پاکستانی

چین نے ’نیو یارک ٹائمز‘ کے تحقیق کار کو رہا کر دیا

September 15, 2007



اخبار’دِی نیو یارک ٹائمز‘کے ایک تحقیق کار کو چینی جیل سے رہائی دے دی گئی ہے جِن کو تین سال پہلے ریاستی رازفاش کرنے کے الزام میں قید کر دیا گیا تھا۔



بیجنگ کے قید خانے سے باہر آتے ہوئے زھاؤ یان کو آج ہفتے کے دِن دوستوں اور خاندان نے خوش آمدید کہا۔



تحقیق کار کو 2004ء میں ایک خبر دینے پر قید کیا گیا تھا جِس میں اِس بات کا امکان ظاہر کیا گیا تھا کہ اُس وقت کے صدر جیانگ زیمن ملک کی افواج کے سربراہ کے طور پر ریٹائر منٹ پر جا سکتے ہیں۔ اُس وقت، مسٹر جیانگ کی ریٹائرمنٹ صیغہ راز میں رکھی گئی تھی۔



زہاؤ پر الزام عائد کیا گیا تھا کہ اُس نے ریاستی راز فاش کیا ہے۔بعد میں ناکافی ثبوت کی بنا پر چینی عدالت نے اِن الزامات کو مسترد کر دیا۔ تاہم 2006ء میں زھاؤ پر دھوکہ دہی کا ایک غیر متعلقہ الزام عائد کرکے تین برس کے لیے قید کی سزا سنا دی گئی تھی۔



اُنہوں نے اِن الزامات کو مسترد کیا تھا۔


’دِی نیو یارک ٹائمز‘ کے بیجنگ کے بیورو میں شامل ہونے سے پہلے، زہاؤ چین کے دیہی مسائل کے بارے میں لکھا کرتا تھا۔



انسانی حقوق کے لیے کام کرنے والے گروپوں کا کہنا ہے کہ اُن کے خلاف مقدمہ سیاسی بنیادوں پر قائم کیا گیا تھا جِس کا مقصد صحافیوں کو دبانا، اور اُن لوگوں کو خاموش کرانا ہے جو حکومت کو چیلیج کرتے ہیں۔



صحافیوں کی تنظیم ’رپورٹرز وداؤٹ بارڈرز‘ کے مطابق کم از کم 35 ایسے عامل صحافی ہیں جو اپنے پیشے کی بجا آوری کی بناء پر اس وقت چین میں قید کاٹ رہے ہیں۔



ایک اور تنظیم،’ کمیٹی ٹو پروٹکٹ جرنلسٹس‘ کا کہنا ہے کہ 2006ء میں چین دنیا کے اُن ملکوں میں شمار کیا گیا، جہاں سب سے زیادہ تعداد میں صحافیوں کوقید میں رکھا جاتا ہے۔

__________________

عبدالقدوس

چین زندہ باد ہے وہ بھی بڑے استاد ہیں‌اپنے خلاف کوئی بات شائع نہیں‌ ہونے دیتے