عبدالقدوس

چوہدری شجاعت اور پیر پگارا میں مفاہمت وزیراعظم کی سیاسی مہارت کی عکاس

وزیراعظم شوکت نے پاکستان مسلم لیگ کے سربراہ چوہدری شجاعت حسین اور حروں کے روحانی پیشوا پیر صاحب پگارا کے درمیان غلط فہمیاں دور کروا دیں سیاسی حلقے کراچی میں پیر صاحب پگاڑا کے ساتھ وزیراعظم اور چوہدری شجاعت کی ملاقات کو بہت اہمیت دے رہے ہیں اور ان کا کہناہے کہ پیر صاحب پگاڑا اور چوہدری شجاعت کے درمیان مفاہمت سے وزیراعظم شوکت عزیز کی سیاسی مہارت کی عکاسی ہوتی ہے ایک اخبار نویس نے پیر پگاڑا سے کہا کہ آپ تو کہتے تھے کہ چوہدری صاحب زیرو ہیں جس پر پیر پگاڑا نے کہا کہ نہیں اب وہ ہیرو ہیں ہم سب مل کر پیپلز پارٹی کا مقابلہ کریں گے وزیراعظم شوکت عزیز ہفتہ کے روز ہی چوہدری شجاعت حسین کے ہمراہ متحدہ قومی موومنٹ کے مرکزی دفتر نائن زیرو بھی گئے جب قائد تحریک الطاف حسین نے ان کا ٹیلی فون پر استقبال کیا اس موقع پر انتخابات مشترکہ طور پر لڑنے کیلئے مسلم لیگ اور متحدہ کی مشترکہ کیٹی بنانے کا جو فیصلہ ہوا اسے بھی بڑی اہمیت دی جارہی ہے۔سیاسی مبصرین کے مطابق یوں لگتا ہے کہ شوکت عزیز اور چوہدری شجاعت حسین نے اکھٹے کراچی آ کر سیاسی طور پر یہ پیغام دیا ہے کہ پیپلز پارٹی کا سندھ میں مقابلہ کرنے کیلئے حکمران اتحاد کو ایک وحدت کی حیثیت سے انتخابی میدان میں اترے گا۔

بشکریہ
جنگ

__________________