عبدالقدوس

پٹرول اور ڈیزل مزید 3 روپے لٹر مہنگا کر دیا گیا
کراچی، لاہور ( ٹی وی رپورٹ، نمائندہ جنگ) پیٹرول اور ڈیزل کی قیمتوں میں 3 روپے کا اضافہ کردیا گیا ہے۔ اوگرا ذرائع کے مطابق اضافے کا اطلاق رات 12 بجے سے ہوگیا ہے۔ پیٹرولیم مصنوعات کی قیمتوں میں اضافہ ایک دن تاخیر سے کیا گیا ہے جس کی وجہ وفاقی وزیر خزانہ اسحق ڈار سے مشاورت تھی۔ ذرائع کے مطابق پیٹرول اور ڈیزل میں ساڑھے تین روپے اضافے کی تجویز تھی تاہم وزیر خزانہ نے تین روپے کا اضافہ تجویز کیا۔ اوگرا ذرائع نے بتایا ہے کہ عالمی مارکیٹ میں اضافے کی وجہ سے پٹرولیم مصنوعات کے نرخوں میں اضافہ کیا گیا ہے۔ مٹی کے تیل کی قیمتیں کم رکھی گئی ہیں۔ نئے اضافے کے بعد پٹرول کی قیمت 62روپے 80پیسے سے بڑھ کر 65روپے 80پیسے جبکہ ڈیزل کی قیمت 44روپے 13پیسے فی لٹر سے بڑھ کر 47 روپے 13 پیسے ہوجائے گی۔ اوگرا ذرائع کے مطابق حکومت اب بھی پیٹرولیم مصنوعات پر 12ملین کے قریب سبسڈی دے رہی ہے۔ اوگرا کے حکام کا کہنا ہے کہ بھارت میں پیٹرول 78 جبکہ سری لنکا میں 73روپے فی لٹر فروخت ہو رہا ہے اور پاکستان میں قیمتیں قدرے کم ہیں۔ واضح رہے کہ جنوری 2007ء میں عالمی منڈی میں تیل کی قیمتیں 50ڈالر فی بیرل تھیں اور اب اپریل 2008ء میں 115ڈالر فی بیرل ہو گئی ہیں۔ عالمی مارکیٹ میں تیل کی قیمت دو گنا سے بھی زیادہ ہونے کے باوجود پاکستان میں قیمت 65روپے 80پیسے فی لٹر رکھی گئی ہے۔ دوسری جانب لاہور سے نمائندہ جنگ کے مطابق پٹرول اور ڈیزل کی قیمتوں میں اضافہ کے بعد ٹرانسپورٹروں نے کرایوں میں اضافے کیلئے حکومت سے فوری طور پر رابطہ کیا ہے اور کرایوں میں اضافہ کا مطالبہ کیا ہے جس سے عام لوگوں پر بھی بوجھ بڑھ جائے گا۔ گزشتہ رات پٹرول پمپوں والوں نے پٹرول اور ڈیزل کی قیمتوں میں اضافہ کر دیا جس کے بعد بسوں اور ویگنوں والوں نے لوگوں سے اضافی کرایہ وصول کرنا شروع کر دیا جس پر شہریوں نے احتجاج کیا ۔

__________________

champion_pakistani

اب آرام ای؟