانگی سے قبل ایک مشترکہ پریس کانفرنس میں اس بات کا اعتراف کیا کہ پاکستان کی حکومت کے ساتھ ان کی حکومت کا بعض معاملات پر اتفاق نہیں ہے۔

سینٹر جان مکین نے کہا کہ پاکستان کے صدر اور وزیراعظم سے ان کی ملاقاتوں میں ڈرون حملوں کے بارے میں ان کی بات چیت ہوئی ہے اور اس سلسلے میں امریکہ اور پاکستان میں کچھ اختلاف ہے۔ انہوں نے کہا کہ ’ہم ہربات پر متفق نہیں ہیں، لیکن جیسا کہ میں کہہ چکا ہوں اور میری حکومت نے بھی کہاہے کہ ڈرون ایک اہم ہتھیار ہے جسے ہمیں ایک خطرناک اور ثابت قدم دشمن کے خلاف ضرور استعمال کرنا چاہیے۔‘

جان مکین نے مزید کہا کہ ان کی معلومات کے مطابق پاکستان کے قبائلی علاقوں میں ایسے عناصر موجود ہیں کہ جن کے خلاف کارروائی نہ کی گئی تو وہ افغانستان جا کر امریکی اور نیٹو افواج پر حملے کریں گے۔ انھوں نے کہا کہ یہ عناصر کابل حکومت کو کمزور کر کے افغانستان کو دوبارہ امریکہ اور مغرب پر حملوں کی منصوبہ بندی کرنےکا گڑھ بنا لیں گے۔

ہم ہربات پر متفق نہیں ہیں، لیکن جیسا کہ میں کہہ چکا ہوں اور میری حکومت نے بھی کہاہے کہ ڈرون ایک اہم ہتھیار ہے جسے ہمیں ایک خطرناک اور ثابت قدم دشمن کے خلاف ضرور استعمال کرنا چاہیے۔



جان مکین نے ڈرون حملوں کے حوالے سے مختلف سوالات کا جواب دیتے ہوئے کہا کہ اگر ڈرون حملوں سے مطلوبہ نتائج حاصل نہ ہو سکے تو ابھی کوئی اور متبادل زیرِ غور نہیں ہے۔

پاکستان کی سرحدوں کے اندر امریکی فوج کی طرف سے زمینی کارروائی کے حوالے سے ایک سوال کا جواب دیتے ہوئے، انھوں نے کہا کہ انھیں کسی بھی بریفنگ میں ابھی تک ایسی کسی تجویز کے بارے میں آگاہ نہیں کیا گیا۔تاہم انھوں نے کہا کہ ’ایسی کارروائی ان کے خیال میں پاکستان حکومت اور فوج کے اتفاق اور مکمل تعاون کے ساتھ ہی ہونی چاہیے‘۔

امریکی سینٹروں کے اس وفد نے اسلام آباد میں قیام کے دوران صدر آصف علی زرداری، وزیر اعظم یوسف رضا گیلانی اور پاکستان فوج کے سربراہ جنرل اشفاق پرویز کیانی سے ملاقات کی۔ صدر آصف علی زرداری سے جمعرات کو ملاقات کے دوران ڈرون حملوں کا معاملہ بھی زیرِ بحث آیا۔

پاکستان ڈرون حملوں میں شہری ہلاکتوں پر تشویش کا اظہار کرتا رہا ہے اور ان حملوں کو اپنی خودمختاری کی خلاف ورزی قرار دیتا رہا ہے۔ پاکستان ان خدشات کا بھی اظہار کرتا رہا ہے کہ ڈرون حملوں میں شہری ہلاکتوں سے شدت پسندوں کے لیے عوامی سطح پر ہمدردی پیدا ہو سکتی ہے اور شدت پسندوں کے خلاف فوجی کارروائیوں میں حکومت کو دشواری پیش آ سکتی ہے۔

بی بی سی اردو

__________________
محتاج اصلاح و دعا

ھارون اعظم

یہ لوگ ہمارے ملک میں آ کر ہمیں بتا رہے ہیں کہ ڈرون حملے ضروری ہیں۔ ہمارا کوئی وزیر وہاں جا کر ایسا کہہ سکتا ہے؟

راجہ اکرام

ہمارے وزیر کو تو وہ لوگ ائر پورٹ پر ہی جوتے تک اتروا کر چیکنگ کر د یتے ہیں

عروج

اللہ ھمارے دل مضبوط کرے مگر یہ تب ھو گا جب ھمیں اس ذاتِ کریمی پر اعتماد بڑھے گا۔۔۔۔۔۔۔۔۔۔۔ ۔

محمد عاصم

یہ ڈرون کچھ بھی نہیں ہیں اگر ان کفار کے ایجنٹ کام نہ کریں تو، اصل میں ہوتا یہ ہے کہ پہلے ان کفار کے ایجنٹ اس جگہ جہاں حملہ کروانا ہوتا ہے ایک چِپ لگاتے ہیں جس سے حملہ کی جگہ اور مزائل کو انفراریڈ شوائیں ملتی ہیں جس سے ٹارگٹ صحیح نشانہ بنتا ہے۔
اگر یہ ایجنٹ یہ کام نہ کریں تو اتنا نقصان نہ ہو مگر افسوس ہے ان نام نہاد مسلمانوں پر جو چند ڈالر کی حاطر اپنا ایمان ضائع کر رہے ہیں۔

__________________
http://muslim-islamicpoint.blogspot.com

راجہ اکرام

چپ لگانے والوں کو تو نہیں روکا جا سکتا
لیکن ایک آزاد اور خود مختار ملک کی سرحدوں کی جب اس طرح خلاف ورزی ہو تو اس ملک کی حکومت ’’اگر آزاد ہو تو‘‘ انہیں روک سکتی ہے۔ اگر باز نہ آئیں تو علاج بھی کر سکتی ہے

گزشتہ دنوں افغانستان میں شاید حزب اسلامی نے تین ڈرون مار گرائے ہیں