instafotos

چین میں موبائل فون کمپنیوں کی طرف سے کنکشن فیسوںمیں کمی کے فیصلے کے بعد موبائل فون صارفین کی تعداد میں اضافہ سے لینڈ لائن فون صارفین میں مسلسل کمی ہو رہی ہے اور رواں سال کے دوران ہر دوسرے بالغ چینی شہری کے پاس موبائل فون موجود ہے۔ پیر کو سرکاری خبررساں ایجنسی نے بتایا کہ سرکاری اعدادوشمار کے مطابق چین میں موبائل فون کی تعداد ایک ارب تیس کروڑ سے تجاوز کر رہی ہے جس میں مزید تیزی سے اضافہ کی توقع ہے۔ رواں سال مئی تک 592 ملین نئے موبائل فون کنکشن جاری کئے جا چکے ہیں جبکہ گذشتہ سال اسی عرصہ میں یہ تعداد 543.3 ملین تھی۔ رواں سال نو فیصد اضافہ دیکھنے میں آ رہا ہے۔ یاد رہے کہ موبائل فون کمپنیوں نے مارکیٹ میں زیادہ شیئر حاصل کرنے کیلئے جب فیسوں میں کمی کا اعلان کیا تو اس سے فکسڈ لائن فون کے صارفین کی ایک بڑی تعداد موبائل فوں حاصل کرنے کی طرف راغب ہوئی اور رواں سال کے دوران لینڈ لائن فون رکھنے والے صارفین کی تعداد میں نمایاں کمی ہوئی ہے۔