عبدالقدوس

پیٹرول کی قیمت میں اضافہ عوام دشمنی ہے، اپوزیشن ارکان سینیٹ
اسلام آباد (جنگ نیوز)سینیٹ میں اپوزیشن کے قائد سینیٹر پروفیسر خورشید احمد اور دیگر ارکان سینیٹ عبدالرحیم مندوخیل، رضا محمد رضا، ایاز خان جوگیزئی، ڈاکٹر عبدالمالک، پروفیسر محمد ابراہیم خان، ڈاکٹر محمد ساعد، ڈاکٹر کوثر فردوس اور عافیہ ضیاء نے گیس اور پٹرولیم مصنوعات میں حالیہ اضافہ کی شدید مذمت کی ہے اور کہا ہے کہ موجودہ حکومت نے مہنگائی، بدامنی اور بیروز گاری کے شکار عوام سے دشمنی کا ثبوت دیتے ہوئے تیسری مرتبہ پٹرولیم کی قیمتوں میں اضافہ کیا ہے ،گزشتہ روز جاری کردہ ایک مشترکہ بیان میں کہا گیا کہ اتحادی حکومت نے اٹھارہ فروری کو پیدا ہونے والی عوامی توقعات کو خاک میں ملا دیا ہے ایک طرف لوڈ شیڈنگ، بڑھتے ہوئے جرائم اور روزگار کے سکڑتے ہوئے وسائل کی وجہ سے عوام خود کشیاں کرنے پر مجبور ہیں، دوسری طرف حکومت کے غلط اقدامات اور ناقص حکمت عملی کی وجہ سے مہنگائی میں روز بروز اضافہ ہو رہا ہے وفاقی کابینہ نے اپنی ذمہ داریوں سے صرف نظر کرتے ہوئے اوگرا کو قیمتوں میں من مانا اضافہ کا اختیار دے دیا ہے انہوں نے مطالبہ کیاکہ حکومت اپنے طرز عمل پر نظر ثانی کر ے۔

__________________